Advaes

◼ Februari: Revelesen​—Kolosap i Kasem Nambawan En Blong Hem! Maj: Save Blong Lidim Yu Long Laef We i No Save Finis. Bambae yumi mekem wan spesel traehad blong statem ol niufala Baebol stadi. Sipos ol man oli gat Save buk finis, yu save soem Man We i Hae Moa Long Olgeta Man. Eprel mo Mei: Ol Wajtaoa mo Wekap! Taem yu mekem visit long man we i intres, mo long olgeta we oli bin kam long Memoriol no wan narafala miting be oli no stap joen oltaem long ogenaesesen blong Jeova, yu save seremaot buk ya Wosipim God. Yu mas traem bes blong yu blong statem wan stadi, antap moa, sipos man we yu visitim hem i stadi finis long Save buk mo buklet ya Wanem.

◼ Ol pablisa we oli wantem mekem wok blong haftaem paenia long wan manis no ol trifala manis ya Maj, Eprel, mo Mei, oli mas mekem plan naoia, mo oli mas fulumap pepa kwik. Samting ya bambae i givhan long ol elda blong mekem ol stret plan blong wok blong prij, mo blong gat naf magasin mo buk i stap. Evri manis, talemaot nem blong ol haftaem paenia long kongregesen.

◼ Presiden elda no wan brata we hem i jusumaot, i mas jekem ol kaon blong kongregesen bifo long Maj 1 no kwiktaem biaen. Taem oli ridim nekis ripot blong ol kaon, oli save talemaot long kongregesen se oli jekem ol kaon finis. Ridim leta we Sosaeti i sanem blong talem tangkiu from presen mane blong sapotem wok blong prij long fulwol, no from ol narafala presen mane we oli givim.

◼ Sekretari mo elda we i lukaot long wok blong prij tufala i mas lukluk long wok blong ol fultaem paenia. Sipos samfala oli stap faenem i had blong kasem ol aoa blong olgeta, tufala elda ya i mas mekem plan blong givhan long olgeta. Blong kasem advaes long saed ya, ridim bakegen leta S-201 we Sosaeti i sanemaot evri yia.

◼ Nem blong spesel pablik tok we bambae kongregesen i mekem afta long Memoriol long yia 2004, hemia: “Trastem Jeova Mo No Fraet.” Lukluk Advaes long saed ya we i stap long Kingdom Wok Blong Yumi, Septemba 2003.

◼ Taem ol pablisa oli wok long teritori long bus we i no joen wetem wan kongregesen, oli save seremaot Wanem buklet mo Save buk. Sipos man blong haos i gat tufala buk ya finis, oli save yusum wan narafala buk. Oli mas karem ol defdefren traket wetem olgeta blong livim long ol haos we i no gat man, no blong givim long ol man we oli no wantem wan buk no magasin. Oli mas traehad blong gobak long ol man we oli intres, antap moa, sipos teritori ya i no longwe tumas long wan kongregesen.