Advaes

◼ Buk we yumi seremaot long manis Jenuware: Wan long olgeta buk we i gat 192 pej we oli bin wokem bifo no afta long 1986, sipos kongregesen i gat long stok. Ol kongregesen we oli gat buk ya Mankind’s Search for God oli save seremaot hem tu. Februari: Life​—⁠How Did It Get Here? By Evolution or by Creation?, Revelesen​—⁠!Kolosap I Kasem Nambawan En Blong Hem!, no eni buk we i gat 192 pej we kongregesen i gat long stok. Maj: Save Blong Lidim Yu Long Laef We i No Save Finis. Bambae yumi traehad blong statem ol Baebol stadi. Eprel: Ol Wajtaoa mo Wekap! magasin. Sipos olgeta we yumi visitim bakegen oli soem intres, yumi save askem olgeta blong mekem sabskripsen. Yumi save seremaot buk ya Save no buklet Wanem long olgeta, wetem tingting ya blong statem ol Baebol stadi.

◼ Plis yufala i makem se dei blong Memoriol blong 2002 i Tasde, Maj 28, afta we san i godaon. I no Fraede, Maj 22, olsem we 2001 Calendar i soemaot. Ol brata we oli go long narafala aelan oli mas meksua se bambae oli gat wan stret ples blong mekem Memoriol, long rod ya miting i save gohed long fasin we i kwaet mo i folem oda. I gud blong mekem gudfala plan fastaem, blong gat inaf buk blong seremaot long ol vilej we bambae yufala i go long hem. Miting ya i impoten tumas. Taswe, taem ol elda oli putumap wan brata blong mekem tok blong Memoriol long ol kongregesen we i gat fulap man, i moagud sipos oli jusum wan long ol elda we oli nafgud blong mekem tok blong Memoriol, i bitim we oli yusum sem elda nomo evri yia, no oli jusum wan elda jes from we hem i no mekem tok ya longtaem. I tru, sipos i gat wan elda we i wan tabu brata, mo hem i naf blong givim tok ya, i moagud hem i mekem.

◼ Olgeta pablisa we oli baptaes finis we oli stap long Miting blong Kingdom Wok long wik blong Jenuware 8, oli save kasem kad blong blad mo Aedentiti kad blong ol pikinini blong olgeta.

◼ Stat long Februari, mo bifo long Maj 4, ol seket elda bambae oli givim niufala pablik tok ya long ol kongregesen: “Dei Blong Jajmen​—⁠?Taem Blong Fraet no Taem Blong Gat Hop?”

◼ Ol kongregesen oli mas mekem ol stret plan blong Memoriol long yia ya, hemia long Wenesde, Eprel 8, afta we san i godaon. Nating sipos tok i stat bifo long taem ya, be yumi no mas pasem bred mo waen bifo we san i godaon. Jekemapgud se san i stap godaon long wanem taem long ples blong yumi. Bambae i no gat ol miting long dei ya, be miting blong wok blong prij nomo, taswe i gud blong jenisim Wajtaoa Stadi i go long wan narafala dei we i stret long evriwan. Ol seket elda oli mas jenisim plan blong olgeta long wik ya, blong mekem i laenap wetem ol jenis blong kongregesen we oli stap visitim. I moagud sipos ol wanwan kongregesen oli gat prapa Memoriol blong olgeta, be maet samtaem i no isi blong mekem olsem. Sipos plante kongregesen oli stap yusum semfala Haos Kingdom, maet wan long ol kongregesen i save yusum wan narafala ples blong mekem Memoriol. Sipos i gat rod, i moagud se i gat 40 menet bitwin ol program ya, blong givim inaf taem blong evriwan i talem halo, mo storian gud wetem ol niuwan we oli soem intres. Yumi mas tingbaot tu, ol transpot mo ples blong putum trak, mo olsem wanem blong lego mo pikimap ol pasenja. Ol elda oli mas tekem disisen se wanem i moagud blong mekem long ples blong yumi.

◼ Spesel tok long taem blong Memoriol long 2001, bambae i stap long Sande, Eprel 1. Stamba tok hemia, “?Hu i Save Kasem Sef?” Bambae ol kongregesen oli kasem wan plan blong tok ya. Ol kongregesen we oli gat visit blong seket elda no seket asembli long wik ya, oli save mekem spesel tok long wik blong Eprel 9. Ol kongregesen oli no mas mekem spesel tok ya bifo Eprel 1, 2001.