Pepa Blong Lukluk Bakegen Ol Poen Blong Tiokratik Skul
Yumi klosem ol buk blong lukluk ol poen we Tiokratik Skul i storebaot long ol wik bitwin Mei 1 mo Ogis 21, 2000. Yusum wan spesel pepa blong raetemdaon ansa blong yu. Traem ansa long olgeta kwestin we yu save ansarem long taem blong miting ya.
[Not: Long taem blong lukluk bakegen ol poen blong Tiokratik Skul, yu save yusum Baebol nomo. Ol refrens we oli stap biaen long ol kwestin, yu save yusum olgeta long haos blong yu.]
Raetem “Tru” no “Giaman” biaen long ol tok ya:
1. Ansa we Gideon i givim blong ansa long ol strong tok blong ol man Efraem i soem se hem i wan kwaet man, i gat tingting daon, nao long rod ya, hem i blokem ol tok agens blong olgeta mo i holemtaet pis. (Jaj. 8:1-3) [Baebol Riding Blong Wik]
2. Nating we Manoa i talem se “yumitufala i luk God stret long ae blong yumitu,” i no minim se tufala i luk Jeova hem wan, be tufala i luk wan man blong karem tok blong hem we i tekem bodi olsem man. (Jajes. 13:22) [Baebol Riding Blong Wik; lukluk w88 5/15 pej 23 haf 3.]
3. Long Jajes 5:31, tok ya “ol fren blong yu,” i wan profet tok we i stap go long ol 144,000 man we bambae oli rul long Kingdom. [si pej 50 haf 28]
4. I no gat wan haf blong buk blong Rut long ol Skrol blong Ded Si. [si pej 51 haf 3]
5. Jajes 21:25 i stap tokbaot taem ya we Jeova i lego ol man Isrel we i no soem wan rod nating long olgeta. [Baebol Riding Blong Wik; lukluk w95 6/15 pej 22 haf 16.]
6. Ol Jerubim we oli stap antap long bokis blong kontrak i soem se Jeova i stap olsem King, we Baebol i talem se hem i stap “sidaon antap [no, “bitwin”] long ol Jerubim.” (1 Saml. 4:4, ftn., NW ) [Baebol Riding Blong Wik; lukluk w80 11/1 pej 29 haf 2.]
7. Taem ol soldia blong Sol oli hanggri tumas, nao oli kakae blad mo oli no kasem panis from, samting ya i soem se samtaem man i save brekem loa blong God blong sevem laef blong hem (1 Saml. 14:24-35) [Baebol Riding Blong Wik; lukluk w94 4/15 pej 31 haf 7-9.]
8. Samfala man oli joenem tok ya “pulum man” wetem fasin ya blong fosem man mo trikim man, be yumi save yusum tok ya long gudfala rod, se hemia i minim mekem man i bilif, mo jenisim tingting blong hem wetem ol tok we oli waes mo stret. (2 Tim. 3:14, 15) [w98 5/15 pej 21 haf 4]
9. “Bag blong laef” i minim ol samting we God i givim blong protektem mo sevem man, mo samting ya bambae i mekem i gud long Deved sipos hem i no mekem blad i ron long ae blong God. (1 Saml. 25:29) [Baebol Riding Blong Wik, lukluk w91 6/15 pej 14 haf 3.]
10. Kontrak blong Kingdom blong Deved we 2 Samuel 7:16 i tokbaot, i makem famle blong Laen we i kam Mesaea mo i olsem wan strong promes se wan man long laen blong Deved bambae i rul “oltaem, gogo i no save finis.” [Baebol Riding Blong Wik; lukluk w89 2/1 pej 14 haf 21–pej 15 haf 22.]
Αnsa long ol kwestin ya:
11. ?Ol Sam 34:18 i mekem yumi sua long wanem samting? [w98 4/1 pej 31 haf 2]
12. ?I soemaot wanem taem oli putum narafala nem blong Josef se Banabas? (Ol Wok 4:36) [w98 4/15 pej 20 haf 3, ftn.]
13. ?From wanem stori blong Baebol i talem se Eli i stap ona long tufala pikinini blong hem moa i winim we hem i stap ona long Jeova? (1 Saml. 2:12, 22-24, 29) [Baebol Riding Blong Wik; lukluk w96 9/15 pej 13 haf 14.]
14. ?From wanem buk blong Rut i mekem bilif blong yumi i strong long saed blong ol promes blong kingdom? [si pej 53 haf 10]
15. Folem 1 Samuel 1:1-7, ?famle blong Samuel i soem wanem nambawan eksampel? [Baebol Riding Blong Wik; lukluk w98 3/1 pej 16 haf 12.]
16. ?Wanem mining blong tok ya we i talem se ‘giaman paoa blong ol rij samting’? (Mat. 13:22, NW ) [w98 5/15 pej 5 haf 1]
17. ?Olsem wanem Jonatan we i olfala moa i soemaot se hem i luksave Deved we Jeova i makemaot, mo samting ya i pija blong wanem tede? (1 Saml. 18:1, 3, 4) [Baebol Riding Blong Wik; lukluk w89 1/1 pej 24, 26 haf 4, 13.]
18. Nating se Job i “no mekem wan samting we i no stret,” ?olsem wanem buk blong hem i soem se samting ya i no minim se hem i stret gud olgeta? (Job 1:8) [w98 5/1 pej 31 haf 1]
19. ?Tok ya “yufala i mas traehad” i minim wanem? (Luk 13:24) [w98 6/15 pej 31 haf 1, 4]
20. Taem yumi stap wok wetem ol narafala, ?yumi save tingbaot wanem nambawan lesen olsem i stap long 2 Samuel 12:26-28? [Baebol Riding Blong Wik; lukluk w93 12/1 pej 19 haf 19.]
Raetem ol stret tok long ol emti ples:
21. Fasin ya we Jeova i agensem strong wosip blong Bal i mas pusum yumi tede blong stap longwe long ․․․․․․․․ mo ․․․․․․․․ (Jaj. 2:11-18) [si pej 50 haf 26]
22. Hem i long taem blong Samuel we wok blong ․․․․․․․․ i finis mo taem blong ․․․․․․․․ i stat, we biaen Jeova i no moa glad long ol man Isrel. [si pej 53 haf 1]
23. Nem ya blong God, Jeova, i minim ․․․․․․․․ mo samting ya i soem se Jeova i save mekem eni samting we hem i wantem mekem blong mekem ․․․․․․․․ blong hem i kamtru. [w98 5/1 pej 5 haf 3]
24. Eli mo Sol, tufala tugeta i foldaon from we Eli i ․․․․․․․․ tekem aksin mo Sol i mekem ․․․․․․․․ [si pej 57 haf 27]
25. Parabol we Jisas i talem long saed blong man Sameria i soem se wan man we i rili stret, hemia wan man we i no obei nomo long ol ․․․․․․․․ blong God, be antap long samting ya, i folem ol ․․․․․․․․ blong hem. (Luk 10:29-37) [w98 7/1 pej 31 haf 2]
Putum wan mak aninit long ol stret tok:
26. Yumi save luk nambawan fasin (waes; paoa; lav) blong Jeova long fasin ya we hem i jusum woman Moab ya (Rut; Naomi; Ofra), we bifo i stap wosipim (Bal; Kemos; Dagon), be hem i kam long trufala skul mo i kam bubu blong Jisas Kraes. (Mat. 1:3, 5, 16) [si pej 51 haf 1]
27. Rul blong ol jaj blong Isrel i finis taem oli makemaot (Samuel; Deved; Sol) olsem king mo smoltaem biaen, Jeova i givhan long hem blong winim ol man (Αmon; Moab; Filistaen). (1 Saml. 11:6, 11) [Baebol Riding Blong Wik; lukluk w95 12/15 pej 9 haf 2–pej 10 haf 1.]
28. Hem i (aposol Pol, papa, mama mo bubu woman) blong Timoti we i tijim hem “long ol tok blong Baebol” we i mekem se biaen, hem i kam wan nambawan misinari mo elda. (2 Tim. 3:14, 15; Filipae 2:19-22) [w98 5/15 pej 8 haf 3–pej 9 haf 5]
29. Minista wok we (Deved; Samuel; Jonatan) i mekem taem hem i yang nomo, i mas leftemap tingting blong ol yangfala tede blong joen long minista wok mo fasin ya we hem i gohed long minista wok blong hem go kasem we hem i ded i mas leftemap tingting blong olgeta we oli gat moa yia. [si pej 58 haf 30]
30. Taem we buk blong 2 Samuel i kavremap, hemia (1077 kasem samwe long 1040; 1077 kasem samwe long 1037; 1070 kasem samwe long 1040) B.K.T. [si pej 59 haf 3]
Joenem ol tok ya wetem ol vas ya:
Jaj. 11:30, 31; 1 Saml. 15:22; 30:24, 25; 2 King 6:15-17; Jem. 5:11
31. Jeova i mekem yumi sua se bambae hem i yusum ol enjel blong hem long heven blong protektem ol man blong hem we oli stap mekem wil blong hem. [w98 4/15 pej 29 haf 5]
32. Ol elda blong kongregesen oli gat wok blong folem samting oli agri long hem nating se samting ya i mekem oli harem nogud mo i tekem taem blong olgeta. [w99 9/15 pej 10 haf 3-4]
33. Jeova God i save givim bigfala pei long man we i holem strong long hem taem i kasem bigfala traem. [w98 5/1 pej 31 haf 4]
34. Trufala fasin blong lavem God i minim se yumi mas obei long ol rod we hem i stap yusum blong lidim yumi, be i no jes blong givim sakrefaes i go long hem. [Baebol Riding Blong Wik; lukluk w96 6/15 pej 5 haf 1.]
35. Jeova i soem bigfala tangkiu long olgeta we oli stap wok strong blong sapotem ogenaesesen tede. [Baebol Riding Blong Wik; lukluk w86 9/1 pej 28 haf 4.]