Ol Miting Blong Kingdom Wok

Wik We i Stat Long Novemba 10

Singsing 212

10 menet: Lokol mesej mo jusum sam long ol Advaes long Kingdom Wok Blong Yumi we i stret blong talemaot. Mekem tu pleplei blong soemaot olsem wanem blong folem ol fastok long pej 4 blong seremaot Wajtaoa blong Novemba 15 mo Wekap! blong Novemba 22 (Franis mo Inglis) long teritori blong yumi. Long tufala pleplei ya, pablisa i mas soem Wajtaoa mo Wekap! ya tugeta, nating se hem i storebaot wan nomo long tufala. Long wan long tufala pleplei ya, pablisa i mas eksplenem long man blong haos olsem wanem yumi stap kasem mane blong sapotem wok blong yumi raon long wol.​—Lukluk pej 2 long Wajtaoa no pej 5 long Wekap!

15 menet: “Yufala i Mas Rere.”a Askem olgeta we oli lesin blong talem wanem samting nao i stap halpem olgeta blong oli no letem ol wari blong laef mo ol samting blong wol ya i stilim taem we oli mas yusum long ol wok long saed blong spirit.

20 menet: ?Yu Yu Jusum Ol Fren Blong Yu Olsem Wanem? Wan tok we kongregesen i save tekpat long hem tu. Hem i stanap long buk ya Wosipim God, pej 47-49. Yusum ol kwestin mo ol vas long haf 13, mo askem kongregesen blong talem sam rul blong Baebol we yumi mas tingbaot taem yumi jusum ol fren blong yumi.

Singsing 127 mo laswan prea.

Wik We i Stat Long Novemba 17

Singsing 96

12 menet: Lokol mesej. Askem kwestin long tu no tri pablisa we oli gat wan gudfala ekspiriens long wok blong prij, taem oli stap seremaot buk blong manis ya. Maet sam oli bin statem Baebol stadi.

15 menet: Wokem Fasin Blong Givim Presen Wetem Gladhat. Wan tok we wan elda bambae i mekem. Tok ya i stanap long Wajtaoa blong Novemba 1, 2003, pej 27-30.

18 menet: “Presem Narafala From Traehad Blong Hem.”b Yusum sam poen we oli stap long Famle buk, pej 49-50, haf 21. Askem olgeta we oli lesin blong talem sam toktok we narafala i bin talem blong leftemap tingting blong olgeta.

Singsing 58 mo laswan prea.

Wik We i Stat Long Novemba 24

Singsing 213

12 menet: Lokol mesej. Ripot blong ol kaon. Mekem tu pleplei we tufala i soemaot olsem wanem blong yusum fastok long pej 4 blong seremaot Wajtaoa blong Disemba 1 mo Wekap! blong Disemba 8 (Franis mo Inglis). Taem yumi yusum ol fastok long pej 4, maet yumi yusum wan narafala vas we i gud, long ples blong hemia we i stap. Long tufala pleplei ya, pablisa i mas soem Wajtaoa tugeta wetem Wekap!, nating sipos hem i storebaot wan nomo. Long wan long tufala pleplei ya, askem pablisa blong i mekem olsem we hem i tekem janis blong prij long wan pablik transpot, no long wan narafala ples we i stret long teritori blong yumi.

10 menet: Ansa Long Wan Kwestin. Wan elda bambae i mekem tok ya.

23 menet: “Wokem Fasin Fren Wetem Jeova.”c Yusum ol kwestin we oli stap. Pulum ol brata sista blong talem olsem wanem ol vas we oli stap oli save halpem yumi. Mekem plan fastaem blong samfala oli talem wanem samting i bin halpem olgeta blong kam gud moa long fasin blong stadi Baebol wanwan.

Singsing 202 mo laswan prea.

Wik We i Stat Long Disemba 1

Singsing 138

10 menet: Lokol mesej. Talem long ol pablisa se oli no mas fogetem ripot blong olgeta blong manis Novemba. Talemaot buk we yumi serem long manis Disemba. Lukluk bakegen long wan no tu fastok we yumi save yusum blong seremaot buk ya. Eksplenem olsem wanem ol pablisa oli save yusum Watch Tower Publications Index blong faenem sam narafala fastok blong yusum.​—Lukluk Kingdom Wok Blong Yumi blong Septemba 2001, pej 2.

15 menet: Lokol nid.

20 menet: Yumi Naf Gud Blong Tijim Narafala. Wan tok we i stanap long Wajtaoa blong Jun 1, 2000, pej 16-17, haf 9-13, i save gat sam kwestin mo ansa tu. Wok blong yumi i no blong prij nomo, be blong tijim man tu. Taem yumi halpem ol man we oli olsem sipsip, yumi save karem gudfala frut sipos yumi naf gud blong talemaot Kingdom long wan fasin we i givim save mo i tajem hat. Storian smol long ol kwestin ya: (1) ?Wanem i mekem se wok blong prij i defren long wok blong tij? (2) ?From wanem samfala oli fraet lelebet blong statem wan Baebol stadi? (3) ?Olsem wanem yumi save kamgud moa long fasin blong tij? (4) ?Olsem wanem yumi save meksua se studen blong yumi i kasem save long ol samting we hem i stap lanem? (5) ?Wanem mak we yumi mas pulum ol studen blong oli traem kasem?

Singsing 70 mo laswan prea.

[Ol futnot]