Ol Miting Blong Kingdom Wok

Wik We i Stat Long Novemba 8

Singsing 180

10 menet: Lokol mesej. Jusum sam long ol Advaes long Kingdom Wok Blong Yumi. Spesel wok blong seremaot buklet ya Keep on the Watch! bambae i finis long Novemba 14. Bambae yumi seremaot buk ya Man We i Hae Moa Long Olgeta Man long ol narafala dei blong manis Novemba.

15 menet: Miting Blong Kingdom Wok i Save Halpem Yumi Bigwan. Tok wetem kwestin mo ansa we i kamaot long buk ya Ol Rul Blong Mekem Minista Wok Blong Yumi, pej 67-70. ?Long wanem faefala rod, Miting blong Kingdom Wok i save halpem yumi blong kamgud moa long Kristin wok blong yumi? Talem sam haf blong ol Miting blong Kingdom Wok long manis ya we oli halpem yumi long ol faefala rod ya. ?Sipos yumi mekemrere miting, olsem wanem samting ya i save halpem yumi? ?From wanem yumi mas joen oltaem long miting ya? ?Baebol i talem wanem blong soem se ol Kristin long taem bifo oli bin mekem miting ya?

20 menet: “!Wok Wetem Tingting Ya Se Taem i Sot!”a Yusum sam tok we i kamaot long Wajtaoa blong Jenuware 15, 2000, pej 12-​13.

Singsing 19 mo laswan prea.

Wik We i Stat Long Novemba 15

Singsing 170

10 menet: Lokol mesej. Sipos ol fastok long pej 4 oli stret long ples blong yufala, yusum olgeta blong mekem tu pleplei blong soem olsem wanem blong seremaot Wajtaoa blong Novemba 15 mo Wekap! (Franis mo Inglis) blong Novemba 22. Sipos i no gat tufala magasin ya, yusum ol laswan magasin we yufala i bin kasem. Yufala i save yusum sam narafala fastok tu.

15 menet: ?Yu Harem Finis Glad Ya We i Kamaot From Fasin Blong Givim? Wan tok we i stanap long Wajtaoa blong Novemba 1, 2004, pej 19-​23.

20 menet: Yusum Niufala Buklet Blong Mekem Intres i Gru. Elda we i lukaot long wok blong prij i mekem tok ya wetem kwestin mo ansa. Yumi mas gobak blong luk wanwan man we oli bin karem buklet ya Keep on the Watch! blong mekem intres blong olgeta i gru. Yusum nem blong ol japta we i stap long pej 2 blong tokbaot smoltaem ol samting insaed long buklet, mo pulum tingting i go long ol impoten haf (we oli stap aninit long nem blong ol japta). Yumi save yusum ol haf ya blong mekem wan sot storian we i go moa long samting we yumi bin tokbaot lastaem. Olsem nao, sipos yu prij long wan man nao yu tokbaot ol poen we oli stap long pej 3-4, taem yu gobak bakegen blong luk hem, yu save yusum haf ya “Does God Really Care?” (“?God i Rili Kea?”) long pej 5. Tokbaot olsem wanem yumi save mekem olsem. Lukluk sam narafala haf we oli stap aninit long nem blong ol japta, olsem olgeta we oli stap long pej 6-8 mo pej 17-​18, no sam haf we oli stret long ples blong yufala. Mekem wan pleplei blong soemaot pablisa we i gobak blong mekem visit, mo i yusum wan long ol impoten haf ya. Ridim wan no tu vas we oli stap, mo tokbaot olgeta. Long en blong pleplei, pablisa i pulum tingting blong man blong haos i go long wan narafala impoten haf we bambae tufala i tokbaot long nekis visit.

Singsing 66 mo laswan prea.

Wik We i Stat Long Novemba 22

Singsing 199

10 menet: Lokol mesej. Ripot blong ol kaon.

15 menet: Lokol nid.

20 menet: Statem Baebol Stadi Wetem Olgeta We Oli Karem Niufala Buklet. Elda we i lukaot long wok blong prij i mekem tok ya wetem sam kwestin mo ansa. Tekem smoltaem blong tokbaot bakegen pleplei long Miting blong Kingdom Wok las wik, we i soemaot wan pablisa we i mekem wan visit. Makem gud we long en blong visit ya, pablisa i bin pulum tingting blong man blong haos i go long wan impoten haf we tufala i save lukluk long hem nekis taem. Semfala pablisa i save mekem pleplei bakegen (sipos hem i naf), mo i save yusum haf ya we i bin pulum tingting blong visit i go long hem las taem. Biaen, hem i yusum laswan pej blong buklet ya blong askem long man blong haos sipos hem i wantem stadi, mo tufala i mekem plan blong tokbaot stadi 1 blong buklet Wanem nekis taem. Pulum evriwan blong traehad blong statem Baebol stadi wetem olgeta we oli karem buklet ya Keep on the Watch!

Singsing 58 mo laswan prea.

Wik We i Stat Long Novemba 29

Singsing 23

10 menet: Lokol mesej. Talem long ol pablisa se oli no mas fogetem ripot blong olgeta blong manis Novemba. Mekem pleplei we i soemaot olsem wanem blong seremaot Wajtaoa blong Disemba 1 mo Wekap! (Bislama) blong Okt./Dis. Sipos i no gat tufala magasin ya, yusum ol laswan magasin we yufala i bin kasem.

10 menet: Ansa Long Wan Kwestin. Wan elda i mekem tok ya.

25 menet: “Givhan Long Ol Baebol Stadi Blong Oli Gohed Gud​—Haf 3.”b Yusum ol kwestin we oli stap finis. Long en blong paragraf 3, mekem wan smol pleplei blong soemaot wan pablisa we i mekem Baebol stadi long stadi 5 blong buklet Wanem, long paragraf 1. Tufala i bin ridim paragraf finis mo studen i bin ansa finis long kwestin. Pablisa mo studen tufala i ridim mo tokbaot Aesea 45:18 mo Prija 1:4. Pablisa i yusum ol isi kwestin blong pulum studen blong eksplenem olsem wanem tufala vas ya i joen wetem poen we buklet i stap tokbaot.

Singsing 178 mo laswan prea.

Wik We i Stat Long Disemba 6

Singsing 96

10 menet: Lokol mesej. Talemaot buk we yumi seremaot long manis Disemba. Mekem pleplei blong soemaot wan no tu fastok we yumi save yusum blong seremaot buk ya Man We i Hae Moa.

20 menet: “?Yu Yu Save Givhan Moa Long Ol Narafala?”c Askem sam kwestin long wan no tu pablisa we oli haremgud from we ol narafala oli bin givhan no leftemap tingting blong olgeta.

15 menet: Ol stori blong prij. Askem long olgeta we oli lesin, blong oli tokbaot gudfala frut we i kamaot taem oli bin mekem visit bakegen long olgeta we oli karem buklet ya Keep on the Watch! Askem long samfala we oli reregud finis, blong mekem pleplei blong soemaot olsem wanem oli bin mekem visit ya. Talem gudfala tok long evriwan from hadwok blong olgeta long taem blong spesel wok ya.

Singsing 101 mo laswan prea.

[Ol futnot]