Ol Miting Blong Kingdom Wok

Wik We i Stat Long Jenuware 13

Singsing 69

10 menet: Lokol mesej. Jusum sam Advaes long Kingdom Wok Blong Yumi. Yusum ol fastok we oli stap long pej 4 blong mekem tu pleplei blong soemaot olsem wanem blong seremaot Wajtaoa blong Jenuware 1 mo Wekap! blong Jenuware 8. Long tufala pleplei ya, pablisa i soem tufala magasin ya wantaem, nating sipos hem i tokbaot wan nomo.

15 menet: Fasin Nomo i Save Pulum Olgeta Blong Oli Bilif. Wan tok wetem sam kwestin mo ansa. Ol gudfala Kristin fasin blong yumi oli save givim gudfala witnes long ol man. Gudfala fasin ya i pulum plante hasban we oli no bilif, blong oli kam ol man we oli wosipim Jeova. (1 Pita 3:1, 2) Talem sam stori we oli stap long Wajtaoa blong Jenuware 1, 1999, pej 4; Wajtaoa blong Oktoba 1, 1995, pej 10-11; mo 1995 Yearbook, pej 46. Mekem plan fastaem blong tu no tri brata no sista oli talemaot olsem wanem oli luk we advaes ya blong Baebol i wokgud.

20 menet: “Holem Promes We Yumi Mekem Blong Givim Laef i Go Long God.”a Afta we yumi tokbaot haf 3, askem kwestin smoltaem long wan yangfala we i baptaes finis. ?Wanem ol traem we hem i fesem stat long taem we hem i baptaes kam kasem naoia? ?Wanem i halpem hem blong winim ol traem ya? ?Wanem blesing we hem i kasem from we hem i givim laef blong hem i go long Jeova?

Singsing 22 mo laswan prea.

Wik We i Stat Long Jenuware 20

Singsing 44

8 menet: Lokol mesej. Ripot blong ol kaon.

15 menet: ?Yu Yu Stap Ridim Vas Blong Dei Evri Dei? Wan tok wetem sam kwestin mo ansa. Leftemap tingting blong evriwan blong oli yusum gud buk ya Ridimgud Ol Tok Blong Baebol Evri Dei—2003. Tokbaot sam haf we oli stap long fastok, pej 3-4. Givim sam advaes, olsem wanem ol famle oli save tokbaot vas blong dei tugeta. Blong soem olsem wanem vas blong dei i save mekem i gud long yumi evri dei, givim tu no tri eksampol blong sam vas blong dei mo smol toktok blong olgeta long ol manis we oli kam. Mekem wan sotfala pleplei blong wan hasban mo waef we tufala i storebaot vas blong dei tugeta.

22 menet: “Tijim Narafala Long Klin Lanwis.”b Afta we yumi tokbaot haf 6 finis, askem wan pablisa we i nafgud blong i soemaot olsem wanem blong statem Baebol stadi wetem wan visit taem tufala i stap stanap long doa blong haos nomo. Pablisa i yusum wan long ol fastok we i stap long pepa ya insaed long Kingdom Wok Blong Yumi blong Jenuware 2002, pej 4. Tokbaot wan haf insaed long buklet Wanem. Pablisa i finisim storian blong hem wetem wan kwestin we i laenap long nekis haf blong buklet ya, mo i mekem plan blong visitim man ya bakegen blong ansarem kwestin ya. Askem long evriwan blong tingbaot sipos oli gat sam visit we maet oli wantem mekem wan Baebol stadi long fasin ya.

Singsing 68 mo laswan prea.

Wik We i Stat Long Jenuware 27

Singsing 92

10 menet: Lokol mesej. Talem bakegen long olgeta pablisa blong oli putum ripot blong prij blong manis ya. Yusum ol fastok we oli stap long pej 4 blong mekem tu pleplei we oli soemaot olsem wanem blong seremaot Wajtaoa blong Jenuware 15 mo Wekap! blong Jenuware 22. Long en blong tufala pleplei ya, pablisa i givimaot traket ya ?Yu Yu Wantem Lanem Moa Long Saed Blong Baebol? long man blong haos, nating se hem i tekem ol magasin no i no wantem tekem. Eksplenem smoltaem, olsem wanem blong mekem visit long ol man we oli tekem magasin wetem traket ya. Taem yumi gobak, maet yumi save talem se: “Lastaem we mi mi kam, mi glad blong givim magasin ya Wajtaoa long yu. Ating yu luk we ful nem blong hem, hemia Wajtaoa i Talemaot Kingdom Blong Jeova. Tede, mi wantem eksplenem long yu, wanem ya Kingdom ya, mo wanem we bambae hem i mekem blong yu mo famle blong yu.” Nao openem buklet Wanem i go long Stadi 6. Stat wetem haf 1 nao gohed blong ridim mo storian long sam narafala haf, i dipen long hamas taem we man blong haos i gat blong lesin. Ale mekem plan blong kambak long wan narafala dei blong finisim stadi ya.

15 menet: Lokol nid.

20 menet: Fasin Blong Talemaot Sin i Mekem Man i Haremgud. Tok we wan elda i givim. Tok ya i stanap long Wajtaoa blong Jun 1, 2001, pej 28-30.

Singsing 124 mo laswan prea.

Wik We i Stat Long Februari 3

Singsing 9

15 menet: Lokol mesej. Tokbaot Ansa Long Wan Kwestin. Leftemap tingting blong ol pablisa blong oli yusum pepa ya Please Follow Up (S-43) taem oli mitim man we i toktok narafala lanwis, olsem leta blong Oktoba 15, 1998 i eksplenem long ol kongregesen. Yumi mas fulumap smol pepa ya, nating sipos man blong haos i no soem intres long ol tok blong Kingdom.

12 menet: Folem Fasin Blong Bilif Blong Olgeta. Askem kwestin long wan elda we i bin mekem wok blong Jeova wetem tingting daon blong plante yia. (Hib. 13:7) ?Hem i kasem trutok olsem wanem? ?Wanem sam traem we hem i mas winim blong kam long trutok? ?Wanem sam samting long saed blong spirit, no wanem toktok blong leftemap tingting we oli bin halpem hem blong gru long trutok? ?Wanem samting we hem i mekem blong traehad blong kasem wok blong elda? (1 Tim. 3:1) ?Wanem i halpem hem blong skelemgud ol wok blong kongregesen wetem ol wok afsaed long kongregesen mo wok insaed long famle? (1 Tim. 5:8) ?Wanem tingting blong hem long janis ya we hem i gat blong halpem ol narafala insaed long kongregesen?

18 menet: “Wan Wok We i Nidim Tingting Daon.”c Long paragraf 3, askem kongregesen blong talemaot wanem blong mekem sipos wan man long teritori i jikim yumi no i tok nogud long yumi, i wantem raorao no i kros. Long paragraf 4, yusum sam poen we oli stap long buk ya Insight, Buk 1, pej 1160, paragraf 3 (Franis, Buk 1, pej 1158, paragraf 2).

Singsing 133 mo laswan prea.

[Ol futnot]