Ol Miting Blong Kingdom Wok

Wik We i Stat Long Ogis 11

Singsing 101

10 menet: Lokol mesej. Jusum sam Advaes long Kingdom Wok Blong Yumi. Yusum ol tingting long pej 8 blong mekem tu pleplei, faswan i blong seremaot Wajtaoa blong Ogis 15, seken wan i blong seremaot Wekap! blong Ogis 22. Long tufala pleplei ya, oli mas soemaot tufala magasin ya tugeta, nating se oli tokbaot wan nomo. Long wan pleplei, ansa long tok ya we man i save talem blong blokem yumi, “Mi mi bisi tumas.”​—Lukluk buk ya Reasoning, pej 19.

15 menet: “Folem Fasin Blong Jeova Blong Mekem i Gud Long Ol Man.”a Askem long olgeta long kongregesen blong oli talem sam sot toktok blong eksplenem olsem wanem kaen fasin we oli bin mekem long wan man i openem rod blong oli givim witnes long hem. Talem sam gudfala toktok long kongregesen from traehad blong olgeta blong givhan long ol Kristin brata sista blong olgeta.

20 menet: “Ol Blesing Long Wok Blong Paenia.”b Yusum ol kwestin we oli stap. Singaot wan no tu paenia blong oli tokbaot ol blesing we oli bin kasem long wok blong paenia. Talem se eniwan we i wantem mekem wok blong paenia i save askem wan pepa long sekretari.

Singsing 11 mo laswan prea.

Wik We i Stat Long Ogis 18

Singsing 82

12 menet: Lokol mesej. Ripot blong ol kaon. Tokbaot “Program Blong Nekis Spesel Dei Asembli.” Talemaot stret dei blong asembli ya, mo leftemap tingting blong evriwan blong oli kam. Sipos asembli blong yufala bambae i no longtaem, talem long olgeta we oli wantem baptaes se oli mas go luk presiden elda.

15 menet: “Wok We i Mekem Yumi Haremgud.”c Askem tu no tri pablisa we oli rere finis long ol toktok blong olgeta, blong oli talem olsem wanem Kristin wok blong prij i mekem olgeta oli haremgud.

18 menet: “Mekem Haos Wosip Blong Yumi i Stap Gud Mo Naes.”d (Haf 1-5) Yusum ol kwestin we oli stap. Long haf 3 mo 4, tokbaot program blong klinim Haos Kingdom blong yufala. Tokbaot sam poen we kongregesen i nidim blong wok long hem. Talem sam gudfala toktok from traehad blong olgeta blong mekem haos blong trufala wosip i stap gud mo naes.

Singsing 114 mo laswan prea.

Wik We i Stat Long Ogis 25

Singsing 175

10 menet: Lokol mesej. Yusum ol tingting long pej 8 blong mekem tu pleplei, faswan blong seremaot Wajtaoa blong Septemba 1, mo sekenwan blong seremaot Wekap! blong Jul./Sept. Long tufala pleplei ya, oli mas soemaot tufala magasin ya tugeta, nating se oli tokbaot wan nomo. Mekem olsem we wan papa no mama wetem wan yangfala blong hem, tufala i stap long haos, ale tufala i stap lanem ol fastok we bambae tufala i yusum blong seremaot ol magasin ya. Fastaem, tufala i tokbaot samting we bambae tufala i talem, nao biaen, tufala i mekem pleplei blong soemaot.

15 menet: Lokol nid.

20 menet: Mekem Tingting Blong Yu i Strong Blong Prij. (1 Tes. 2:2) Wan tok wetem sam kwestin mo ansa. Tokbaot from wanem plante long yumi oli fraet blong go storian wetem ol narafala long saed blong Kingdom. Samting ya i tru long olgeta tu we oli bin mekem wok blong prij blong plante yia finis. Tokbaot sam stori we oli stap long Wajtaoa, Disemba 1, 1999, pej 25; Disemba 15, 1999, pej 25; mo Eprel 1, 1996, pej 31. Singaot samfala long kongregesen blong oli talem olsem wanem oli bin mekem tingting blong olgeta i strong blong talemaot gud nius, long taem we oli bin harem se oli fraet smol. Long lashaf, talem sam tok we i stanap long Wajtaoa, Disemba 15, 1999, pej 23 mo 24, blong leftemap tingting blong evriwan blong oli kasem paoa long Jeova blong givhan long olgeta.

Singsing 125 mo laswan prea.

Wik We i Stat Long Septemba 1

Singsing 84

10 menet: Lokol mesej. Talem long ol pablisa blong oli givim ripot blong prij blong Ogis. Talemaot wanem buk we yumi seremaot long manis Septemba. Askem long wan no tu pablisa we oli rerem tok blong olgeta finis, blong oli talem samting we i bin kamaot taem oli tekem janis blong prij long taem blong distrik asembli, long spel blong olgeta, no long wan narafala taem we i jes pas.

15 menet: ?Yu Yu Holem Promes Blong Yu Blong Gobak Bakegen? Wan tok wetem sam kwestin mo ansa, we i stanap long Wajtaoa, Septemba 15, 1999, pej 10 mo 11, long smol stamba tok ya, “Sam Narafala Rod Blong Holem Promes Blong Yumi.” Taem yumi stap prij nao yumi faenem wan man we i soem intres, oltaem yumi mekem plan blong gobak mo storian bakegen wetem hem. ?Yu yu holem promes ya? Tokbaot ol rul blong Baebol we oli mas pusum yumi blong holem promes ya. Singaot samfala long kongregesen blong oli talem blesing we oli bin kasem from we oli bin gobak kwik long wan man we i soem intres.

20 menet: “Mekem Haos Wosip Blong Yumi i Stap Gud Mo Naes.”e (Haf 6-12) Yusum ol kwestin we oli stap. Makemgud se i impoten blong klinimgud mo fiksimap Haos Kingdom, mo tokbaot bokis long pej 5. Talem wan sot ripot long saed blong Haos Kingdom blong yufala mo wanem plan i stap blong fiksimap mo mekem gud Haos Kingdom bakegen.

Singsing 41 mo laswan prea.

[Ol futnot]