Program Blong Miting Blong Kingdom Wok

Wik We i Stat Long Epril 10

Singsing 122

10 menet: Lokol mesej. Sam Advaes long Kingdom Wok. No fogetem spesel pablik tok blong Epril 16 we stamba tok blong hem se “From Wanem Olgeta Man Long Wol Oli Nidim Ransom.” Leftemap tingting blong evriwan blong folem Baebol riding blong Memoriol we i stat long Epril 14 kasem 19, long Ridimgud Ol Tok Blong Baebol Evri Dei​—2000. Tokbaot “Ol Samting Blong Tingbaot Long Memoriol,” we i stap long pej 4 blong pepa we i stap insaed long Kingdom Wok ya.

15 menet: “?Yu Yu Gat Fasin Tangkiu From Lav Blong Kraes?” Fastok i no mas bitim wan menet, mo gohed wetem ol kwestin mo ansa. Yusum sam poen we oli kamaot long Wajtaoa blong Mei 1, 1998, pej 16-​17, paragraf 12-​13. Leftemap tingting blong evriwan blong mekem wan spesel traehad blong singaot ol man oli kam long Memoriol.

20 menet: “Epril​—!Wan Taem Blong Wok Strong Long Ol Gudfala Wok!” Kwestin mo ansa. Wan storian we i laef. Tokbaot olgeta mak we yumi wantem kasem long manis Epril.

Singsing 199 mo laswan prea.

Wik We i Stat Long Epril 17

Singsing 25

13 menet: Lokol mesej. Ripot blong ol kaon. I gat tu wiken nomo i stap long manis Epril, taswe, leftemap tingting blong evriwan blong joen long wok blong prij bifo we manis i finis. Mekem wan sotfala pleplei we i soemaot olsem wanem blong seremaot ol laswan magasin. From we maet i gat sam man oli wantem se yumi joen wetem olgeta long lafet blong Ista, lukluk bakegen sam poen long Reasoning buk, pej 179-​180.

16 menet: “?Yu Gat Fasin Blong Lego Sam Samting We Yu Nomo Yu Wantem?” Kwestin mo ansa. Yumi mas putum samting we i moa impoten long fasples. I nidim strong tingting mo fasin blong bos long tingting tu blong gohed blong mekem samting we bambae i karem blesing long yumi long saed blong spirit. Eksplenem olsem wanem eksampel blong Jisas i save tijim yumi.​—Lukluk Insight, Buk 2, pej 68, paragraf 3-5.

16 menet: Putum Magasin Long Ples We Bambae Oli Wokgud Moa. Wan tok, ol man we oli lesin oli joen tu long hem. Lukluk bakegen long sam advaes we oli stap long Wekap! blong Janewari 8, 1995, pej 22-24 (Inglis). Eksplenem from wanem i gud blong traem faenem ol man we maet bambae oli intres long sam spesel atikol we oli kamaot long ol magasin. Tingbaot sam eksampel blong sam atikol we oli pas finis blong soemaot se oli bin pulum intres blong wanem kaen man, bisnes man, no kampani long eria blong yumi we ol atikol ya oli bin pulum tingting blong olgeta. Askem samfala blong talemaot ekspiryens we i soem olsem wanem oli kasem gudfala frut taem oli folem rod ya.

Singsing 71 mo laswan prea.

Wik We i Stat Long Epril 24

Singsing 137

10 menet: Lokol mesej. Talemaot namba blong olgeta man we oli kam long Memoriol long kongregesen blong yufala. Askem sam brata sista blong talem tingting blong sam man we i fastaem blong oli kam long miting ya.

17 menet: Givhan Long Ol Niuwan Blong Kam Long Ol Miting. Wan tok we i stanap long Save buk, pej 161-163, paragraf 5-8. Taem ol niuwan oli stadi smoltaem finis, i impoten we oli stat kam long ol miting. I no isi blong traem mekem olgeta oli kam. ?Yu save mekem wanem blong pulum tingting blong olgeta long saed ya? Olgeta we oli stap mekem ol stadi oli mas tektaem blong lukluk bakegen ol advaes we oli stap long Save buk wetem studen blong olgeta mo mekem plan blong givhan long olgeta blong joen wetem yumi long trufala wosip.

18 menet: “?Yu Yu Stap Gohed Oltaem Blong Talemaot Kingdom?” Wan tok mo storian wetem ol man we oli lesin. Sekretari blong kongregesen i mekem tok ya. Eksplenem from wanem yumi mas givim wan ripot long saed blong wok blong prij. (Lukluk Ol Rul Blong Mekem Minista Wok Blong Yumi, pej 106-108.) Talem sam long ol problem we oli save kamaot taem yumi no givim ripot blong yumi kwiktaem. Askem olgeta we oli lesin blong talem wanem we oli stap mekem blong meksua se oli givim ripot blong olgeta long stret taem. Talem olsem wanem ol brata we oli lukaot long ol Kongregesen Buk Stadi oli save givhan long saed ya. I gat wan wiken nomo i stap long manis Epril, makem se i impoten long evriwan blong joen long wok blong prij mo givim ripot long en blong manis ya.

Singsing 200 mo laswan prea.

Wik We i Stat Long Mei 1

Singsing 213

15 menet: Lokol mesej. Talem bakegen long evriwan blong putum ripot blong manis Epril. Ol brata we oli lukaot long ol Kongregesen Buk Stadi oli mas jekemap evriwan long grup blong olgeta blong mekem se olgeta ripot oli kam bifo long Mei 6. Lukluk Wan Kwestin, mekem ol poen oli laenap wetem ples blong yu.

15 menet: Lokol nid.

15 menet: “!Mekem Sua Se Yu Gobak Bakegen!” Storian wetem olgeta we oli lesin. Tokbaot sam risen from wanem samtaem yumi no mekem visit bakegen. Eksplenem from wanem i impoten blong tekem not long saed blong man we yu wantem visitim bakegen mo gat strong tingting blong go luk hem bakegen. I gud blong makem wan taem evri wik blong mekem ol visit bakegen. Lukluk bakegen sam poen we oli stap long Ol Rul Blong Mekem Minista Wok Blong Yumi, pej 88-89.

Singsing 68 mo laswan prea.