Ol Miting Blong Kingdom Wok

Wik We i Stat Long Februari 14

Singsing 174

10 minit: Lokol mesej. Jusum sam Advaes long Kingdom Wok Blong Yumi. Tokbaot spesel plan blong prij long Februari 21. Yusum ol fastok long pej 8 (sipos oli stret long ples blong yufala) blong mekem tu pleplei blong seremaot Wajtaoa blong Februari 15 mo Wekap! blong Februari 22. Sipos i no gat tufala magasin ya, yusum ol laswan magasin we yufala i bin kasem. Tokbaot kwiktaem olsem wanem yumi save jenisim ol fastok ya blong oli laenap wetem laef blong ol man long ples blong yumi.​—Lukluk Kingdom Wok Blong Yumi, Jenuware 2005, pej 8.

35 minit: “Ol Manis Bifo Mo Afta Long Memoriol​—Wan Taem Blong Prij Moa.”a Elda we i lukaot long wok blong prij i mekem tok ya. Taem hem i tokbaot haf 6, hem i save ademap sam tok we i stap long Wekap! blong Septemba 8, 2004, pej 12-​13 (Franis mo Inglis). Talemaot nem blong ol haftaem paenia. Eksplenem plan we i stap blong mekem sam moa miting blong prij. Leftemap tingting blong evriwan blong oli yusum ol defren rod blong mekem moa wok long saed blong spirit long ol manis bifo mo afta long Memoriol.

Singsing 14 mo laswan prea.

Wik We i Stat Long Februari 21

Singsing 31

10 minit: Lokol mesej. Lukluk bakegen ol impoten poen blong bokis long pej 6, “Givhan Long Olgeta Blong Oli Kasem Moa Save.” Leftemap tingting blong evriwan blong oli fulumap pepa ya Please Follow Up (S-43) taem i gat nid.

20 minit: “Talem Tangkiu Long Jeova From Lav Mo Kaengud Fasin Blong Hem.”b Talemaot taem mo ples we bambae Memoriol i stap long hem, wetem nem blong brata we bambae i mekem tok mo ol narafala samting we kongregesen i nidim blong save. Long haf 4, mekem wan smol pleplei we pablisa i stap mekem rod magasin nao hem i invaetem wan man blong i kam long Memoriol. Sipos ol pablisa oli no gat yet ol pepa blong singaot ol man oli kam long Memoriol, be afta long miting ya, oli save kasem.

15 minit: “Givhan Long Ol Baebol Stadi Blong Oli Gohed Gud​—Haf 6.”c Mekem wan pleplei blong fo minit we wan Baebol studen i askem from wanem smol man nomo we oli joen long Memoriol oli tekem bred mo waen. Pablisa we i lidim stadi i talem tangkiu long hem from kwestin blong hem, i raetem daon kwestin ya, mo i talem se bambae tufala i tokbaot kwestin ya afta we tufala i finisim stadi ya. Long en blong stadi, pablisa i pulum tingting blong studen i go long Reasoning buk, pej 267-268 (Franis, pej 243), aninit long kwestin ya “?Hu i gat raet blong kakae bred mo dring waen?” Tufala i ridim tugeta, mo studen i talem tangkiu from klia ansa blong kwestin blong hem.

Singsing 21 mo laswan prea.

Wik We i Stat Long Februari 28

Singsing 42

15 minit: Lokol mesej. Ripot blong ol kaon. Talem long ol pablisa blong givim ripot blong prij blong manis Februari. Yusum ol advaes long pej 8 (sipos oli stret long ples blong yufala), mo mekem tu pleplei blong soemaot olsem wanem blong seremaot Wajtaoa blong Maj 1 mo Wekap! blong Jenuware/Maj. Sipos i no gat tufala magasin ya, yusum ol laswan magasin we yufala i bin kasem. Yufala i save yusum sam narafala fastok we oli karem gudfala frut. Long en blong wan pleplei, pablisa i yusum smol pepa ya blong invaetem man blong haos blong kam long Memoriol.

20 minit: Soemaot Se Yu Kea Long Olgeta We Oli Slak. (Wok 20:35) Fastok i no mas bitim wan menet, nao biaen mekem kwestin mo ansa long Wajtaoa blong Julae 1, 2004, pej 17-​18, haf 12-​16, olsem we yumi mekem long Wajtaoa Stadi. Askem wan brata we i save rid gud blong i ridim ol haf. Soemaot gud olsem wanem yumi save yusum ol save ya long taem blong Memoriol we i stap kam mo long taem blong spesel tok.

10 minit: Seremaot ?Wanem Samting We God i Wantem Yumi Blong Mekem? Tokbaot ol fastok mo mekem pleplei blong soem olsem wanem blong seremaot buklet ya long Maj. Yufala i save yusum fastok we i stap long pepa insaed long Kingdom Wok Blong Yumi blong Jenuware 2005, sipos no, sam narafala fastok we oli karem frut long ples blong yufala.

Singsing 72 mo laswan prea.

Wik We i Stat Long Maj 7

Singsing 12

10 minit: Lokol mesej. Lukluk ol bigfala poen long bokis ya “Ol Samting Blong Tingbaot Long Memoriol.”

15 minit: Lokol nid.

20 minit: “Yusumgud Ol Magasin Long Wok Blong Prij.”d Long haf 3 mo 4, tokbaot olsem wanem blong yusum ol advaes ya long ples blong yufala. Askem kwestin smoltaem long wan no tu pablisa we oli gat gudhan blong seremaot magasin long ol stoa mo ofis, long ol rod, long ol pablik ples, mo taem oli tekem janis blong prij. Askem long olgeta blong oli eksplenem olsem wanem oli seremaot ol magasin long ol defren ples ya. Mekem wan smol pleplei blong soem olsem wanem blong seremaot magasin, sipos no, mekem pleplei blong soemaot samting we i rili bin hapen long wok blong prij.

Singsing 192 mo laswan prea.

[Ol futnot]