Ol Miting Blong Kingdom Wok
Wik We i Stat Long Janewari 10
Singsing 107
10 menet: Lokol mesej. Ol advaes long Kingdom Wok Blong Yumi.
15 menet: “Talemaot Nem Blong Jeova Long Olgeta Ples Long Wol.” Storeyan long haf ya wetem kwestin mo ansa. Talem sam rod we yumi save folem taem yumi tekem jans blong prij, we i stap long buk ya Ol Rul Blong Mekem Minista Wok Blong Yumi, pej 93-94.
20 menet: Yumi Jusum Blong Ol Dokta Oli No Putum Blad Long Yumi, Folem Ol Loa Blong Gavman Tu. (Ol Wok 15:28, 29) Wan elda we i naf i tokbaot from wanem i impoten blong fulumap Kad Blong Hospital. (Long Inglis Advance Medical Directive/Release card, no long Franis Instructions Médicales Prévisionnelles/Décharge) Yu mas werem kad ya wetem yu oltaem. Elda i save yusum leta blong Novemba 5, 1997. Sipos wan trabol i kasem yu, kad ya i letem ol man oli save strong tingting blong yu long saed ya, wetem wanem meresin yu save akseptem no nogat. ?From wanem yu mas fulumap wan narafala kad evri yia? Bambae wan niufala kad i talem bakegen disisen blong yu blong no tekem blad. Be sipos kad ya i olfala lelebet, maet ol dokta oli save talem se kad ya i no moa stret long tingting blong yu naoia. Sipos yu kasem aksiden we i mekem ae blong yu i dak mo yu no moa naf blong toktok, bambae kad ya i save toktok long ples blong yu. Biaen long miting ya, ol Witnes we oli baptaes mo oli wantem wan niufala kad, bambae oli save kasem wan. Ol Witnes we oli gat pikinini we oli no baptaes, bambae oli kasem Aedentiti Kad blong ol wanwan pikinini blong olgeta. Yu mas fulumap gud kad ya bifo we yu saenem hem. Ol pablisa we oli no baptaes oli save raetem wan pepa blong olgeta mo blong ol pikinini blong olgeta tu. Pepa blong olgeta i save folem ol tok blong kad ya mo tokbaot ol samting we oli stret long olgeta, mo eksplenem bilif blong olgeta. Ol brata we oli lidim buk stadi, oli save mekem wan lis blong bambae oli lukaot se evri pablisa long grup blong olgeta oli kasem help we oli nidim blong fulumap gud ol kad ya. Sipos yumi mekem olgeta samting ya we oli impoten tumas, yumi soemaot we yumi waes gud, mo bambae Jeova i blesem yumi.—Prov. 16:20.
Singsing 155 mo laswan prea.
Wik We i Stat Long Janewari 17
Singsing 12
10 menet: Lokol mesej. Ripot blong ol kaon.
15 menet: Lokol nid.
20 menet: “Yusum Ol Traket Blong Statem Storeyan.” Toktok wetem olgeta we oli stap lesin. Tokbaot ol fo traket we yufala i stap seremaot plante long teritori. Askem wan kwestin we ansa blong hem i stap insaed long wan long ol traket ya. Askem ol man we oli stap lesin blong talem olsem wanem oli save yusum kwestin ya blong statem storeyan we i save lidim i go long Baebol stadi. Mekem wan pleplei mo soem olsem wanem yufala i save yusum tu long ol traket ya mo stat storeyan mo statem Baebol stadi.
Singsing 57 mo laswan prea.
Wik We i Stat Long Janewari 24
Singsing 110
10 menet: Lokol mesej mo talem sam ekspiryens long wok blong prij.
15 menet: “!Tok Blong Jeova i Stap Blong Givhan Long Yu Evridei!” Mekem wan tok mo storeyan wetem olgeta we oli stap lesin. Leftemap tingting blong evriwan blong yusum gud Ridimgud Ol Tok Blong Baebol Evridei—2000. Talem sam poen long fastok long pej 3-4. Askem long sam pablisa blong talem olsem wanem, olgeta wanwan, no wetem ful famle blong olgeta, oli traehad mo oli gohed long fasin blong lukluk evridei vas blong Baebol mo komen blong hem.
20 menet: “Wok Blong Prij i Makem Yumi Se Yumi Defren.” Talem wan sotfala fastok, mo tokbaot haf ya wetem kwestin mo ansa. Yusum Save buk, pej 173, paragraf 8, talem wan rod we yumi save folem blong leftemap tingting blong ol Baebol studen blong joen long wok blong prij.
Singsing 157 mo laswan prea.
Wik We i Stat Long Janewari 31
Singsing 16
12 menet: Lokol mesej. Talem bakegen long evriwan blong putum ripot blong prij blong manis Janewari. Talemaot buk we i blong seremaot long manis Febuwari: Mekem Famle i Hapi. Mekem wan pleplei blong soem olsem wanem blong yusum trifala kwestin long bokis long pej 12 blong pulum wan man blong storeyan.
15 menet: Ansa Long Wan Kwestin Long Saed Blong ‘Fasin Blong Makemgud’ Wan Man. Wan elda i givim tok ya we i stanap long Wajtaoa blong Julae 15, 1999, pej 29-31.
18 menet: Givhan Long Ol Narafala Blong Makemaot Trufala Skul. Storeyan wetem wan man blong givhan we i naf gud mo tu pablisa blong soem olsem wanem fasin blong yumi i pulum ol man be oli no save klia se yumi defren long ol narafala skul. Lukluk bakegen ol ten poen we i stap long Wekap! blong Mei 8, 1995, pej 20 (long Inglis). Eksplenem se taem ol man we hat blong olgeta i stret oli kasem save long ol poen ya, samting ya i save halpem olgeta blong luksave trufala skul mo giaman skul, mo nid ya blong lan long ol man blong Jeova mo blong joen wetem yumi.
Singsing 60 mo laswan prea.
Wik We i Stat Long Febuwari 7
Singsing 113
8 menet: Lokol mesej.
17 menet: !Lesin long Profet Tok Blong Daniel! Givim wan tok mo storeyan wetem ol man we oli stap lesin. Talem ol nambawan samting insaed long niufala buk (long Inglis no Franis): Ol taetel we oli pulum tingting, ol klia pijatok, ol kwestin we oli pulum tingting we oli stap long ol bokis long en blong ol japta, ol map mo plan we oli mekem ol smosmol poen oli kliagud. Makemgud haf ya we i leftemap tingting, we i eksplenem olsem wanem bambae Mikael i stanap long wan spesel fasin. (Pej 288-290) Eksplenem se i impoten tumas blong gohed strong oltaem olsem man blong tijim Tok blong God. (Pej 311-312) Yumi evriwan i mas ridim gud buk ya mo leftemap tingting blong ol man we oli intres blong mekem sem mak.
20 menet: Oli Tekem Wan Waes Disisen. Wan tok we i stanap long Wajtaoa blong Oktoba 15, 1997, pej 19-21, paragraf 3-16. Talem sam tok blong ol paenia we oli rili glad, mo soem from wanem oli bin spenem laef blong olgeta long wan wok we i rili karem frut, i mekem se oli glad mo oli harem gud. Leftemap tingting blong olgeta we oli stap lesin blong tingting long ol ekspiryens ya mo blong gat tingting ya blong mekem wok blong paenia long fiuja.
Singsing 182 mo laswan prea.