Ol Miting Blong Kingdom Wok

Wik We i Stat Long Eprel 14

Singsing 20

15 menet: Lokol mesej. Jusum sam Advaes blong tokbaot long Kingdom Wok Blong Yumi. Yusum ol fastok we oli stap long pej 6, blong mekem tu pleplei. Wan i seremaot Wajtaoa blong Eprel 1 mo narawan i seremaot Wekap! blong Eprel 8. Long tufala pleplei ya, pablisa i mas soem tufala magasin tugeta, nating se hem i storebaot poen long wan nomo.

10 menet: Ansa Long Wan Kwestin. Tok we wan elda i mekem.

20 menet: “‘Saenaot Olsem Ol Sta.’”a Finisim tok ya wetem wan smol tok blong faef menet we i stanap long Wajtaoa blong Jun 1, 1997, pej 14-15, haf 8-13. Makem klia from wanem mesej blong Kingdom i no wan samting blong haedem.

Singsing 134 mo laswan prea.

Wik We i Stat Long Eprel 21

Singsing 25

10 menet: Lokol mesej. Ripot blong ol kaon.

15 menet: Lokol nid.

20 menet: “‘Hem i Mas Holem Tok Ya.’”b Askem kwestin long wan no tu brata no sista we oli stap yusum gud janis ya we oli no mared blong spenem moa taem long ol wok blong Kingdom. Askem long olgeta blong talemaot wanem samting nao i halpem olgeta blong stap glad long wok blong olgeta.

Singsing 35 mo laswan prea.

Wik We i Stat Long Eprel 28

Singsing 51

10 menet: Lokol mesej. Talem bakegen long ol pablisa se oli no mas fogetem ripot blong olgeta blong manis Eprel. Yusum ol advaes we oli stap long pej 6, blong mekem tu pleplei. Wan i soem olsem wanem blong seremaot Wajtaoa blong Eprel 15 mo narawan i serem Wekap! blong Eprel/Jun.

15 menet: “2003 Distrik Asembli Blong Ol Witnes Blong Jeova ‘Leftemap Nem Blong God.’”c Sekretari blong kongregesen bambae i mekem tok ya. Tokbaot wok we sekretari i mas mekem blong lukaot long ol samting we i givhan long kongregesen blong go long asembli. Talem long evriwan se i gud sipos oli no tektaem tumas blong mekem ol plan blong olgeta blong go long asembli.

20 menet: “Yumi Mekem Visit Blong Statem Baebol Stadi.”d Wan elda i mekem haf ya, mo i yusum ol kwestin we oli stap. Askem olgeta we oli lesin blong talem sam sotfala stori blong wok blong prij, we oli laenap wetem ol poen we yumi tokbaot long haf ya. Long paragraf 6, mekem pleplei blong soemaot wan trufala stori we i hapen long teritori blong yumi. Pleplei ya i blong soemaot olsem wanem wan pablisa i bin statem wan Baebol stadi.

Singsing 89 mo laswan prea.

Wik We i Stat Long Mei 5

Singsing 120

10 menet: Lokol mesej.

20 menet: 2003 Yearbook i Save Mekem i Gud Long Yumi. Wan tok mo askem sam kwestin long olgeta we oli lesin. Tokbaot sam impoten poen we oli stap long “Leta Blong Hed Kampani” long pej 3-5. Mekem plan wetem samfala blong oli talemaot sam ripot no ekspiriens we oli faenem se i leftemap tingting blong olgeta no i mekem bilif blong olgeta i strong. Tokbaot sam bigfala samting we oli stap long ripot blong wol. Leftemap tingting blong ol famle blong oli traem ridim buk ya fulwan, long yia we i kam. Tokbaot sam rod blong yusumgud buk ya blong halpem ol niuwan blong oli kam long ogenaesesen blong Jeova mo blong pulum olgeta blong oli wantem kam long ol miting.

15 menet: Wan Gudfala Nius i Karem Glad. (Prov. 15:30) Askem sam kwestin long olgeta we oli lesin. Tokbaot ol frut we oli kamaot from ol traehad we kongregesen i mekem long manis Maj mo Eprel. Askem long kongregesen blong talem sam gudfala ekspiriens we oli gat long ol defdefren haf blong wok olsem: (1) Halpem wan man we i intres blong kam long Memoriol, (2) joen long wok blong haftaem paenia, (3) leftemap tingting blong wan pablisa we i no moa prij, blong hem i wok bakegen wetem kongregesen, (4) halpem wan niuwan blong kam pablisa, mo (5) visitim ol man we i kam long Memoriol blong mekem intres blong hem i gru. I gud blong toktok wetem sam brata sista we oli save rerem ol ansa ya fastaem. Talem ol gudfala tok blong leftemap tingting blong evriwan blong oli gohed long traehad blong olgeta long taem we i kam.

Singsing 126 mo laswan prea.

[Ol futnot]