Ol Miting Blong Kingdom Wok

Wik We i Stat Long Jun 9

Singsing 81

10 menet: Lokol mesej. Talemaot sam long ol Advaes we oli stap long Kingdom Wok Blong Yumi. Yusum ol fastok we oli stap long pej 8 blong mekem tu pleplei. Wan i seremaot Wajtaoa blong Jun 1 mo narawan i seremaot Wekap! blong Jun 8 (Franis mo Inglis). Long tufala pleplei ya, pablisa i mas soem tugeta magasin ya nating se hem i storebaot wan nomo. Yusum wan vas long tufala pleplei ya.

15 menet: “Wok Blong Prij​—Wok Ya We i Impoten Moa.”a Leftemap tingting blong ol yangfala blong oli tingbaot wanem ol blesing we oli save kasem sipos oli tekem wok blong fultaem paenia. Talem sam poen we oli stap aninit long smol stamba tok ya “Taem Kastom i Agensem Tingting We i Jajem Yu” long Wajtaoa blong Novemba 1, 2000, pej 19-20.

20 menet: “Taem Yu Finis Long Wok​—?Yu Save Spenem Moa Taem Long Wok Blong Jeova?”b Sipos i gat wan pablisa we i finis long wok mo i yusum taem blong hem blong mekem moa long wok blong Jeova, askem kwestin long hem. Askem hem, wanem sam jenis we hem i bin mekem long laef blong hem, mo wanem blesing we hem i kasem from.

Singsing 190 mo laswan prea.

Wik We i Stat Long Jun 16

Singsing 55

8 menet: Lokol mesej. Ripot blong ol kaon.

12 menet: Lokol nid.

25 menet: “Wokhad Blong ‘Talemgud’ Tok Blong God Long Olgeta Man.”c Yusum ol kwestin we oli stap. Afta we yufala i storebaot paragraf 5 mo 6, mekem wan sotfala pleplei blong soemaot olsem wanem wan pablisa i save tekem janis blong prij long man we i wok long wan stoa mo givim traket ya long hem ?Yu Yu Wantem Lanem Moa Long Saed Blong Baebol? Bifo we yufala i tokbaot paragraf 7 mo 8, askem wan brata blong i ridimaot tufala haf ya. Long lastok blong yu, ridim mo tokbaot bokis ya “!Yu No Fogetem Olgeta Ya!”

Singsing 131 mo laswan prea.

Wik We i Stat Long Jun 23

Singsing 95

10 menet: Lokol mesej. Yusum ol fastok we oli stap long pej 8 blong mekem tu pleplei blong soem olsem wanem blong seremaot Wajtaoa blong Jun 15, mo Wekap! blong Eprel/Jun. Long tufala pleplei ya, pablisa i mas soem tugeta magasin ya nating se hem i storebaot wan nomo. Long wan long tufala pleplei ya, pablisa i mekem olsem se hem i stap tekem janis blong prij.

20 menet: ?Yumi Save Mekem Wanem Taem Tingting i Foldaon? Wan tok we ol man oli save ansarem sam kwestin long hem, i stanap long Wajtaoa blong Novemba 15, 1999, pej 28-29 kasem smol stamba tok ya “Holem Wan Gudfala Tingting,” mo tokbaot ol haf aninit long smol stamba tok ya tu. Talem bakegen sam advaes we oli wokgud mo sam advaes we Baebol i givim. Mekem plan fastaem blong wan no tu gudfala pablisa oli save talemaot wanem samting nao we i halpem olgeta blong oli no lusum glad long wok blong prij.

15 menet: “Yumi Prij Long Wan Wol We i Stap Jenis Oltaem.”d Taem yufala i storebaot paragraf 2 mo 3, askem olgeta we oli lesin, blong oli talem sam nius we oli save yusum blong statem storian wetem ol man long teritori blong yumi. Taem yufala i tokbaot paragraf 4, mekem wan sotfala pleplei folem wan long ol fastok ya we i stap.

Singsing 15 mo laswan prea.

Wik We i Stat Long Jun 30

Singsing 3

10 menet: Lokol mesej. Talem bakegen long ol pablisa se oli no mas fogetem ripot blong prij blong manis Jun. Talemaot wanem buk we bambae yumi serem long manis Julae mo Ogis. Tokbaot tu buklet we i gat i stap long kongregesen. Mekem tu pleplei we oli reregud long hem, blong soemaot olsem wanem blong seremaot tufala buklet ya long wok blong prij. Sam fastok we yufala i save yusum oli stap long Kingdom Wok Blong Yumi blong Julae 1998, pej 8. I gat sam narafala fastok tu long Indeks blong Wajtaoa aninit long ol stamba tok ya long Inglis “Presentations” mo smol stamba tok we i stap aninit long hemia long Inglis se “List by Publication” (Franis, “ Présentations ” mo smol stamba tok “ Liste par publications ”).

15 menet: “Oli Handikap Long Bodi Be Oli Karem Frut.”e Givim sam tingting long saed blong ol defdefren wei we ol narafala oli save halpem olgeta ya, folem wanem we i stap long Wekap! blong Ogis 22, 1990, pej 22-23, aninit long smol stamba tok ya, long Inglis mo Franis nomo, “What Can Be Done?” (Quelle aide apporter ?)

20 menet: Yusum Tok Blong God Blong Karem Frut Taem Yumi Talemaot Kingdom. Wan tok we olgeta we oli lesin tu oli save tekpat long hem. Brata we i lukaot long wok blong prij i mekem tok ya. Yumi traehad blong serem wan gudfala tingting we Baebol i givim long saed blong Kingdom long evri man we yumi mitim olgeta long teritori. Be, i no naf jes blong ridim vas blong Baebol. Yumi mas eksplenem ol tok blong hem, maet yusum wan pijatok, mo soem olsem wanem vas ya i laenap stret no i save wok long laef blong olgeta. Soem sam rod blong mekem samting ya taem yu yusum ol vas blong Baebol we oli stap long Reasoning buk, pej 154-155 aninit long smol stamba tok ya “Human rulers are not providing what mankind urgently needs” (Franis pej 175, “ Les gouvernements humains ne subviennent pas aux besoins urgents de l’humanité ”). Afta long samting ya, mekem wan pleplei we i rere gud. Long pleplei ya wan pablisa bambae i soemaot olsem wanem blong yusum wan vas blong Baebol long nekis visit we hem i mekem long man, i eksplenemgud vas ya, i givim wan pijatok we i isi nomo blong kasem save long hem, mo wan sotfala tok blong soem olsem wanem rul blong Kingdom bambae i jenisim laef blong visit ya. I no nid blong mekem wan fastok long pleplei ya, pablisa i stat nomo wetem riding blong vas. Afta long pleplei ya mekem evriwan i tingting bak long wei we pablisa ya i bin eksplenem vas, yusum pijatok, mo mekem i laenap wetem laef blong visit blong hem. Leftemap tingting blong evriwan blong oli traehad blong yusum gud Tok blong God blong karem frut.

Singsing 171 mo laswan prea.

Wik We i Stat Long Julae 7

Singsing 165

5 menet: Lokol mesej.

15 menet: Sam ekspiriens blong ples blong yumi. Storebaot no mekem pleplei blong soemaot olsem wanem sam pablisa long ples blong yumi oli bin mekem blong (1) prij long ol man we oli blong narafala kantri mo oli toktok defren lanwis no (2) prij long ol ples we i defren long wok blong prij we yumi mekem oltaem long ol haos wanwan mo long rod. Leftemap tingting blong evriwan blong yumi yusumgud smol buklet ya Good News for All Nations mo pepa ya Please Follow Up (S-43) taem yumi mitim eni man we oli laef long teritori we i no blong kongregesen blong yumi.​—Ridim leta we i go long olgeta kongregesen blong Vanuatu, blong Oktoba 15, 1998.

25 menet: “Ol Man Oli Mas Save Nem Blong God.”f Yusum ol kwestin we oli stap. Taem yufala i tokbaot paragraf 4, yusum sam toktok we oli stap long bokis ya “Making Known the Name of God,” long pej 124 blong buk ya Proclaimers. Askem wan pablisa we i nafgud blong mekem wan pleplei we hem i mekem wan visit bakegen. Yusum tu no tri vas we oli stap long Reasoning buk pej 196-197 (Franis, pej 200-1), blong soem from wanem i impoten blong save mo yusum nem blong God.

Singsing 197 mo laswan prea.

[Ol futnot]