Ol Miting Blong Kingdom Wok

Wik We i Stat Long Mei 12

Singsing 1

10 menet: Lokol mesej. Jusum sam Advaes we i stret blong ridimaot long Kingdom Wok Blong Yumi. Yusum ol fastok we oli stap long pej 8 blong mekem tu pleplei we tufala i soem olsem wanem blong seremaot Wajtaoa blong Mei 1 mo Wekap! blong Mei 8. Long tufala pleplei ya, pablisa i mas holem tufala magasin tugeta, nating se hem i tokbaot poen long wan nomo. I gud we long tufala pleplei ya pablisa i tokbaot presen mane.

20 menet: Ol Papa Mama—Halpem Pikinini Blong Yu Blong Gohed Gud. Wan tok we i tokbaot sam poen long Ministry School buk, pej 9-12 mo 21-38. Pulum ol papa mama blong yusum sam long ol advaes we oli stap long buk ya taem oli mekem famle stadi blong olgeta. Mak we oli wantem kasem hemia blong trenem ol pikinini blong oli kamgud moa long wok blong prij. Tokbaot sam stret poen we papa mama i save yusum blong halpem ol yangfala blong oli gat gudhan long wok ya olsem oli nidim.

15 menet: “God i Putum Gud Nius Long Han Blong Yumi.”a Mekem plan fastaem, blong wan no tu pablisa oli save eksplenem kwiktaem olsem wanem oli bin stretem sam samting long laef blong olgeta blong oli save joen moa long wok blong prij.

Singsing 46 mo laswan prea.

Wik We i Stat Long Mei 19

Singsing 62

15 menet: Lokol mesej. Ripot blong ol kaon. Tokbaot haf ya “Intenasnal Wok Blong Bildim Ol Haos Kingdom Long Sam Kantri Blong Yurop.” Talem se mane we i sapotem wok blong bildim ol Haos Kingdom long ol kantri we oli pua mo long ol ples aninit long branj ofis blong yumi i kamaot long Presen Mane Blong Ol Haos Kingdom. Talemaot wanem ol plan blong prij we i stap blong Mei 29.

15 menet: Lokol nid.

15 menet: “Givim Ona Long Jeova Taem Yumi Tekem Evri Janis Blong Prij.” Wan tok mo askem sam kwestin long olgeta we oli lesin. Taem yu kasem haf 3, askem olgeta we oli lesin blong talem wanem samting we oli save mekem blong statem wan storian long Baebol long wan long ol taem ya: (1) taem oli stanap long laen long stoa blong pem kakae, (2) taem oli stap long wan pablik transpot, (3) long wan man klosap long haos blong olgeta we i stap wok long yad blong hem, (4) long wan fren long wok, (5) long wan fren long skul. Mekem plan fastaem blong wan pablisa i save talem ekspiriens we hem wan i gat taem hem i tekem janis blong prij.

Singsing 135 mo laswan prea.

Wik We i Stat Long Mei 26

Singsing 174

10 menet: Lokol mesej. Askem evriwan blong givim ripot blong olgeta blong manis Mei. Yusum ol fastok we oli stap long pej 8 blong mekem tu defren pleplei blong seremaot Wajtaoa blong Mei 15 mo Wekap! blong Eprel/Jun. Long tufala pleplei ya, pablisa i mas holem tugeta magasin, nating se hem i storebaot wan nomo. Long wan long tufala pleplei ya, man blong haos i no wantem karem magasin ale pablisa i givim traket ya long hem ?Yu Yu Wantem Lanem Moa Long Saed Blong Baebol?

10 menet: Ansa Long Wan Kwestin. Wan tok. Soemaot ol poen we oli impoten long teritori blong yumi. Sipos tok ya i no stret long kongregesen, mekem wan narafala tok we i stret long ol nid blong kongregesen.

25 menet: “Tok Blong God Hem i Trutok.”b Yusum ol kwestin we oli stap. Askem ol brata sista we oli lesin blong oli talemaot olsem wanem oli kasem help blong lanem trutok taem pablisa i yusum Baebol blong ansarem kwestin blong olgeta. Askem wan pablisa we i nafgud blong hem i mekem wan pleplei long haf 4. Pleplei ya i blong soemaot olsem wanem blong yusum Baebol taem yumi prij long man fastaem. Hem i save yusum sam long ol rod we oli stap long haf ya “Tijim Tok Blong God Long Fasin We i Stretgud.”—km 12/01 pej 1 haf 3-4.

Singsing 188 mo laswan prea.

Wik We i Stat Long Jun 2

Singsing 210

10 menet: Lokol mesej. Tokbaot wan no tu rod blong seremaot buklet Wanem mo Save buk, olsem we i stap long Kingdom Wok Blong Yumi blong Jenuware 2002. Talemaot wanem ol plan blong prij we i stap blong Jun 9.

20 menet: Man i Mas Tinghae Long Mared—God i Wantem Olsem. Wan tok mo askem sam kwestin long olgeta we oli lesin. Long plante kantri, fulap boe mo gel oli stap tugeta we oli no mared folem loa. Sam man oli talem se fasin ya i gat gud saed blong hem. Soem wanem we Baebol i talem long saed ya, mo makem klia se God nao i stamba blong mared. (rs E: pej 248-249; F: pej 224-225) Man mo woman we tufala i stap tugeta be tufala i no mared, i olsem we tufala i mekem fasin blong slip olbaot. (fy pej 17) Plante risej we man i mekem oli soem se fasin blong stap tugeta bifo mared i no min se sipos man mo woman tufala i mared biaen, bambae tufala i sua blong gat wan gudfala mared. Nogat. (gE: 02 3/8 pej 29; gE: 92 9/8 pej 28; gE: 91 5/8 pej 28) Ol Kristin oli ona long Jeova taem oli folem ol rul blong hem. Mo taem oli mekem olsem, oli mekem i gud long olgeta bakegen.—Aes. 48:17, 18.

15 menet: ?Yu Yu Luk Ol Gudfala Frut Blong Tiokratik Skul Ya? Wan tok wetem sam kwestin. Brata we i lukaot long skul i mekem tok ya. Long Jenuware blong yia ya, yumi statem niufala Tiokratik Skul. Lukluk bakegen, kwiktaem, sam long ol niufala samting long saed blong skul ya. Makem sam long ol gudfala samting we oli kamaot finis long saed blong skul ya. ?I gat sam niuwan we oli joen long skul ya? ?Ol brata mo sista oli soem se oli wantem moa blong tekpat long skul ya? ?Niufala rod we brata i folem blong givim advaes long ol studen, i mekem i gud olsem wanem long ol studen? Askem olgeta we oli lesin blong talem olsem wanem niufala program ya i mekem i gud long olgeta wanwan mo olsem wanem hem i save halpem olgeta long taem we bambae i kam.

Singsing 225 mo laswan prea.

[Ol futnot]