Ol Miting Blong Kingdom Wok

Wik We i Stat Long Februari 12

Singsing 6

10 menet: Lokol mesej. Ol Advaes long Kingdom Wok Blong Yumi. Bambae yumi tokbaot video kaset ya, The Bible​—Mankind’s Oldest Modern Book, long Miting Blong Kingdom Wok long wik blong Februari 26. Bambae yumi tokbaot ol kwestin long pej 7 blong Kingdom Wok ya.

15 menet: “Ol Gudfala Wok Oli Leftemap Nem Blong Jeova.”a Tokbaot sam poen long buk ya Proclaimers, long pej 187, paragraf 2-3.

20 menet: “Pulum Tingting Blong Ol Narafala.” Wan brata we i stap lidim Buk Stadi, i storian wetem wan paenia no wan pablisa we i strong blong prij. Tokbaot haf ya mo jusum sam poen long Wajtaoa blong Mei 15, 1998, pej 21-23. Tokbaot ol poen long bokis long pej 23, aninit long stamba tok ya “Kasem Hat Blong Studen Blong Yu.” Jusum wan giaman tijing we plante man long ples blong yufala oli bilif long hem, mo tokbaot olsem wanem blong pulum tingting blong wan man, blong hem i bilif long wanem we Baebol i tokbaot long saed blong tijing ya.

Singsing 208 mo laswan prea.

Wik We i Stat Long Februari 19

Singsing 221

8 menet: Lokol mesej. Ripot blong ol kaon.

15 menet: Lokol nid.

22 menet: “Talemaot Nem Mo Ol Wok Blong Jeova.”b Wan elda i tokbaot bakegen ol spesel plan we yufala i bin mekem blong gohed moa long wok blong prij long Maj mo Eprel. Leftemap tingting blong ol brata sista blong mekem haftaem paenia. Askem samfala we oli bin paenia long Eprel long yia ya blong talemaot glad we oli kasem taem oli mekem wok ya. Tokbaot sam rod blong halpem evri pablisa we oli no moa prij blong oli joen bakegen wetem yumi long wok ya, mo tu halpem ol pikinini mo ol narafala Baebol studen blong oli kam ol pablisa.​—Lukluk bokis ya Ansa Long Wan Kwestin long Kingdom Wok blong Novemba 2000.

Singsing 27 mo laswan prea.

Wik We i Stat Long Februari 26

Singsing 48

8 menet: Lokol mesej. Talem long ol pablisa blong putum ripot blong Februari.

12 menet: Tokbaot Ol Defren Rod blong Seremaot Save Buk. ?Yu tingbaot finis wan fastok blong seremaot Save buk long manis Maj? Sipos yu lukluk long laswan pej blong ol Kingdom Wok we oli pas finis, bambae yu luk sam rod blong statem wan storian wetem man long wok blong prij mo blong mekem visit. Tokbaot tu no tri long ol defren rod ya. (Disemba 1995; Maj, Jun, Novemba 1996; Jun 1997; Maj 1998) Yusum tufala rod ya we i stap long Kingdom Wok blong Novemba 1996, mo mekem tu pleplei we i soem fasin blong statem Baebol stadi wetem man long faswan taem we yu prij long hem. Leftemap tingting blong evriwan blong traehad blong statem ol niufala stadi.

25 menet: “Soem Tangkiu From Video Kaset Ya The Bible​—Mankind’s Oldest Modern Book.” Storian wetem olgeta we oli stap lesin mo askem ol kwestin we i stap long pej 7. Soemaot se oli prentem fulwan no haf nomo blong 100 milian kopi blong Baebol ya New World Translation long 37 lanwis. Hem i wan long ol Baebol we oli seremaot long plante ples long wol. Long Eprel bambae yumi lukluk namba tri video kaset ya, The Bible​—Its Power in Your Life.

Singsing 64 mo laswan prea.

Wik We i Stat Long Maj 5

Singsing 81

7 menet: Lokol mesej.

18 menet: “Jeova i Givim Paoa Long Yumi.”c Askem long olgeta we oli stap lesin blong talem olsem wanem Baebol i save wok long laef blong wan man.

20 menet: Lokol nid. Sipos no, givim tok ya “No Putum Mak We i Strong Tumas Blong Kasem” we i stanap long Wajtaoa blong Ogis 1, 2000.

Singsing 108 mo laswan prea.

[Futnot]