Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik blong Jun 30, 2003. Brata we i lukaot long skul bambae i mekem haf ya blong 30-menet. Bambae yumi lukluk bakegen long ol samting we yumi bin tokbaot, stat long Mei 5 go kasem Jun 30, 2003. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk Ministry School buk pej 36-37.]
FASIN BLONG TOKTOK
1. ?From wanem fasin blong jenisim voes i impoten taem yu givim wan tok, mo olsem wanem blong mekem samting ya? [be pej 111 bokis; pej 112 bokis]
2. ?Nating se wan brata i rili lavem Jeova mo i bilif long samting we hem i stap talem long tok blong hem, be from wanem maet i luk olsem we hem i no glad blong toktok? [be pej 115 haf 3-4; pej 116 haf 1]
3. ?Wanem bambae i givhan long yu blong toktok wetem lav mo filing, mo from wanem samting ya i impoten? [be pej 119 haf 1-4]
4. ?Olsem wanem blong luksave sipos yu mas toktok wetem glad, lav, mo ol narafala filing? [be pej 120 haf 2-5]
5. Tru No Giaman: Fasin blong yusum han mo fes taem yu toktok i save givhan nomo taem ol man we oli lesin oli stap lukluk yu. Eksplenem. [be pej 121 haf 3]
TOK N. 1
6. ?Nating se Josaea i gat wan had laef taem hem i pikinini, be wanem i givhan long hem blong jusum stret rod? (2 Kron. 34:1, 2) [w01 4/15 pej 27 haf 1-6; pej 28 haf 4]
7. ?Wanem mining blong Ol Proveb 9:7, 8a, mo olsem wanem blong folem tok ya long wok blong prij? [w01 5/15 pej 29 haf 4-5]
8. ?Jeova i stap tokbaot wanem taem i talem long ol man Isrel se, “Yufala i no mas fogetem ol samting ya,” mo wanem samting we yumi save mekem blong yumi no foget? (Dut. 4:9; 8:11) [be pej 20 haf 1-3]
9. ?Olsem wanem ol tok blong Ol Sam 32:1, 5 mo Ol Sam 51:10, 15 we Deved i raetem wetem filing, oli soemaot se sipos wan man i rili tanem tingting blong hem from bigfala sin we hem i bin mekem, hem i no nid blong harem se hem i nating nomo? [w01 6/1 pej 30 haf 1-3]
10. ?Ol advaes we Pol i givim long 1 Timoti 5:13-16 i tijim yumi long wanem samting long saed blong fasin blong givhan long olgeta we oli no gat plante samting? [w01 6/15 pej 11 haf 1]
BAEBOL RIDING BLONG WIK
11. ?Taem Jisas i talem tok ya “bon bakegen” long Jon 3:3, hem i stap tokbaot wanem? [w95 7/1 pej 9-10 haf 4-5]
12. ?Jisas i yusum edukesen blong hem blong mekem wanem, mo yumi save lanem wanem from? (Jon 7:15-18) [w96 2/1 pej 9-10 haf 4-7]
13. ?From wanem Jon 7:53–8:11 i no stap long New World Translation?
14. ?Olsem wanem Jisas i “kambak bakegen long sem fasin ya” we hem i go antap long heven? (Ol Wok 1:11) [w90 6/1 pej 11 haf 5]
15. ?From wanem “ol man we oli no bilif, oli fraet blong go joen wetem [ol disaepol],” olsem Ol Wok 5:13 i talem?