Ol Miting Blong Kingdom Wok

Wik We i Stat Long Eprel 12

Singsing 93

10 menet: Lokol mesej. Jusum sam Advaes long Kingdom Wok Blong Yumi. Yusum ol fastok long pej 8 blong mekem tufala pleplei blong seremaot Wajtaoa Eprel 15 mo Wekap! Eprel 22. Sipos yufala i no gat tufala magasin ya yet, mekem pleplei long tufala laswan magasin we yufala i kasem. Long tufala pleplei ya, oli mas soem tufala magasin ya evriwan nating se oli tokbaot wan nomo. Mo tu, long tufala pleplei ya, soem tu defren rod blong ansa long tok ya we man i save sakem blong blokem yumi, “Mi mi bisi.”​—Lukluk smol buk ya Storian Long Baebol, pej 14 mo 15.

15 menet: “Program Blong Nekis Seket Asembli.” Wan tok wetem sam kwestin mo ansa. Talem stret dei blong nekis seket asembli. Sipos kongregesen blong yufala i gat asembli ya i no longtaem, talemaot long olgeta we oli wantem baptaes se oli mas kam luk presiden elda. Leftemap tingting blong evriwan blong oli mekem wan spesel traehad blong singaot ol Baebol stadi blong oli kam long evri haf blong asembli ya.

20 menet: “Givim Beswan Sakrefaes Long Jeova.”a Taem yu tokbaot haf 4, askem kongregesen blong talem sam rod blong soem lav long ol man long wok blong prij. Tokbaot sam poen long Wajtaoa Februari 1, 2003, pej 21 mo 22, haf 12 mo 13, wetem bokis ya, “?Olsem Wanem Blong ‘Mekem Tingting i Longfala Mo Gat Frut Long Laef Blong Yu’?”

Singsing 91 mo laswan prea.

Wik We i Stat Long Eprel 19

Singsing 55

8 menet: Lokol mesej.

17 menet: “Yumi Mas Gat Tingting Olsem Jisas.”b Yusum ol kwestin we oli stap finis. Taem yu stap tokbaot haf 4, singaot ol haftaem paenia blong oli talem wanem blesing oli bin kasem long wok ya.

20 menet: ?Yu Yu Nidim We Baebol i Talem Wan Loa Long Evri Samting? Elda i givim wan tok long haf ya we i stap long Wajtaoa Disemba 1, 2003, pej 20-23.

Singsing 80 mo laswan prea.

Wik We i Stat Long Eprel 26

Singsing 46

12 menet: Lokol mesej. Ripot blong ol kaon. Talem long ol pablisa blong putum ripot blong prij blong Eprel. Talemaot wanem buk we yumi seremaot long manis Mei. Yusum ol fastok long pej 8 blong mekem tufala pleplei blong seremaot Wajtaoa Mei 1 mo Wekap! Eprel/Jun. Sipos yufala i no gat tufala magasin ya yet, mekem pleplei long tufala laswan magasin we yufala i kasem. Long tufala pleplei ya, oli mas soem tufala magasin ya evriwan, nating se oli tokbaot wan nomo. Mekem wan long tufala pleplei ya olsem we pablisa i stap prij long wan man long wok no long wan yangfala long skul.

15 menet: Lokol nid.

18 menet: “2004 Distrik Asembli Blong Ol Witnes Blong Jeova ‘Wokbaot Wetem God.’” Kwestin mo ansa. Sekretari blong kongregesen i mekem haf ya. Leftemap tingting blong evriwan blong oli mekem rod blong olgeta naoia blong go long asembli ya.

Singsing 38 mo laswan prea.

Wik We i Stat Long Mei 3

Singsing 48

10 menet: Lokol mesej. Tokbaot smol ol wok we yumi stap mekem taem yumi spel long wok no long skul: go long seket asembli, haftaem paenia, fiksimap prapa haos blong yumi, spel mo pleplei smol. Yumi mas mekem wan gudfala plan long taem blong spel, blong meksua se yumi no mestem famle stadi, ol miting blong kongregesen, mo wok blong prij. (Prov. 21:5)

15 menet: “Ol Yangfala​—!Ridim Tok Blong God!”c Askem long wan no tu yangfala we oli rere finis, blong tokbaot program we oli folem blong ridim Baebol, mo olsem wanem samting ya i stap givhan long olgeta. Leftemap tingting blong ol yangfala blong putum mak blong ridim Baebol fulwan. Talem sam poen we oli kamaot long buk ya Ministry School, pej 10, haf 4.

20 menet: ?Olsem Wanem Blong Mekem Moa Long Wok Blong Prij? Wan elda i givim tok ya we i stanap long buk ya Minista Wok Blong Yumi, japta 9, pej 105-112. Leftemap tingting blong evriwan blong oli putum ol mak long saed blong spirit we olgeta oli naf blong kasem, mo eksplenem gud se sipos oli wok strong blong kasem ol mak ya, samting ya bambae i mekem i gud long olgeta blong olwe (Fil. 3:16).

Singsing 164 mo laswan prea.

[Ol futnot]