Ol Miting Blong Kingdom Wok

MAKEM: Ol kongregesen oli save jenisim sam samting long program ya sipos oli gat Distrik Asembli ya “Ol Man Blong Tijim Tok Blong God.” Long laswan Miting Blong Kingdom Wok bifo long asembli, tekem 15 menet blong lukluk bakegen sam advaes we i stret long ples blong yumi, long pepa we i stap insaed long Kingdom Wok blong Julae. Long manis Oktoba, bambae i gat fulwan Miting Blong Kingdom Wok blong tokbaot bakegen ol nambawan poen we oli kamaot long asembli ya. Blong rere from miting ya, yumi evriwan i save raetem ol impoten poen taem yumi stap long asembli ya. I gud blong raetem ol poen we yumi wantem wokem long laef blong yumi wanwan, mo long wok blong prij. Nao bambae yumi save eksplenem olsem wanem yumi bin folem ol advaes ya afta long asembli. Bambae i leftemap tingting blong yumi evriwan sipos yumi harem narafala i talemaot olsem wanem hem i harem gud from ol tijing we yumi bin kasem.

Wik We i Stat Long Ogis 13

Singsing 30

13 menet: Lokol mesej. Jusum sam Advaes long Kingdom Wok Blong Yumi. Talem long evriwan blong lukluk video kaset ya, The New World Society in Action, blong rere from ol kwestin long Miting Blong Kingdom Wok long wik blong Ogis 27. Tokbaot “Program Blong Nekiswan Spesel Dei Asembli.” Sipos yufala i save finis, talemaot det blong nekiswan spesel dei asembli, mo leftemap tingting blong olgeta evriwan blong stap long fulwan program ya. Talem long ol pablisa blong singaot olgeta we oli intres mo ol Baebol stadi blong oli kam.

17 menet: Yusumgud 2001 Yearbook. Tok mo askem sam kwestin long kongregesen. Tokbaot “2000 Grand Totals” (Ol Bigfala Namba Blong Yia 2000) long pej 31. Tokbaot “A Letter From the Governing Body” (Leta We i Kam Long Hed Kampani) long pej 3 kasem 5. Askem long samfala we oli stap lesin blong talemaot wan ripot no stori long Yearbook we i bin leftemap tingting blong olgeta no mekem bilif blong olgeta i strong moa. Pulum ol famle blong ridim Yearbook tugeta, olsem ol famle blong Betel oli mekem. Askem long ol brata sista olsem wanem yumi save yusum Yearbook blong givhan long ol Baebol stadi, blong oli gat moa tangkiu from ogenaesesen blong Jeova mo from blesing blong stap insaed long hem.

15 menet: “No Pleplei Mo Spel Bitim Mak.” Brata we i lidim buk stadi i stap storian wetem wan hasban mo waef afta we stadi i finis. Wetem kaen fasin, hem i talem long tufala se hem i no moa luk tufala long wok blong prij mo long ol miting long wiken. Tufala i eksplenem se oli bin go spel mo oli bisi wetem ol narafala samting long laef. Elda i storian long ol bigfala poen long atikol ya, mo i halpem tufala blong luksave se ol samting long saed blong spirit oli mas stap long fasples long laef. Tufala i talem tangkiu from ol gudfala advaes ya. Tufala i agri se long fiuja bambae oli traehad blong luksave ol samting we oli moa impoten.—Lukluk Wajtaoa blong Oktoba 1, 2000, pej 19 mo 20.

Singsing 68 mo laswan prea.

Wik We i Stat Long Ogis 20

Singsing 33

8 menet: Lokol mesej. Ripot blong ol kaon.

15 menet: “!I Olsem We Yu Yu ‘Stanap Long Fes Blong Olgeta Man’!”a Tokbaot sam man long ples blong yumi we oli bin talem ol gudfala toktok long saed blong wok no fasin blong ol Witnes blong Jeova.—Lukluk Wajtaoa blong Maj 15, 1998, pej 10, mo Jenuware 15, 1999, pej 32.

22 menet: “Fasin Blong Tingbaot Narafala—Wan Samting We i Makemaot Ol Man Blong God” Wan elda i toktok blong faef menet long paragraf 1 kasem 5. Biaen, hem i gohed blong tokbaot ol narafala paragraf wetem wan narafala elda mo wan man blong givhan. Oli tokbaot olsem wanem blong winim sam fasin we oli save pulum yumi blong no lesingud long miting, mo blong no kasem gudfala frut. Oli makem olsem wanem fasin blong joen wetem ol brata i save leftemap tingting blong yumi evriwan sipos yumi soemaot lav mo tingbaot ol narafala.—Fil. 2:4.

Singsing 72 mo laswan prea.

Wik We i Stat Long Ogis 27

Singsing 40

8 menet: Lokol mesej. Talem long ol pablisa blong givim ripot blong prij blong manis Ogis. Tokbaot smoltaem, wan no tu rod blong seremaot buk ya, Revelesen long manis Septemba.—Lukluk Kingdom Wok Blong Yumi, Februari 1998, pej 4, mo Februari 1997, pej 8.

15 menet: “?Yu Yu Wantem Mekem Moa Wok?”b Sipos i stret long ples blong yufala, tokbaot sam rod blong traehad moa blong prij long olgeta we oli toktok narafala lanwis. Tokbaot smoltaem sam poen we oli stap long Wajtaoa blong Jun 15, 1997, pej 26 kasem 29.

22 menet: “Lukluk Histri Blong The New World Society in Action.” Askem ol kwestin long olgeta we oli lesin mo singaot samfala oli kam antap blong storian wetem olgeta. Tokbaot ol kwestin we oli stap long atikol ya, mo biaen, askem kwestin long eni pablisa we maet i bin luk faswan sinema ya, no oli bin go long intenasnal asembli long ol yia 1950. Askem olgeta blong talemaot ol samting we oli rimemba long saed blong taem ya, olsem wanem i bin givhan long olgeta long saed blong spirit, mo tu, blong talemaot bilif blong olgeta se hemia ogenaesesen blong Jeova. Long Oktoba, bambae yumi tokbaot video kaset ya United by Divine Teaching.

Singsing 74 mo laswan prea.

Wik We i Stat Long Septemba 3

Singsing 80

8 menet: Lokol mesej.

17 menet: “?Yu Yu Tinghae Long Fasin Blong Joen Wetem Ol Narafala Kristin?”c Tokbaot sam poen we oli stap aninit long smol stamba tok ya “Tru Long Kongregesen” we i stap long Wajtaoa, Jenuware 15, 1996, pej 22.

20 menet: Sipos Wan Man i Talem. Askem kwestin long olgeta we oli lesin mo mekem sam pleplei. Taem yumi prij, sipos wan man i talem wan toktok no i askem kwestin we yumi no rere blong ansarem, i gud sipos yumi traem ansa, bitim we yumi jenisim storian no finisim toktok. Plante taem, Reasoning buk i save givhan long saed ya. Talem sam toktok we plante man oli yusum, mo askem sam pablisa blong soemaot olsem wanem blong yusum Reasoning buk blong givim ansa. Wan eksampol: ‘Mi mi no bilif long God.’ (Inglis pej 150 mo 151, Franis pej 111 mo 112) ‘?From wanem yufala i no joen long ol wok blong halpem vilej blong yumi? (Inglis pej 207 mo 208, Franis pej 402 mo 403) ‘Nomata wanem skul yumi joen long hem, i gud nomo.’ (Inglis pej 332, Franis pej 320) Leftemap tingting blong ol pablisa blong yusum Reasoning buk long wok blong prij, sipos man i talem wan toktok we oli no rere blong ansarem.

Singsing 121 mo laswan prea.

[Futnot]