Ol Miting Blong Kingdom Wok

MAKEM: Ol kongregesen oli save jenisim ol miting olsem oli nidim, blong mekem oli laenap wetem taem we bambae oli aot blong go long Distrik Asembli ya, “Ol Man Blong Talemaot Kingdom We Oli Wok Strong.” Sipos yufala i luk se i stret, tekem 15 menet long laswan Miting blong Kingdom Wok bifo long asembli, blong tingting bak long ol advaes long pepa we i stap long medel blong Kingdom Wok blong Julae. Long program blong manis Oktoba, bambae i gat wan ful Miting blong Kingdom Wok we yumi save tingting bak long ol bigfala poen blong asembli. Blong reregud from miting ya, yumi evriwan i save raetem ol gudfala not long asembli, wetem wan lis blong ol poen we yumi wanwan i wantem mekem i wok long laef blong yumi mo long wok blong prij. Nao yumi save talemaot olsem wanem yumi stap folem ol advaes ya afta long asembli. Bambae olgeta evriwan long kongregesen oli glad blong harem olsem wanem ol tijing blong asembli oli stap givhan long yumi.

Wik We i Stat Long Ogis 12

Singsing 76

13 menet: Lokol mesej. Jusum sam Advaes long Kingdom Wok Blong Yumi. Yusum ol advaes long pej 8 blong mekem tu pleplei blong seremaot Wajtaoa blong Ogis 1 mo Wekap! blong Ogis 8. Long tufala pleplei ya, soemaot tu defren rod blong ansa long tok ya, “?From wanem yufala i stap kam oltaem?”—Lukluk Reasoning buk, pej 20.

20 menet: “Putum Ol Mak Long Saed Blong Spirit.”a Long haf 5, talem sam tok we i wekemap tingting long saed blong wok blong fultaem paenia, misinari, mo wok long Betel, olsem buk ya Minista Wok Blong Yumi i tokbaot long pej 107-110.

12 menet: Ol stori blong wok blong prij. Askem long kongregesen blong tokbaot sam samting we oli bin kamaot long wok blong prij taem oli yusum traket ya ?Yu Yu Wantem Lanem Moa Long Saed Blong Baebol? ?Oli bin statem sam niufala Baebol stadi? Sipos yes, tokbaot olsem wanem oli bin statem, mo mekem pleplei blong soemaot wan no tu rod.

Singsing 123 mo laswan prea.

Wik We i Stat Long Ogis 19

Singsing 182

12 menet: Lokol mesej. Ripot blong ol kaon. Tokbaot “Niufala Program Blong Spesel Dei Asembli.” Talemaot stret dei blong spesel dei asembli, mo talem long evriwan blong kam eli mo lesin gud long ful asembli. Leftemap tingting blong ol pablisa blong singaot ol man we oli intres mo ol Baebol stadi.

15 menet: ?Wanem i Stap Blokem Olgeta? Askem sam kwestin long kongregesen mo mekem pleplei. Taem yumi stap prij, yumi mitim plante man we oli no wantem tokbaot bilif blong olgeta. Samting ya i mekem se yumi no save serem ol gudfala toktok blong Kingdom wetem olgeta ya. Sipos yumi luksave from wanem wan man i no wantem storian, samting ya i save halpem yumi blong yusum wan fastok we i stret blong pulum hem blong talemaot tingting blong hem. Tokbaot olsem wanem yumi save jenisim storian blong yumi taem yumi mitim ol man olsem: (1) Olgeta we oli no kea long ol skul, mo long prapa skul blong olgeta tu. (2) Olgeta we oli laekem tumas ol kastom blong skul we famle mo ol bubu blong olgeta oli bin folem. (3) Olgeta we oli no harem gud blong tokbaot bilif blong olgeta from we oli no save yusum Baebol blong sapotem bilif ya. (4) Olgeta we oli gat tingting agensem yumi from sam giaman tok we ol man blong agens oli bin talem long olgeta. Jenisim lis ya blong mekem i laenap wetem teritori blong yufala, tokbaot ol tingting we yufala i faenem se ol man long ples blong yufala oli gat. Mekem wan sot pleplei blong soemaot olsem wanem blong pulum wan man blong storian long saed blong Baebol.

18 menet: “Soem Kristin Fasin Blong Stap Tru Long God Taem Kongregesen i Putumaot Wan Famle Blong Yumi.”b (Haf 1-8) Wan elda bambae i mekem haf ya, bambae hem i yusum ol kwestin we oli stap. Wan brata we i save ridgud bambae i ridimaot ol wanwan haf.

Singsing 136 mo laswan prea.

Wik We i Stat Long Ogis 26

Singsing 189

10 menet: Lokol mesej. Wan fultaem no haftaem paenia i yusum ol advaes long pej 8 blong mekem pleplei blong seremaot Wajtaoa blong Ogis 15. Wan pablisa bambae i soemaot olsem wanem blong seremaot Wekap! blong Ogis 22. Leftemap tingting blong ol pablisa blong yusum wan vas long storian blong olgeta.

17 menet: “!Storian Wetem Narafala!”c Long en blong haf ya, pulum ol pablisa we oli save ridim Franis no Inglis blong ridim japta ya “How to Improve Conversation Skills” long buk ya Benefit From Theocratic Ministry School Education, pej 62-65.

18 menet: “Soem Kristin Fasin Blong Stap Tru Long God Taem Kongregesen i Putumaot Wan Famle Blong Yumi.”d (Haf 9-14) Wan elda bambae i mekem haf ya, bambae hem i yusum ol kwestin we oli stap. Wan brata we i save ridgud, bambae i ridimaot ol wanwan haf.

Singsing 125 mo laswan prea.

Wik We i Stat Long Septemba 2

Singsing 84

10 menet: Lokol mesej. Talem long ol pablisa blong putum ripot blong prij blong manis Ogis. Blong smoltaem, tokbaot haf long Wajtaoa blong Mei 1, 1999, pej 25, “Rid Gud Wetem Ol Pikinini Blong Yu.”

20 menet: Reregud Fastaem. Askem sam kwestin long kongregesen mo mekem pleplei. Wan gudfala plan i save mekem se yumi karem moa frut long wok blong prij. Taswe, bifo we yu go prij, yu mas: (1) Karem ol buk mo magasin we yu nidim. (2) Meksua se yu gat pepa mo pen blong raetemdaon ol man we oli intres. (3) Sipos yu nidim trak blong go prij, mekem plan from. (4) Tingbaot ol visit we bambae yu mekem. (5) Rere ol toktok we bambae yu talem. Sipos yu nao yu lidim miting blong prij, yu mas tekem ol teritori we bambae i nidim. Long miting blong prij, tokbaot tu no tri rod blong seremaot Revelesen buk long Septemba. Mekem wan pleplei, mo joenem wan vas i go insaed.—Lukluk advaes long Kingdom Wok Blong Yumi, Februari 1997, pej 8.

15 menet: Ansa Long Wan Kwestin. Wan tok. Talem bakegen ol plan we kongregesen i stap folem blong klinim mo lukaot gud long Haos Kingdom blong yumi.

Singsing 99 mo laswan prea.

[Ol futnot]