Advaes

◼ Buk we yumi seremaot long Julae mo Ogis: !Yu Save Kam Fren Blong God! Sipos no, yu save yusum eniwan long ol buklet ya we oli gat 32 pej blong olgeta: ?God i Rili Kea Long Yumi?, !Yu Yu Save Haremgud Blong Olwe Long Wol!, “Look! I Am Making All Things New,” Should You Believe in the Trinity?, The Divine Name That Will Endure Forever, Gavman Ya We Bambae i Mekem Paradaes, ?Wanem Bambae i Hapen Long Yumi Taem Yumi Ded?, What Is the Purpose of Life​—How Can You Find It?, mo Taem Wan We Yu Laekem Hem Tumas i Ded. Septemba: Revelesen​—Kolosap i Kasem Nambawan En Blong Hem! Oktoba: Ol Wajtaoa mo Wekap! Taem man i intres gud, soem buklet ya Wanem long hem, mo traehad blong statem wan Baebol stadi.

◼ Stat long Septemba, seket elda bambae i givim pablik tok ya “Lukluk i Go Long Fiuja Wetem Bilif Mo Fasin No Fraet.”

◼ Sekretari blong kongregesen i mas meksua se i gat naf long ol Pepa Blong Mekem Wok Blong Fultaem Paenia (S-205) mo Pepa Blong Mekem Wok Blong Haftaem Paenia (S-205b). Yumi save sanem oda blong olgeta long pepa ya Mifala i Odarem Ol Buk Ya (S-14). I gud blong holem naf blong wan yia.

◼ Bifo we sekretari blong kongregesen i sanem ol pepa blong mekem wok blong fultaem paenia oli kam long branj ofis, hem i mas jekemgud olgeta blong meksua se ol pablisa oli fulumapgud. Sipos pablisa i no save rimemba stret dei blong baptaes blong hem, hem i mas raetem dei we hem i ting se i stret mo hem i mas makem dei ya samples blong i no fogetem bakegen. Sekretari i save makem dei ya long Kad Blong Pablisa blong hem.

◼ Sipos yu plan blong mekem wan trip i go long narafala kantri, mo yu wantem save stret dei, taem, mo ples blong ol miting, asembli no distrik asembli long kantri ya, yu mas raetem leta i go long branj ofis we i lukaot long kantri ya. Yu save faenem adres blong ol branj ofis long las pej blong Yearbook.

◼ I impoten we branj ofis i gat laswan adres mo telefon namba blong ol presiden elda mo sekretari. Sipos tufala i jenisim adres no telefon namba blong tufala, Sevis Komiti blong kongregesen i mas fulumap mo saenem pepa ya Adres Blong Presiden Elda/Sekretari i Jenis (S-29) mo sanem i kam kwiktaem long branj ofis. Oli mas mekem sem mak sipos telefon namba blong eria i jenis.