Ol Miting Blong Kingdom Wok

Wik We i Stat Long Jenuware 8

Singsing 29

7 menet: Lokol mesej. Jusum sam Advaes long Kingdom Wok Blong Yumi we i stret blong talem.

13 menet: “Yufala i Mas Letem Laet Ya i Saenaot.”a Yusum sam haf insaed long Wajtaoa blong Jun 1, 1997, pej 15, haf 12-13. Leftemap tingting blong evriwan blong oli tekem evri janis we oli gat blong givim witnes.

25 menet: Sam Samting We Oli Lukaotgud Long Helt Blong Yumi. Wan elda we i savegud bisnes ya bambae i mekem tok ya, we i stanap long leta we Sosaeti i sanem long olgeta kongregesen long Disemba 1, 2000. (Lukluk bakegen long leta blong Novemba 5, 1997.) Makemgud poen ya se, beswan rod, we i laenap wetem loa, blong yumi no kasem trabol taem yumi no agri blong tekem blad, hemia kad ya Advance Medical Directive/Release card (long Franis Instructions Médicales Prévisionnelles/Décharge). Afta long miting blong tunaet, olgeta pablisa we oli baptaes finis, bambae oli save kasem wan kad olsem. Kongregesen i mas gat inaf kad blong givim long olgeta wanwan memba blong famle. I gud blong saenem, raetem ol nem mo namba blong telefon blong ol witnes, mo putum dei long ol kad ya tunaet no long wik we i kam. Brata we i lukaot long Buk Stadi blong yu i save givhan long yu long saed ya sipos i nidim. Ol brata ya we oli lukaot long ol buk stadi, oli mas meksua se evriwan long grup blong hem oli kasem help we oli nidim blong fulumap olgeta haf insaed long kad ya. Mifala i mas talem bakegen se, sipos yu go slip long hospital blong ol dokta oli katem yu, i no kad ya we bambae yu mas givim long ol dokta. Long taem olsem, yu mas fulumap pepa ya, Blood Transfusion Refusal/Refus de Transfusion Sanguine, we ol elda oli save givim long yu. Yu mas fulumapgud pepa ya mo givim long hospital no klinik blong yu, afta we yu storian finis wetem dokta no nes we bambae i katem yu. I gat tu, ol Aedentiti Kad blong ol pikinini, we ol papa mama oli save kasem long miting long naet ya. Ol pablisa we oli no baptaes yet, oli save raetem wan pepa blong olgeta mo ol pikinini blong olgeta. Samting we oli raetem long pepa blong olgeta i save folem sam long ol tok blong kad ya mo tokbaot ol samting we oli stret long olgeta, mo eksplenem bilif blong olgeta.

Singsing 1 mo laswan prea.

Wik We i Stat Long Jenuware 15

Singsing 51

10 menet: Lokol mesej. Ripot blong ol kaon.

15 menet: Lokol nid.

20 menet: ?Yu Yu Stap Ridimgud Ol Tok Blong Baebol Evri Dei? Wan tok mo askem kwestin long samfala. Lukluk sam poen long Wajtaoa blong Disemba 15, 1996, pej 17-18, haf 12-14. Makem gud poen ya se i waes blong tokbaot vas blong dei wetem famle evri dei. Askem kwestin long sam memba blong famle. Olgeta ya oli talem wanem vas blong dei we oli bin ridim i no longtaem, we i bin givhan long olgeta mo oli eksplenem olsem wanem vas ya i givhan long olgeta. Mekem i klia long tingting blong evriwan se fasin ya blong ridim vas blong dei i mas stap long program blong famle stadi. Ol program olsem oli blong mekem ol famle oli strong mo halpem olgeta blong stap bisi oltaem long wok blong God.

Singsing 67 mo laswan prea.

Wik We i Stat Long Jenuware 22

Singsing 90

7 menet: Lokol mesej.

18 menet: Olsem Wanem Blong Rerem Sam Fastok. Wan tok wetem ol pleplei. Luklukbak long sam poen long Reasoning buk, pej 9. Soem olsem wanem yumi save jusum sam fastok we oli laenap wetem stael blong yumi blong toktok, mo teritori blong yumi. Talem bakegen eksampol blong sam fastok we yumi save yusum taem yumi seremaot buklet ya Wanem, mo mekem wan no tu pleplei blong soemaot samting ya. (Lukluk Kingdom Wok Blong Yumi, Eprel 1997, pej 8.) Leftemap tingting blong evriwan blong yusumgud ol advaes long Reasoning buk mo Kingdom Wok Blong Yumi long wok blong prij we oli mekem.

20 menet: “Yumi Mas Lesingud.” Wan tok mo askem sam kwestin long olgeta we oli lesin. Yusum sam poen we oli stap long School Guidebook, pej 27-28, haf 15-17. Beswan rod blong luksave sipos yumi wan man we i save lesingud, hemia blong skelem hamas samting we yumi naf blong rimemba. Askem olgeta we oli lesin blong talem sam poen we oli rimemba long saed blong ol tok we i kamaot long Tiokratik Skul blong naet ya.

Singsing 96 mo laswan prea.

Wik We i Stat Long Jenuware 29

Singsing 139

10 menet: Lokol mesej. Talem bakegen long olgeta pablisa blong givim ol ripot blong prij blong Jenuware. Talem buk we bambae yumi seremaot long Februari, mo sam long ol buk we kongregesen i gat i stap long stok.

15 menet: “Wok Oltaem Wetem Glad.”b Soem sam samting long wok blong God we oli givim glad long yumi, olsem i stap long Buk 2 blong Insight, pej 120, haf 6-8.

20 menet: “Papa Mama​—Mekem Pikinini Blong Yu i Lanem Ol Gudfala Fasin.” Wan tok mo askem kwestin long sam papa mama we ol pikinini blong olgeta oli stap gohed gud long trutok. Ol papa mama ya oli talem sam gudfala poen we oli bin folem blong mekem se ol pikinini blong olgeta oli joen long wok blong prij. Sipos i gat naf taem, tokbaot sam poen we oli stap long buk ya Famle i Hapi, pej 55-59.

Singsing 149 mo laswan prea.

Wik We i Stat Long Februari 5

Singsing 168

10 menet: Lokol mesej.

15 menet: Holem Ol Kristin Fasin Taem Yu Stap Long Skul. Wan papa i toktok wetem boe no gel blong hem blong soemaot se skul hem i wan ples we i save pulum ol yangfala blong mekem ol nogud fasin. Papa ya i talem long yangfala blong hem se hem i mas lukaot gud long ol fren we hem i jusum mo no joen long ol kaen pleplei we i luk olsem se oli agensem Kristin bilif. Oli luklukbak long pej 24 long buklet ya Education mo tokbaot from wanem i impoten we ol Witnes oli soem gudfala eksampol. Papa i tokbaot sam traem we oli stap kam antap bigwan blong pulum ol yangfala, olsem drag, boefren no gelfren, ol lafet, no sam spot. Oli tokbaot sam rod we i save givhan blong blokem trabol. Papa ya i talem long yangfala blong hem se hem i no mas wet blong talem long hem sipos i gat trabol i kasem hem. Papa ya i wantem save long eni trabol we yangfala ya i fesem mo hem i rere blong givhan.

20 menet: Jusum Ol Pleplei We Oli Save Bildimap Yu. Wan famle i storian tugeta long sam advaes we oli stap long Wekap! blong Mei 22, 1997 (Inglis mo Franis). Papa i wari long ol pleplei we famle blong hem i stap spenem taem long hem. Afta we oli tokbaot sam long ol poen we oli stap long pej 4-7 (aninit long smol stamba tok ya “What Has Happened to Entertainment?”), oli tokbaot sam kaen pleplei we oli save bildimap olgeta mo mekem i gud long olgeta. Lukluk wanem i stap long buk ya Ol Rul, pej 125-126, aninit long smol stamba tok ya “Spel,” mo pej 128-129, aninit long smol stamba tok ya “Oltaem Yufala i Mas Leftemap Nem Blong God.” Makem klia poen ya se, hemia wok blong papa mama blong lidim famle long saed blong ol pleplei mo se ol wanwan memba blong famle oli mas traehad blong mekem se famle i harem gud.

Singsing 190 mo laswan prea.

[Futnot]