Ol Miting Blong Kingdom Wok

Wik We i Stat Long Septemba 8

Singsing 10

10 menet: Lokol mesej. Sam Advaes we i stap long Kingdom Wok Blong Yumi. Talem long evriwan se i gud oli lukluk bakegen long ol not we oli bin tekem long seket asembli blong las sevis yia from we bambae yumi tokbaot samting ya long Miting blong Kingdom Wok nekis wik. Yusum ol fastok we oli stap long pej 4 blong mekem tu pleplei we i stret long ples blong yumi blong soem olsem wanem yumi save serem Wajtaoa blong Septemba 15 mo Wekap! blong Septemba 22. Long wan long tufala pleplei ya, soem se wan studen no wan papa no wan mama i prij long wan tija long skul.

10 menet: Leta we i kam long Branj Ofis. Wan brata we i pablisa longtaem finis, i moagud sipos hem i wan elda, i storian wetem wan yangfala pablisa. Yangfala pablisa i askem long pablisa ya we i olfala moa se hem i bin luk leta ya blong branj ofis we i stap long Kingdom Wok Blong Yumi. Pablisa we i olfala moa i eksplenem se ol leta olsemia oli stat kamaot long Kingdom Wok Blong Yumi long ol yia 1960 mo 1970. Ale tufala tugeta i storebaot ol bigfala tingting insaed long leta ya.

25 menet: “Yangfala​—Wokem Wan Fandesen Blong Laef Blong Yu We i Save Stap Strong Oltaem.”a Wan elda bambae i mekem tok ya. Yusum ol kwestin we oli stap. Taem yu kasem haf 5, tokbaot glad mo blesing we i kamaot taem man i joen long wok blong Jeova fultaem.

Singsing 170 mo laswan prea.

Wik We i Stat Long Septemba 15

Singsing 199

10 menet: Lokol mesej. Ripot blong ol kaon.

10 menet: “Yumi Stadi Long Buk Ya Wosipim God.” Wan long ol brata we oli lukaot long Buk Stadi i mekem tok ya. Talem long evriwan blong lukluk program blong stadi long buk ya. Taem yu kasem haf fo, talem sam tingting we oli stap long buk ya Ministry School, pej 28, haf 1, mo pej 70.

25 menet: ‘Trastem Jeova Mo Mekem Ol Fasin We i Gud.’ (Sam 37:3) Wan tok blong tingtingbak long ol bigfala poen we oli bin kamaot long seket asembli blong sevis yia we i jes pas. Askem ol kwestin ya long olgeta we oli lesin. Askem olgeta blong talem olsem wanem oli bin wokem ol poen ya long laef blong olgeta wan no long famle blong olgeta. Tokbaot ol haf ya blong program: (1) “Soemaot Se Yumi Trastem Jeova.” ?From wanem i impoten blong soemaot tras long Jeova long evri samting we yumi mekem long laef blong yumi? (it-2 p. 521) ?Olsem wanem buk ya Watch Tower Publications Index i save halpem yumi? (2) “Lukaot Blong No Westem Taem Long Samting We i Blong Nating Nomo.” (Prija 2:​4-8, 11) ?Wanem sam samting we oli blong nating nomo mo we yumi mas lukaot long hem, mo olsem wanem yumi save mekem samting ya? (3) “Stap Longwe Long Nogud Fasin, Mekem Fasin We i Gud.” ?From wanem i impoten tumas blong fasgud long ol rul blong Jeova? (Aes. 5:​20) ?Wanem gudfala wok we yumi mas stap bisi long hem? (4) “Holemtaet Tras We Yumi Gat Long Jeova.” ?Wanem i save halpem yumi blong stanap strong taem yumi fesem hadtaem no traem long laef blong yumi? ?From wanem i gud we samtaem yumi letem sam samting i stap blong Jeova nomo i stretem? (5) “?Bambae Yu Yu Naf Blong Laef Aninit Long Kingdom Blong God?” (Kol. 1:​10) ?Wanem eksampol long Baebol we i pusum yumi blong gohed blong wokbaot olsem man we i stret blong karem nem blong Jeova? (6) “Trastem Ol Promes Blong Jeova.” ?Olsem wanem fasin ya blong trastem Jeova i save gat paoa long laef blong yumi?

Singsing 58 mo laswan prea.

Wik We i Stat Long Septemba 22

Singsing 7

10 menet: Lokol mesej. Yusum ol fastok we oli stap long pej 4 blong mekem tu pleplei we oli soemaot olsem wanem yumi save serem Wajtaoa blong Oktoba 1 mo Wekap! blong Oktoba 8.

15 menet: ?Olsem Wanem Long Wok Blong Yumi Las Yia? Brata we i lukaot long wok blong prij i tokbaot sam gudfala samting we i stap long ripot blong kongregesen long sevis yia blong 2003. Talem gudfala tok long kongregesen from nambawan wok we oli bin mekem. Tokbaot sam samting we i nidim blong tokbaot folem laswan ripot we seket elda i mekem. Tokbaot wan no tu mak we kongregesen i save traehad blong kasem long yia we i kam.

20 menet: ?God i Agri Long Olgeta Skul? Wan tok wetem sam kwestin mo ansa. Tok ya i stanap long Reasoning buk. Soemaot olsem wanem yumi save givhan long man blong tingtinggud mo kasem ansa long kwestin ya. (rs E: pej 322-323; F: pej 310-311) Tokbaot sam samting we yumi save makem long saed blong skul ya we God i agri long hem. (rs E: pej 328-​330; F: pej 316-318) Wok blong prij we yumi mekem i halpem ol man blong jusum wosip ya we i stret long fes blong God.​—Kol. 1:​9, 10.

Singsing 39 mo laswan prea.

Wik We i Stat Long Septemba 29

Singsing 194

10 menet: Lokol mesej. Talem long ol pablisa se oli no mas fogetem ripot blong olgeta blong manis Septemba. Talemaot wanem buk we yumi seremaot long Oktoba. Mekem wan smol pleplei blong soem olsem wanem yumi save statem wan Baebol stadi wetem buklet Wanem.

15 menet: Lokol nid.

20 menet: “Putum Tingting Daon Olsem Prapa Klos Blong Yu.”b Pulum olgeta we oli lesin blong oli talemaot olsem wanem yumi save mekem ol vas long haf ya oli wok long laef blong yumi.

Singsing 224 mo laswan prea.

Wik We i Stat Long Oktoba 6

Singsing 170

10 menet: Lokol mesej. Long manis ya bambae yumi traehad blong statem ol Baebol stadi. Tekem smoltaem blong lukluk bakegen long sam advaes long Kingdom Wok Blong Yumi blong Mei 2002, pej 1, haf 1.

15 menet: “!Meksua Se Yu Putum Ol Impoten Samting Long Fasples!” Wan tok wetem sam kwestin mo ansa. Tok ya i stanap long Wajtaoa blong Septemba 1, 1998, pej 19-21. Talemaot ol dei blong sam spesel tiokratik wok we bambae yumi save mekem long ol manis we oli kam. Leftemap tingting blong evriwan blong oli makem ol dei ya long kalenda blong olgeta. Askem olgeta we oli lesin blong oli talemaot sam samting we olgeta wanwan oli stap mekem blong oli no mestem ol spesel kakae long saed blong spirit we Jeova i givim.

20 menet: Stanap Strong Taem Ol Fren Oli Traem Pulum Yu. Askem kwestin long wan elda no wan man blong givhan we i gruap long wan famle we oli Witnes. Tokbaot sam poen we oli stap long Wajtaoa blong Februari 15, 2003. ?Wanem samting we brata i fesem long skul we i givim hadtaem long hem? (pej 24 haf 3; pej 25 haf 4-5) ?I gat samfala we klosap oli spolem gudfala fasin blong hem? (pej 26 haf 4-6) ?Hem i harem yet se nating we hem i big man finis be ol narafala oli save gat paoa long hem yet? ?Wanem i halpem hem blong stap agensem tingting ya se hem i wantem mekem sem mak olsem ol narafala? Blong finisim tok ya tekem smoltaem blong tokbaot sam poen we oli stap long Wajtaoa blong Ogis 1, 1999, pej 24-25 blong soemaot gudfala frut we i kamaot taem yumi kampani wetem ol fren we oli gat gudfala fasin.

Singsing 26 mo laswan prea.

[Ol futnot]