?Yumi Tokbaot Wanem Long Ol Magasin?

Wajtaoa Nov. 1

“Plante man oli traehad blong gat pis wetem ol narafala. Be ating bambae yu yu agri se samting ya i no isi. [Letem man i ansa.] Baebol i eksplenem from wanem i no isi. [Ridim Jemes 3:2.] Magasin ya i soemaot se sipos yumi talem sore long narafala man we yumi spolem hem, samting ya i save givhan bigwan blong gat pis wetem hem bakegen.”

Wekap! Nov. 8 (Inglis/Franis)

“Profet tok blong Baebol i talem se taem i stap kam we bambae i no moa gat man i save talem se hem i sik. [Ridim Aesea 33:24.] ?Bambae yu glad sipos i no moa gat sik? [Letem man i ansa.] Tede, ol man oli stap kasem plante defdefren sik, wetem rabis sik ya AIDS tu. Wekap! ya i ansarem kwestin ya se: ?Bambae oli winim sik ya AIDS samtaem?”

Wajtaoa Nov. 15

“Samfala oli wantem save sipos yumi nidim ol jos mo haos prea blong wosip long God. ?Wanem tingting blong yu? [Letem man i ansa.] Makem wanem we Baebol i talem long saed ya. [Ridim Ol Wok 17:24.] ?Oraet, from wanem i gat ol haos wosip? Magasin ya i talemaot ansa we Baebol i givim long kwestin ya.”

Wekap! Nov. 22 (Inglis/Franis)

“?Yu yu ting se wan dei ol sayentis bambae oli faenem rod blong winim olgeta sik? [Letem man i ansa.] Wekap! ya i tokbaot sam niufala save we ol sayentis oli faenemaot. Mo tu, hem i soemaot from wanem Bigman we i Wokem yumi, hem nomo i gat paoa blong winim sik mo ded.” Ridim Ol Sam 146:3-5, mo askem man sipos hem i wantem ridim magasin ya.