Miting Blong Kingdom Wok

Wik We i Stat Long Oktoba 9

Singsing 11

8 menet: Lokol mesej. Jusum sam long ol Advaes long Kingdom Wok Blong Yumi we i stret blong talem.

12 menet: “Tingbaot Ol Nambawan Wok Blong God.” Fastok i no mas bitim wan menet, mo gohed wetem ol kwestin mo ansa. Tokbaot sam long ol pija we oli stap long niufala buk we oli save mekem yumi gat moa tangkiu from profet tok blong Aesea.

25 menet: “Niu Mileniam​—?Wanem Fiuja Blong Yu?” Elda we i lukaot long wok blong prij i mekem tok ya blong wekemap tingting. Afta we yu ridimaot mesej we i stap long leta we Sosaeti i sanem long ol elda long Julae 3, 2000, givimaot wanwan kopi blong Kingdom Nius No. 36 long ol man long miting ya. Ale, gohed blong tokbaot haf ya wetem ol kwestin mo ansa. Talem sam long ol plan we kongregesen i gat blong traem kavremap fulwan teritori long ples blong yufala. Tokbaot olsem wanem blong halpem ol niuwan mo ol pikinini blong oli naf blong kam ol pablisa we oli no baptaes yet. Mekem wan sotfala pleplei. Talem se i impoten blong evriwan i joen fulwan long spesel wok ya.

Singsing 53 mo laswan prea.

Wik We i Stat Long Oktoba 16

Singsing 104

10 menet: Lokol mesej. Ripot blong ol kaon. Talem bakegen long olgeta pablisa se taem oli seremaot Kingdom Nius No. 36 long wiken oli mas seremaot ol Wajtaoa mo ol Wekap! tu.

15 menet: “Ol Tul We Oli Tijim Man, Pulum Tingting, Mo Givim Paoa.” (Paragraf 1 mo 2 nomo.) Wan tok. Tekem smoltaem nomo blong tokbaot olsem wanem Sosaeti i stat blong wokem ol video kaset. (Lukluk buk ya Proclaimers, long pej 600-601.) Leftemap tingting blong evriwan blong lukluk video kaset ya Jehovah’s Witnesses​—The Organization Behind the Name blong rere from storian we bambae yumi gat long Miting blong Kingdom Wok long wik blong Oktoba 30. Olgeta we oli gat video kaset ya oli save serem wetem olgeta we oli no gat, no maet oli save mekem plan blong wajem video kaset ya tugeta.

20 menet: Yumi Evriwan i Save Gat Tingting Olsem Ol Paenia. Wan elda we i lukaot long buk stadi i storian wetem brata we i givhan long hem blong lukaot long buk stadi ya. Tok ya i stanap long Wajtaoa blong Oktoba 15, 1997, pej 22-23. Tokbaot from wanem i gud sipos i gat moa paenia insaed long kongregesen mo olsem wanem evri memba blong kongregesen oli save givhan blong kasem mak ya. Mo tu, tokbaot sam rod blong leftemap tingting blong olgeta we oli stap paenia naoia blong oli gohed long wok ya mo olsem wanem evriwan insaed long kongregesen oli save kasem strong tingting moa long wok blong prij.

Singsing 131 mo laswan prea.

Wik We i Stat Long Oktoba 23

Singsing 150

10 menet: Lokol mesej.

15 menet: Lokol nid.

20 menet: Reregud From Ol Miting. Wan tok mo askem sam kwestin long ol man we oli lesin. Ol blesing we yumi kasem from ol miting oli dipen bigwan long traehad we yumi mekem blong rerem ol miting ya. Lukluk bakegen long Wajtaoa blong Maj 1, 1998, pej 15-16, paragraf 8-11. Askem ol man we oli lesin blong talem olsem wanem olgeta wanwan oli wokem tingting blong olgeta blong reregud ol miting mo faenem taem blong mekem olsem.

Singsing 211 mo laswan prea.

Wik We i Stat Long Oktoba 30

Singsing 167

8 menet: Lokol mesej. Talem long ol pablisa se oli no mas fogetem ripot blong olgeta blong manis Oktoba.

12 menet: Ol Ekspiriens Long Saed Blong Wok Blong Seremaot Kingdom Nius No. 36. Askem long ol defren pablisa blong storebaot sam gudfala frut we oli kasem finis taem oli seremaot Kingdom Nius No. 36. Askem sam fultaem mo haftaem paenia blong oli talem tingting blong olgeta long saed blong bigfala wok we i gohed from spesel taem ya mo janis we oli gat blong wok wetem plante defren pablisa.

25 menet: Jehovah’s Witnesses​—The Organization Behind the Name. Askem sam kwestin long ol man we oli lesin. Lukluk ol kwestin we oli stap long paragraf 3 blong “Ol Tul We Oli Tijim Man, Pulum Tingting, Mo Givim Paoa.” Givim sam advaes olsem wanem blong yusum video kaset ya blong halpem ol man we oli intres blong oli gat moa save long saed blong ogenaesesen blong yumi. Talem wan no tu sotfala ekspiriens.​—Lukluk Wajtaoa blong Oktoba 1, 1992, pej 30-31.

Singsing 15 mo laswan prea.

Wik We i Stat Long Novemba 6

Singsing 198

12 menet: Lokol mesej. Talem sam nius bakegen long saed blong wok blong seremaot Kingdom Nius No. 36. Talemaot hamas teritori we yumi kavremap finis mo wanem we i nidim blong mekem yet, blong bambae wok ya i finis long Novemba 17.

15 menet: ?Yumi Bilif Long Wanem? Wan brata i mekem visit bakegen long wan man we i bin askem se, “?Ol Witnes blong Jeova oli tijim wanem we i mekem se oli defren long ol narafala skul?” Tokbaot sam poen long bokis we i stap long pej 6 long Wajtaoa blong Oktoba 1, 1998. Eksplenem se ol narafala skul oli no wantem tingbaot ol stamba trutok ya blong Baebol from we oli wantem moa blong folem ol tijing blong man.

10 menet: Singsing​—Wan Impoten Haf Long Wosip Blong Yumi. Wan brata we i lidim wan buk stadi i storian wetem tu pablisa long saed blong fasin blong singsing long ol miting blong kongregesen. Brata ya i luksave se tufala pablisa ya tufala i no moa singsing wetem fulhat blong tufala. Hem i serem sam poen long Wajtaoa blong Febuwari 1, 1997, pej 27-28, long tufala. Oli lukluk ol tok blong wan singsing we bambae oli sing long hem long Wajtaoa Stadi blong wik we i kam, olsem we Wajtaoa blong Julae 1, 1999, pej 20, paragraf 12, i eksplenem. Taem yumi tinghevi long singsing, yumi save presem Jeova wetem fulhat blong yumi.

8 menet: “Sam Samting Blong Tingbaot Long Hot Taem.” Wan elda i storian wetem wan pablisa long saed blong plan we oli gat long ol manis blong hot taem we i stap kam. Oli agri se bambae oli no mas lego fasin blong stadi wanwan, go long ol miting, mo joen long wok blong prij. Oli eksplenem olsem wanem oli mekem plan blong no lego ol gudfala tiokratik wok.

Singsing 223 mo laswan prea.