Ol Miting Blong Kingdom Wok

Wik We i Stat Long Novemba 12

Singsing 170

8 menet: Lokol mesej. Jusum sam Advaes long Kingdom Wok Blong Yumi. Talemaot ol plan blong prij long Novemba 22.

22 menet: “Mekem Paoa Blong Tingting Blong Yu i Kam Bigwan.”a Long fasin we i laef, wan elda i lukluk bakegen program blong spesel dei asembli blong laswan sevis yia.

15 menet: “Gohed Blong Mekem Ol Tiokratik Wok Long Hot Taem.” Wan elda i mekem tok ya. Makem gud se taem ol trufala Kristin oli go spel long narafala ples, oli no mas lego ol tiokratik wok, olsem joen long ol miting blong kongregesen, joen long wok blong prij, mo mekem famle stadi. Oli mas mekem sua se oli mas givim ripot blong prij long sekretari kwiktaem, nomata sipos oli stap long ples blong olgeta no oli go long narafala ples.

Singsing 191 mo laswan prea.

Wik We i Stat Long Novemba 19

Singsing 172

10 menet: Lokol mesej. Ripot blong ol kaon. Mekem tu pleplei we oli rere gud, mo yusum advaes long haf ya “?Yumi Tokbaot Wanem Long Ol Magasin?” Wan pablisa i soemaot Wajtaoa Novemba 15, mo narafala i soemaot Wekap! Novemba 22.

15 menet: “Stap Dipen Long Jeova Blong Kasem Paoa.”b Talem sam smol tok long saed blong Wajtaoa Oktoba 1, 1999, pej 18 mo 19, paragraf 6 kasem 8.

20 menet: Lokol nid.

Singsing 195 mo laswan prea.

Wik We i Stat Long Novemba 26

Singsing 177

8 menet: Lokol mesej. Talem long ol pablisa blong no fogetem ol ripot blong prij blong Novemba.

17 menet: “?Bambae Mi Faenem Taem Wea?” Wan tok mo askem sam kwestin long ol man we oli stap lesin. Talemaot ol bigfala poen we oli stap long Wajtaoa Oktoba 1, 2000, pej 20 mo 21, paragraf 9 mo 10, aninit long smol stamba tok ya “Olsem Wanem Samfala Oli Faenem Taem Blong Stadi.” Askem long kongregesen blong oli talemaot sam gudfala rod blong sakemaot wok we oli no nidim blong mekem, blong oli save faenem taem blong mekem ol impoten samting. Tokbaot nid blong makemaot taem blong mekem stadi wanwan, famle stadi, ol miting blong kongregesen, wok blong prij, mo ridim Baebol evri dei.

20 menet: Ol Yangfala Oli Stap Presem Jeova. Storian mo askem kwestin long olgeta we oli stap lesin. Long bighaf blong ol kongregesen i gat plante yangfala we oli joen long wok blong prij. I stret we oli mekem olsem, nating we oli mas prij plante taem long ol bigman. (Sam 148:​12, 13; Mat. 21:​15, 16) Sipos papa mama mo ol narafala pablisa oli soemaot intres long ol yangfala, we oli trenem mo leftemap tingting blong olgeta, bambae ol yangfala ya oli kasem bigfala glad long wok blong prij. Askem long olgeta we oli lesin blong oli talemaot sam rod blong pulum ol yangfala oli joen long wok blong prij long ol haos wanwan mo mekem visit bakegen. Askem long ol papa mama olsem wanem oli lanem pikinini blong olgeta blong oli givimaot magasin, blong oli yusum Baebol taem oli toktok wetem ol man, mo blong oli no fraet taem oli prij. Makem se gudfala frut i kamaot taem oli talem gudfala toktok from wok we yangfala i mekem. Askem kwestin long wan no tu yangfala pablisa, blong pulum olgeta blong tokbaot wanem samting we oli laekem long wok blong prij mo from wanem oli laekem.

Singsing 198 mo laswan prea.

Wik We i Stat Long Disemba 3

Singsing 179

10 menet: Lokol mesej. Yusum advaes long haf ya “?Yumi Tokbaot Wanem Long Ol Magasin?” blong mekem tu pleplei we oli soemaot olsem wanem blong seremaot ol magasin​—faswan pleplei oli yusum Wajtaoa Disemba 1 mo narawan oli yusum Wekap! Disemba 8. Biaen, talemaot olsem wanem yumi save faenem wan rod blong storian blong seremaot buk ya Man We i Hae Moa no wan long ol narafala buk we yumi mas seremaot long Disemba. Lukluk insaed long Watch Tower Publications Index aninit long tok “Presentations” mo long smol stamba tok ya “List by Publication.” Soemaot wan eksampol.

15 menet: Tokbaot sam poen long Reasoning Buk. Storian mo askem kwestin long olgeta we oli lesin. Lukluk ol eksampol biaen we oli soemaot ol defren poen we yumi save yusum long buk ya, blong eksplenem ol tijing blong Baebol: Yumi save soem ol tok blong eksplenem mining blong samting olsem mining blong “Kingdom” (Inglis pej 225 mo 226, Franis pej 335) no “spirit” (Inglis pej 380, Franis pej 135 mo 136); yumi save skelem sam defren Baebol blong soemaot weples mo olsem wanem oli yusum nem blong God (Inglis pej 191 kasem 193, Franis pej 195 mo 196) no blong soemaot trutok long saed blong hel (Inglis pej 169 mo 170, Franis pej 123 mo 124); yumi save yusum lis blong ol bilif blong yumi we oli mekem se yumi defren long ol narafala skul (Inglis pej 199 kasem 201, Franis pej 393 kasem 395) no we oli soemaot olsem wanem man i save luksave wanem skul i stret (Inglis pej 328 kasem 330, Franis pej 316 kasem 318); yumi save tokbaot histri, we i soemaot stamba blong Krismas (Inglis pej 176 kasem 178, Franis pej 162 kasem 164) no fasin blong ol faswan Kristin blong no joen long wol (Inglis pej 273 kasem 275, Franis pej 267 kasem 269); yumi save yusum tok blong ol sayentis, we i sapotem tingting ya se God i wokem olgeta samting (Inglis pej 85 mo 86, Franis pej 72 kasem 74) no we i soemaot se fasin blong yusum drag mo smok sigaret i save spolem bodi (Inglis pej 108 kasem 111, Franis pej 114 kasem 118). Leftemap tingting blong ol pablisa blong oli tekem janis blong yusum buk ya we i givhan gud blong tijim ol narafala long wok blong prij.

20 menet: “Ol Blesing We Yumi Kasem Taem Yumi Soem Tangkiu From Lav Blong Jeova​—Haf 1.”c Long paragraf 3 kasem 6, askem long kongregesen blong oli tokbaot sam stori long saed blong wok blong prij long ol haos wanwan, long ol rod, mo long ol visit mo Baebol stadi.

Singsing 200 mo laswan prea.

[Futnot]