Ol Miting Blong Kingdom Wok

Wik We i Stat Long Disemba 10

Singsing 205

10 menet: Lokol mesej. Jusum sam advaes we oli stap long Kingdom Wok Blong Yumi. Leftemap tingting blong evriwan blong wajem video kaset ya To the Ends of the Earth, blong rere from ol kwestin long miting blong Kingdom Wok long wik we i stat long Disemba 24.

15 menet: Lokol nid.

20 menet: “Ol Blesing We Oli Kamaot Taem Yumi Soem Tangkiu From Lav Blong Jeova​—Haf 2.”a Long paragraf 2 kasem 6, askem olgeta we oli lesin blong talemaot sam gudfala frut we i bin kamaot taem oli talem sam ekspiriens mo serem hop long olgeta we tingting i foldaon no oli wari from bigfala disasta we i bin hapen i no longtaem i pas, mo ol nogud samting we i kamaot biaen. Mekem wan no tu pleplei we oli rere gud, blong soemaot ol storian olsem.

Singsing 222 mo laswan prea.

Wik We i Stat Long Disemba 17

Singsing 211

10 menet: Lokol mesej. Ripot blong ol kaon. Tokbaot ol spesel plan blong prij long Disemba 25 mo Jenuware 1. Yusum sam advaes we i stap long pej 8, blong mekem tu pleplei: (1) long saed blong Wajtaoa Disemba 15 mo (2) long saed blong Wekap! (Ing mo Fr) Disemba 22.

20 menet: “Tijim Tok Blong God Long Fasin We i Stretgud.”b Mekem wan pleplei we i stanap long paragraf 4. Mo tu, mekem wan pleplei blong soem wan fastok we sam oli bin yusum blong leftemap tingting blong ol man we oli harem nogud from ol trabol we i stap hapen long wol tede. Talemaot wan sotfala stori blong prij. Askem olgeta we oli lesin blong talem from wanem oli ting se fasin blong yusum Baebol bambae i givim moa paoa long mesej we oli talemaot.

15 menet: ‘Baebol Ya i Blong Yufala Nomo.’ Askem sam kwestin we oli stanap long Reasoning buk, pej 279 mo 280 (Inglis), pej 411 (Franis). ?Yumi save talem wanem sipos sam man oli no wantem lesin long yumi from we yumi yusum New World Translation? Askem long sam pablisa we oli reregud fastaem, blong oli talem long prapa tok blong olgeta, ol ansa we Reasoning buk i givim.

Singsing 225 mo laswan prea.

Wik We i Stat Long Disemba 24

Singsing 218

8 menet: Lokol mesej. Talem bakegen wanem buk we bambae yumi seremaot long manis Jenuware, mo wanem ol buk we kongregesen i gat.

12 menet: “Tiokratik Skul Blong Yia 2002.” Brata we i lukaot long skul i mekem tok ya. Leftemap tingting blong evriwan blong oli traehad blong mekem ol tok blong olgeta long skul.

25 menet: “Mekem Wok Blong Prij​—‘Go Kasem Ol Laswan Ples Blong Wol.’ Askem kwestin long olgeta we oli lesin. Pulum olgeta evriwan blong tingting gud olsem wanem oli save karem gud nius i go long moa man, long ples blong olgeta, no long ples we i gat moa nid. Lukluk long pej 4 long Kingdom Wok Blong Yumi blong Julae 2001. Long manis Februari bambae yumi lukluk video kaset ya Noah​—He Walked With God.

Singsing 24 mo laswan prea.

Wik We i Stat Long Disemba 31

Singsing 140

10 menet: Lokol mesej. Talem bakegen long ol pablisa blong oli givim ripot blong prij blong Disemba. Sipos kongregesen blong yu bambae i jenisim taem blong miting long niufala yia, talem long evriwan long kaen fasin, se oli mas gohed blong kam oltaem long ol miting folem niufala plan. Meksua se ol Baebol studen mo olgeta we oli no moa prij, oli save niufala taem blong miting.

15 menet: Givim Ona We i Stret Long Ol Elda. Tu no tri man blong givhan oli tokbaot Wajtaoa blong Jun 1, 1999, pej 18 mo 19. Oli tokbaot ol wok we ol elda oli mas mekem, olsem wok blong winim mane, lukaot long famle, mo ol tiokratik wok tu. Tingbaot sam rod blong evriwan i save leftemap tingting blong olgeta, givhan long olgeta blong mekem se wok blong olgeta i no hevi tumas, mo folem advaes blong olgeta. Ol man blong givhan ya oli agri se ol elda oli mekem wan nambawan wok, mo i stret we yumi evriwan i “ona gud long olgeta from ol wok ya we oli stap mekem.”​—1 Tes. 5:​12, 13.

20 menet: “Wokem Wan Gudfala Fasin Fren Wetem Jeova.” Tok ya we wan elda i mekem i stanap long Wajtaoa blong Jenuware 15, 2000, pej 23 kasem 26.

Singsing 219 mo laswan prea.

Wik We i Stat Long Jenuware 7

Singsing 20

10 menet: Lokol mesej.

20 menet: Yusum Gud Laef Blong Yu. Ol memba blong wan famle oli tokbaot Wajtaoa blong Ogis 15, 1998, pej 8 mo 9. Papa i wantem se famle i mekem ol samting we bambae i givim glad long olgeta, mo bambae i no mekem oli harem nogud. Oli lukluk bakegen ol advaes blong Baebol we i stap long haf ya, we i soemaot olsem wanem oli save sua blong kasem glad. Oli mas gat fasin luksave, putum ol impoten samting long fasples long laef, mo trastem Jeova. Oli tokbaot ol jenis we ful famle i save mekem.

15 menet: Lukaotgud Long Haos Kingdom. Wan elda i givim tok ya. Makem ol samting long saed blong Haos Kingdom. ?Wanem ol plan blong klinim evri samting fulwan bifo long Memoriol? ?Wanem ol samting we yumi mas fiksimap? Eksplenem olsem wanem kongregesen i save givhan. Makem se i impoten blong meksua se ples blong wosip blong yumi i naes mo i givim ona we i stret long haos blong Jeova.​—Sam 84:1.

Singsing 126 mo laswan prea.

[Futnot]