Ol Miting Blong Kingdom Wok

Wik We i Stat Long Septemba 10

Singsing 86

10 menet: Lokol mesej. Jusum sam Advaes long Kingdom Wok Blong Yumi.

13 menet: Lokol nid.

22 menet: “?Yu Yu Stap Mekem Gud Mo Finisim Gud Minista Wok Blong Yu?”a Askem sam kwestin long haf 1 kasem 3, nao mekem tu sot pleplei blong soemaot olsem wanem blong seremaot ol magasin. Oli save yusum Wajtaoa Septemba 15 long faswan pleplei mo Wekap! Septemba 22 (Inglis/Franis) long narawan. Tokbaot haf 4, nao mekem pleplei wetem Save buk mo storian we i stap insaed long haf ya.

Singsing 124 mo laswan prea.

Wik We i Stat Long Septemba 17

Singsing 92

15 menet: Lokol mesej. Ripot blong ol kaon. “I Stap Long Index.” Soemaot olsem wanem blong faenem ol storian blong seremaot Revelesen buk.

15 menet: ?Olsem Wanem Long Wok Blong Yumi Las Yia? Elda we i lukaot long wok blong prij i givim tok ya. Tokbaot ol bigfala samting long ripot blong kongregesen blong sevis yia 2001. Talem gudfala tok long kongregesen from ol gudfala wok blong evriwan. Tokbaot wok blong kongregesen long saed blong namba we i bin kam long ol miting, fasin blong kam oltaem long wok blong prij, mo ol Baebol stadi. Givim sam gudfala advaes olsem wanem blong kamgud moa. Tokbaot sam samting we yumi save traehad from, long yia we i kam.

15 menet: Ansa Long Wan Kwestin. Wan tok. Tokbaot program blong ol miting blong prij long kongregesen. Eksplenem olsem wanem olgeta we oli stap long miting ya oli save givhan blong mekem i gud moa. Leftemap tingting blong olgeta blong sapotem plan ya.

Singsing 129 mo laswan prea.

Wik We i Stat Long Septemba 24

Singsing 97

15 menet: Lokol mesej. Mekem tu pleplei blong soemaot olsem wanem blong seremaot ol magasin. Yusum advaes long haf ya “?Yumi Tokbaot Wanem Long Ol Magasin?” Long faswan pleplei, oli save yusum Wajtaoa Oktoba 1, mo long narawan oli save yusum Wekap! Julae-Septemba.

30 menet: Lavem God—i No Ol Samting Blong Wol. (1 Jon 2:15-17) Tok wetem ol kwestin blong tingting bak long seket asembli we yumi mekem long sevis yia we i pas. Askem long ol pablisa blong talemaot ol bigfala poen we oli bin kasem, mo olsem wanem oli bin mekem i wok long laef blong olgeta wanwan no long famle. (Brata i save askem samfala blong reregud fastaem.) Tokbaot ol tok ya long asembli: (1) “Lav We Yumi Gat Long God i Pusum Yumi Blong Prij.” Lav ya i givhan long yumi blong winim ol nogud filing we maet oli slakem yumi long wok blong prij—fasin sem, filing ya we yumi no naf, fraet long man. (2) “Olgeta We Oli Laekem Jeova, Oli Agensem Ol Fasin Nogud.” (w99 10/1 28-31) Blong frengud wetem God, yumi mas agensem ol fasin nogud, i no ol samting nomo we i klia se oli rong, be ol samting we oli haed tu. (3) “Folem Nambawan Fasin ya Blong Lav.” (w92 7/15 27-30) Fas Korin 13:4-8 i soemaot from wanem yumi mas gat longfala tingting long ol narafala taem oli mestem, yumi no mas tingbaot yumi wan nomo, yumi no mas traem winim narafala oltaem, yumi no mas talemaot tok olbaot we i save spolem narafala, mo yumi mas stap tru long ogenaesesen blong God. (4) “?Wanem Tingting Blong Yu Long Ol Samting Blong Wol?” Yumi no mas laekem ol samting blong wol, yumi no mas folem ol samting we tingting blong yumi nomo i wantem, mo ol samting we ae blong yumi i laekem, mo yumi no mas flas from ol samting we yumi gat. (5) “Fasin Blong No Joen Long Wol i Stap Lukaotgud Long Yumi.” Seken Korin 6:14-17 i soemaot olsem wanem sam bilif, kastom, mo fasin, oli save mekem we God i no moa glad long yumi. Yumi mas naf blong luksave ol trap we Setan i stap putum mo ronwe long olgeta. (6) “Ol Promes Blong God Long Olgeta We Oli Laekem Hem.” (w86 6/15 5-6) Blesing blong Jeova i mekem se laef blong yumi i fulap long glad mo i mekem yumi rij long saed blong spirit.—1 Tim. 6:17-19.

Singsing 133 mo laswan prea.

Wik We i Stat Long Oktoba 1

Singsing 106

10 menet: Lokol mesej. Talem long ol pablisa blong no fogetem ol ripot blong prij blong Septemba.

15 menet: ?Olsem Wanem Blong Stretem Rao? Wan elda i givim tok ya we i stanap long Wajtaoa blong Ogis 15, 2000, pej 23-25.

20 menet: “?Wan Samting i Mekem We Yu No Prij Plante?”b Makemgud se yumi no mas bitim mak long wok blong winim vatu, yumi mas tinghae moa long ol samting we oli givhan long yumi blong lukaot Kingdom fastaem. Singaot sam hed blong famle blong tokbaot olsem wanem oli winim traem ya blong kasem ol samting we famle blong olgeta i nidim be oli no lego ol samting we oli nidim long saed blong spirit tu.

Singsing 137 mo laswan prea.

[Futnot]