Advaes

◼ Buk we yumi seremaot long manis Februari: Revelesen​—Kolosap i Kasem Nambawan En Blong Hem! Maj: Save Blong Lidim Yu Long Laef We i No Save Finis, mo traehad blong statem ol Baebol stadi. Epril Mo Mei: Seremaot ol wanwan kopi blong Wajtaoa mo Wekap! Taem yumi go visitim ol man we oli intres, wetem olgeta we oli bin kam long Memoriol no long ol narafala tiokratik miting be oli no joen yet wetem kongregesen, yumi mas traehad blong seremaot buk ya Wosipim God. Mak blong yumi i blong statem wan Baebol stadi, antap moa wetem olgeta we oli stadi finis long Save buk mo buklet Wanem.

◼ Presiden elda no wan brata we hem i jusumaot, i mas jekem ol kaon blong kongregesen bifo long Maj 1 no kwiktaem biaen. Sipos i gat wan narafala kaon, olsem kaon blong klinim no bildim Haos Kingdom, oli mas jekem kaon ya tu. Taem oli ridim nekis ripot blong ol kaon, oli save talemaot long kongregesen se oli jekem ol kaon finis.

◼ Sekretari mo elda we i lukaot long wok blong prij tufala i mas lukluk long wok blong ol fultaem paenia. Sipos samfala oli stap faenem i had blong kasem ol aoa blong olgeta, tufala elda ya i mas mekem plan blong givhan long olgeta. Blong kasem advaes long saed ya, ridim bakegen leta S-201 we Sosaeti i sanemaot evri yia.

◼ Nem blong spesel pablik tok we bambae kongregesen i mekem raonabaot long taem blong Memoriol long yia 2005, hemia: “?From Wanem Jisas i Harem Nogud Mo i Ded?”

◼ Yumi evriwan i mas stap long Pablik Tok long Sande, Maj 20, blong harem wan spesel mesej long saed blong wan niufala rod we bambae ol pablisa oli save yusum.

◼ Branj ofis i no stap fulumap oda blong ol buk blong ol wanwan pablisa. Presiden elda i mas meksua se oli talemaot long kongregesen evri manis wetaem bambae oli sanem oda blong ol buk blong kongregesen i go long branj ofis. Olsem nao, olgeta we oli wantem kasem wan buk blong olgeta nomo, oli save putum oda wetem ol brata we oli lukaot long ol buk. Plis, no fogetem weswan buk we oli spesel oda.