Ol Miting Blong Kingdom Wok

Wik We i Stat Long Februari 11

Singsing 6

10 menet: Lokol mesej. Jusum sam Advaes long Kingdom Wok Blong Yumi. Talem long evriwan blong ridim Jenesis 6:1 kasem 9:19, tingting long hem, mo lukluk video kaset ya, Noah—He Walked With God. Hemia blong rere from haf long Miting Blong Kingdom Wok long wik blong Februari 25.

20 menet: “‘Talemaot Tok Blong God i Klia Gud.’”a (Haf 1-13) Presiden elda i mekem haf ya. Wan storian we i laef long saed blong ol samting we yumi wantem mekem long manis Maj mo ol manis biaen. I gud we evriwan i yusum kalenda we i stap long pepa insaed long Kingdom Wok, blong mekem wan program blong joen fulwan long wok blong prij long Maj. Leftemap tingting blong olgeta we oli naf blong mekem haftaem paenia long manis Maj. Long haf 7 mo 8, askem olgeta we oli bin mekem wok blong paenia long taem blong Memoriol las yia, blong talemaot ol blesing we oli bin kasem. Talemaot se oli save karem pepa blong paenia afta long miting.

15 menet: “Ol Man We Oli Glad Moa Bitim Ol Narafala Man.”b Toktok smol long saed blong “Rod Blong Kasem Glad,” long pej 6 blong Wajtaoa, Oktoba 15, 1997.

Singsing 49 mo laswan prea.

Wik We i Stat Long Februari 18

Singsing 95

10 menet: Lokol mesej. Ripot blong ol kaon.

13 menet: “?Yumi Tokbaot Wanem Long Ol Magasin?” Askem long ol pablisa blong talem olsem wanem haf ya long Kingdom Wok Blong Yumi i bin givhan long olgeta blong rere moa blong joenem ol magasin wetem ol trabol we i stap kamaot long wol. ?Wanem sam gudfala samting we i kamaot taem oli leftemap tingting blong ol man mo givhan long olgeta blong faenem ansa blong ol had kwestin long Baebol? Long tu smol pleplei, soemaot olsem wanem blong tokbaot Wajtaoa blong Februari 15 mo Wekap! blong Februari 22.

22 menet: “‘Talemaot Tok Blong God i Klia Gud.’”c (Haf 14-23) Elda we i lukaot long wok blong prij i mekem haf ya. Tokbaot ol spesel plan blong Maj. Talemaot fulwan program blong ol miting blong prij blong manis Maj. Traehad blong givhan long olgeta we oli no moa prij blong oli prij bakegen, mo long ol pikinini mo ol Baebol stadi, blong oli naf blong kam pablisa we i no baptaes yet. Talemaot nem blong olgeta we oli fulumap pepa finis blong mekem wok blong haftaem paenia long Maj, mo leftemap tingting blong ol narafala blong prea long saed ya, mo blong tingbaot blong joen long wok ya.

Singsing 143 mo laswan prea.

Wik We i Stat Long Februari 25

Singsing 174

10 menet: Lokol Mesej. Wan elda i ridim leta blong Hed Kampani.

17 menet: “Ol Video Kaset We Oli Givim Witnes Oli Karem Gudfala Frut.” Askem ol kwestin long kongregesen. Kam kasem naoia, yumi tokbaot eit video kaset long ol Miting Blong Kingdom Wok. Tokbaot blong smoltaem ol video we haf ya i talem, nao askem ol pablisa blong storian long ol frut we i kamaot taem oli bin soemaot ol video kaset ya long sam man.

18 menet: “Video Kaset Ya Noah—He Walked With God i Save Tijim Yumi Evriwan.” Go stret long ol kwestin long saed blong video kaset ya Noah. Yusum ol kwestin ya nomo we oli stap long pej ya. Long Eprel, bambae yumi tokbaot video kaset ya Young People Ask—How Can I Make Real Friends?

Singsing 215 mo laswan prea.

Wik We i Stat Long Maj 4

Singsing 207

13 menet: Lokol mesej. Mekem tu smol pleplei blong seremaot ol magasin, wan i yusum Wajtaoa blong Maj 1 mo narawan i yusum Wekap! blong Jen./Maj. Askem wan yangfala blong mekem wan long tufala pleplei ya. Talem long ol pablisa blong no fogetem ripot blong Februari.

15 menet: Yusum Save Buk Blong Statem Ol Stadi. Long Maj, bambae yumi mekem wan spesel traehad blong statem ol Baebol stadi. Tokbaot stori blong prij we i stap long Kingdom Wok Blong Yumi, Ogis 1998, pej 4, haf 8. Sipos wan pablisa i jes statem wan stadi long Save buk, mekem wan pleplei blong soemaot olsem wanem hem i bin statem. Tokbaot bakegen “Sam Rod Blong Seremaot Save Buk,” we i stap long pej long medel blong Kingdom Wok Blong Yumi, long Januware 2002. Mekem wan pleplei wetem buk ya blong soemaot wan rod we Kingdom Wok ya i bin talem long pej 6, aninit long smol stamba tok ya “Askem Stret.”

17 menet: “Gohed Blong Prij—?From Wanem?”d Blong finisim haf ya, askem kwestin long wan no tu pablisa we oli bin gohed blong prij oltaem blong plante yia. Askem tufala blong talemaot tingting blong tufala long kwestin ya: ?From wanem oli bin gohed olwe long wok ya? ?Olsem wanem wok ya i bin givhan long olgeta?

Singsing 223 mo laswan prea.

[Ol futnot]