Ol Miting Blong Kingdom Wok

Notis: Long Kingdom Wok Blong Yumi, bambae i gat wan Miting Blong Kingdom Wok evri wik long manis Ogis mo Septemba. Ol kongregesen oli save jenisim program blong ol miting blong olgeta blong mekem oli laenap wetem Distrik Asembli ya “Wokbaot Wetem God.” I gud we yumi traehad blong makemaot 15 menet long laswan Miting Blong Kingdom Wok bifo we yumi go long asembli ya, blong tokbaot bakegen ol advaes long pepa we i stap long medel blong Kingdom Wok ya. Long manis Oktoba, bambae i gat wan ful Miting Blong Kingdom Wok blong tingtingbak long asembli. Blong rere from samting ya, yumi evriwan i save raetem ol smosmol not long asembli, wetem wan lis blong ol poen we yumi wanwan i wantem mekem i wok long laef blong yumi mo long wok blong prij. Biaen bambae yumi save leftemap tingting blong ol narafala, taem yumi tokbaot olsem wanem yumi stap folem ol advaes blong asembli.

Wik We i Stat Long Julae 12

Singsing 108

12 menet: Lokol mesej. Jusum sam Advaes long Kingdom Wok Blong Yumi. Yusum ol toktok long pej 4 blong mekem tu pleplei, wan blong seremaot Wajtaoa Julae 15 mo wan blong seremaot Wekap! (Inglis mo Franis) Julae 22. Sipos yufala i no gat tufala magasin ya yet, yusum tufala laswan magasin we yufala i bin kasem. Long wan pleplei, soemaot magasin long wan man long rod we hem i no toktokgud long lanwis blong yumi.

18 menet: “Folem Stret Fasin Blong Jeova.”a Sipos i gat taem, askem long kongregesen blong tokbaot ol vas we oli stap.

15 menet: Lokol nid.

Singsing 16 mo laswan prea.

Wik We i Stat Long Julae 19

Singsing 83

8 menet: Lokol mesej.

20 menet: “Yumi Joen Blong Leftemap Hae Nem Blong Jeova.”b Sekretari blong kongregesen bambae i mekem haf ya. Bambae hem i askem ol kwestin we oli stap finis. Talemaot distrik asembli we kongregesen bambae i go long hem. Taem blong program i stap long pepa long medel blong Kingdom Wok Blong Yumi Eprel 2004. Maet hem i tokbaot sam narafala poen long pepa ya tu.

17 menet: “Givhan Long Ol Baebol Stadi Blong Oli Gohed Gud​—Haf 1.” Wan tok blong elda we i lukaot long wok blong prij. Askem long kongregesen blong ansa long sam kwestin long saed blong histri blong wok blong mekem Baebol stadi, folem ol tok long buk ya Proclaimers, pej 572 kasem 574. Talem sam tok we i pulum tingting blong kongregesen blong wantem harem ol narafala haf blong samting ya long ol miting we oli kam biaen. Bambae ol haf ya oli soem olsem wanem blong mekemrere blong lidim wan stadi, olsem wanem blong givhan long studen blong mekemrere, hamas haf blong stadi long hem, olsem wanem blong yusumgud ol vas, olsem wanem blong ansa long ol kwestin blong studen, olsem wanem blong tokbaot prea blong openem mo klosem stadi, mo olsem wanem blong pulum studen i joen wetem kongregesen. Leftemap tingting blong evriwan blong oli folem advaes we i kamaot, mo blong oli holem ol haf ya blong Kingdom Wok i stap gud blong oli save yusum oltaem long fiuja.

Singsing 10 mo laswan prea.

Wik We i Stat Long Julae 26

Singsing 216

12 menet: Lokol mesej. Ripot blong ol kaon. Talem long ol pablisa blong oli putum ripot blong prij blong Julae. Yusum ol tok long pej 4 blong mekem tu pleplei, wan blong seremaot Wajtaoa Ogis 1 mo wan blong seremaot Wekap! Jul./Sept. Sipos yufala i no gat tufala magasin ya, yusum tufala laswan magasin we yufala i kasem. Long tufala pleplei ya, soem tu defren rod blong ansa long tok ya: “?From wanem yufala i stap kam oltaem?”​—Lukluk smol buk ya Statem Wan Storian, pej 16.

8 menet: Ansa Long Wan Kwestin. Wan elda i mekem haf ya. Ridim fulwan mo tokbaot.

25 menet: “?Olsem Wanem Blong Prij Long Ol Stoa?”c Tokbaot ol plan blong kongregesen blong prij long ol stoa. Mekem tu sot pleplei we tufala i stap long haf 4 mo 5, no yusum wan narafala fastok we i karem frut long ples blong yufala. Sipos i gat taem, askem long kongregesen blong talem sam gudfala stori blong prij we oli bin hapen long ol stoa.

Singing 173 mo laswan prea.

Wik We i Stat Long Ogis 2

Singsing 60

7 menet: Lokol mesej.

18 menet: ?Yu Yu Stap Soemaot Ol Risen? Tok wetem sam kwestin mo ansa we oli stanap long buk ya Ministry School, pej 254, haf 1 mo 2. Taem yumi yusum mo eksplenem ol vas long wok blong prij mo long ol tok long kongregesen, fasin blong tij blong yumi bambae i moagud sipos yumi soem from wanem i olsem, bitim we yumi talem se i olsem nomo. Yusum sam haf blong Reasoning buk no narafala buk we i stret long teritori blong yufala, blong soem olsem wanem blong (1) makem mo eksplenem ol impoten wod long wan vas, (2) soem sam tok long ol vas raonabaot no soem wan narafala vas blong sapotem poen ya, (3) yusum wan pijatok we i soemaot samting we yu stap eksplenem, mo (4) askem sam kwestin blong pulum man blong tingting gud. Tokbaot from wanem i gud blong traem pulum man blong tingting gud.

20 menet: “Kakae Blong Spirit Long Stret Taem Blong Hem.”d Yusum ol kwestin we oli stap finis. Long haf 2, askem wan no tu long kongregesen blong tokbaot blong smoltaem, wan asembli we oli bin go long hem we oli no save fogetem. Long lastok, leftemap tingting blong evriwan blong oli raetem ol smosmol not long distrik asembli.​—Lukluk Notis antap.

Singsing 32 mo laswan prea.

[Ol futnot]