Traem Ol Fastok We Yu Save Jenisim Blong Ol Defdefren Man

Traem Ol Fastok We Yu Save Jenisim Blong Ol Defdefren Man

Sipos yumi rili intres long ol man, fasin ya bambae i pusum yumi blong luksave nid blong olgeta, mo blong soemaot long olgeta olsem wanem Kingdom bambae i stretem olgeta trabol we oli stap fesem tede. (Fil. 2:4) Wan rod we plante pablisa oli faenem se i wok gud mo we oli save jenisim blong mekem i laenap wetem ol defdefren man, hemia blong askem long man blong haos blong talem tingting blong hem long ol pija blong Paradaes we oli stap long ol buk blong yumi, olsem olgeta ya we oli stap long raet saed blong pej ya. Blong mekem olsem, maet yu yusum wan long ol fastok ya:

◼ “?Yu yu ting se wan dei bambae yumi luk we ol man oli harem gud long laef, olsem pija ya i soem?”

◼ “Yumi evriwan i wantem se ol pikinini blong yumi oli haremgud long wan ples olsem long pija ya. ?Be yu ting se yumi mas mekem wanem blong kasem laef ya?”

◼ “Hemia wan pija we i soemaot se wol ya bambae i olsem wanem taem God i mekem ol samting we hem i wantem oli kamtru, olsem we oli kamtru finis long heven. ?Yu yu makem sam samting long pija ya we oli defren long laef blong yumi tede?”

◼ “?Bambae yu glad blong laef long wan ples olsem long pija ya? [Letem man i ansa.] ?Yu ting se samting ya i save hapen long taem blong yumi?”

Lesen gud long ansa blong man blong haos, mo wetem kaen fasin, askem wan no tu kwestin bakegen, blong kasem save moa long tingting blong hem. Sipos samfala oli ansa se oli no wantem laef olsem pija i soemaot, no oli talem se oli no bilif se laef olsem i save kamtru samtaem, yumi no mas kwik blong talem se ol man ya oli no intres. Long kaen fasin, yu save askem long olgeta from wanem oli ansa olsem. Maet bambae ansa blong olgeta i soemaot se oli rili wari long ol problem long wol, we i luk olsem se i no gat rod blong stretem olgeta.—Esik. 9:4.

Taem yu luksave wari blong man blong haos, mekem tok blong yu i laenap wetem wari ya. Tokbaot ol blesing blong Kingdom we oli stret long nid blong hem. Soemaot wan no tu vas blong Baebol we oli laenap wetem ol wari blong hem. (Lukluk ol advaes long raed saed blong pej ya.) Letem hem wan i ridim tok blong God long Baebol. Sipos hem i soem intres, givim buk long hem mo mekem plan blong kambak bakegen. Long nekis visit, yu save gohed moa long ol samting we yu bin tokbaot fastaem finis.

[Bokis blong pija long pej 6]

Sam Pija Blong Paradaes

Bible Stories buk: Stori 2, 71, 115

Teacher buk: pej 251-254

Save buk: pej 4-5, 188-189

Wanem buklet: pej 11, 13

Man We i Hae Moa buk: Japta 133

Wosipim Trufala God buk: pej 92-93

[Bokis blong pija long pej 6]

Ol Samting We Oli Mekem Ol Man Oli Wari

Ded, krae from ded

Aesea 25:8;