Advaes
◼ Ol buk we yumi seremaot long manis Jenuware: My Book Of Bible Stories. Februari: Revelesen—Kolosap i Kasem Nambawan En Blong Hem! Maj: Save Blong Lidim Yu Long Laef We i No Save Finis mo bambae yumi traem statem sam Baebol stadi. Eprel mo Mei: Wajtaoa mo Wekap! Taem yumi gobak blong luk ol man we oli soem intres, traem serem buklet ya Wanem blong statem Baebol stadi wetem olgeta.
◼ Bitwin long manis Februari mo Maj 2, ol seket elda bambae oli stat blong givim niufala pablik tok ya: “Yumi Kam Fri Long Wol Ya We i Tudak.”
◼ Memoriol long yia ya, hemia long Wenesde, Eprel 16, afta we san i godaon. Ol kongregesen oli mas mekem ol stret plan from. Tok i save stat bifo we san i godaon, be yumi no mas pasem bred mo waen bifo we san i godaon. Faenemaot wanem taem stret we san i godaon long ples blong yufala. I moagud sipos ol wanwan kongregesen oli gat prapa Memoriol blong olgeta, be maet samtaem i no gat rod blong mekem olsem. Sipos plante kongregesen oli stap yusum semfala Haos Kingdom, maet wan long ol kongregesen ya i save yusum wan narafala ples blong mekem Memoriol. Taem tu kongregesen i yusum semfala Haos Kingdom, i moagud se i gat 40 menet bitwin long tufala Memoriol ya, blong givim taem long evriwan blong storiangud mo haremgud tugeta. Yumi mas tingbaot tu, ol trak we bambae oli kam mo ples blong putum ol trak, mo olsem wanem blong lego mo pikimap ol pasenja. Ol elda oli mas tekem disisen se wanem plan nao i moagud blong folem long ples blong yufala.
◼ Stat long Kingdom Wok blong manis ya, bambae i no moa gat lis blong ol niufala buk we yumi save oda long olgeta. Sosaeti bambae i gohed blong sanem “Mesej Long Ol Kongregesen” evri manis, mo lis blong ol niufala buk ya bambae i stap long leta ya. Blong talem bakegen: Long Miting Blong Kingdom Wok afta we kongregesen i kasem “Mesej Long Ol Kongregesen,” bambae oli ridimaot nem blong ol niufala buk we maet samfala long kongregesen oli wantem oda long olgeta. Biaen, bambae oli pinim Mesej ya long notis bod blong Haos Kingdom blong evri man i save lukluk. Biaen bakegen, brata we i lukaot long ol buk bambae i putum leta ya i stap long fael blong hem.