Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Februari 23, 2004. Brata we i lukaot long skul bambae i mekem haf ya blong 30 menet. Bambae yumi lukluk bakegen long ol samting we yumi bin tokbaot, stat long Jenuware 5 kasem Februari 23, 2004. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Taem yumi givim wan tok, yumi save mekem wanem blong soem klia olsem wanem blong yusum ol save ya we yumi stap givimaot, mo blong meksua se save ya i rili givhan long ol man we oli stap lesin? [be pej 158 haf 2-4]
2. ?From wanem i impoten blong jusumgud ol tok we yumi talem? [be pej 160 haf 1 mo seken bokis]
3. ?Fas Korin 14:9 i talem wanem stamba samting we i save givhan long yumi blong toktokgud, mo olsem wanem yumi save folem advaes ya taem yumi tijim narafala? [be pej 161 haf 1-4]
4. ?Matiu 5:3-12 mo Mak 10:17-21 i soem wanem bigfala fasin blong Jisas we yumi save folem taem yumi tijim narafala? [be pej 162 haf 4]
5. ?Taem yumi prij no yumi ansa long ol miting blong kongregesen, from wanem yumi mas traem yusum ol tok we oli laef, oli soem filing, mo oli mekem poen i klia? (Mat. 23:37, 38) [be pej 163 haf 3–pej 164 haf 1]
TOK N. 1
6. ?Wanem nao stamba tok blong wan tok, mo olsem wanem blong yusumgud stamba tok ya taem yumi jusum ol save mo putum long stret oda? [be pej 39 haf 6–pej 40 haf 1]
7. (a) ?Man we i klin long saed blong spirit hem i olsem wanem, mo from wanem fasin ya i moa impoten i bitim ol narafala fasin klin? (b) ?Ol Kristin oli save mekem olsem wanem blong soem se oli no agri nating long ol rabis fasin blong wol? [w02 2/1 pej 5-6]
8. ?Long olgeta stamba rul blong Baebol, weswan nao oli moa impoten? [w02 2/15 pej 5 haf 1, 4, 6]
9. ?Man we i kasem save long filing blong narafala hem i olsem wanem, mo olsem wanem Jisas i soemaot fasin ya? [w02 4/15 pej 25 haf 4-5]
10. ?Olsem wanem tok blong Ol Proveb 11:11 i stret long ol kongregesen blong ol man blong Jeova? [w02 5/15 pej 27 haf 1-3]
BAEBOL RIDING BLONG WIK
11. ?‘Tri we i save givim laef’ long Jenesis 2:9 i saen blong wanem?
12. ?From wanem woman blong Lot i lusum laef blong hem? (Jen. 19:26) [w90 4/15 pej 18 haf 10, Franis mo Inglis]
13. Long stori long Jenesis japta 24 we i olsem wan profet tok, (a) Ebraham, (b) Aesak, (c) Eliasara we i man blong wok blong Ebraham, (d) ten kamel, mo (e) Rebeka, oli pija blong hu no wanem?
14. ?Bifo we Jekob mo Esao tufala i bon, God i makemaot ol samting we bambae i hapen long laef blong tufala? (Jen. 25:23)
15. ?Olsem wanem Rejel i wan gudfala eksampol blong fasin traehad we Jeova i blesem? (Jen. 30:1-8) [w02 8/1 pej 29-30]