Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Februari 28, 2005. Brata we i lukaot long skul bambae i mekem haf ya blong 30 minit. Bambae yumi lukluk bakegen long ol samting we yumi bin tokbaot, stat long Jenuware 3 kasem Februari 28, 2005. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Olsem wanem yumi save mekem se mining blong ol tok blong yumi i klia moa long ol narafala? [be pej 226 haf 1–pej 227 haf 1]
2. ?Wanem ol wod we i nidim blong yumi eksplenem? [be pej 227 haf 2–pej 228 haf 1]
3. ?Wanem samting i save halpem yumi blong tok long fasin we i rili givim save long olgeta we oli lesin? [be pej 231 haf 1-3]
4. ?Olsem wanem yumi save halpem ol man we oli lesin blong oli kasem sam niufala save long wan vas we yumi stap yusum oltaem? [be pej 231 haf 4-5]
5. ?Wanem i save hapen sipos yumi pulum olgeta we oli lesin blong tingting gud long sam smosmol samting insaed long wan stori blong Baebol we yumi savegud long hem finis? [be pej 232 haf 2-4]
TOK N. 1
6. ?I minim wanem blong tijim ol man blong oli ‘tinghevi long God mo ona long hem’? (Pri. 12:13) [be pej 272 haf 3–pej 273 haf 1]
7. Yumi pulum tingting blong ol man i go long nem blong God, Jeova. ?Be olsem wanem yumi save pulum tingting blong olgeta i go long fasin blong hem tu? (Joel 2:32) [be pej 274 haf 3-5]
8. ?I impoten olsem wanem blong kasem save long Jisas mo blong givim witnes long saed blong hem? (Jon 17:3) [be pej 276 haf 1]
9. ?Olsem wanem fasin ya blong frengud wetem God mo blong savegud Baebol i save lidim yumi blong kasem save long wok blong Jisas? [be pej 276 haf 2]
10. ?Olsem wanem yumi save soemaot se yumi rili bilif we Jisas Kraes i King? [be pej 277 haf 4]
BAEBOL RIDING BLONG WIK
11. ?Papa blong Ebraham, we nem blong hem Tera hem i wan man we i stap wosip long ol aedol? (Jos. 24:2)
12. ?Gideon i fraet blong mekem wok we Jeova i askem long hem blong mekem? ?From wanem yu ansa olsem? (Jaj. 6:25-27)
13. ?Yumi save lanem wanem long fasin blong Gideon taem hem i toktok long laen blong Efrem? (Jaj. 8:1-3)
14. ?Taem ol man Gibea oli no wantem karem ol narafala oli go long haos blong olgeta, hemia i soemaot wanem? (Jaj. 19:14, 15)
15. ?Sipos “evri man oli stap mekem olsem we oli luk se i stret,” samting ya i min se ol samting oli olbaot? (Jaj. 21:25)