Ol Miting Blong Kingdom Wok

Wik We i Stat Long Maj 14

Singsing 132

10 minit: Lokol mesej. Talemaot sam Advaes we i stap long Kingdom Wok Blong Yumi. Talem long evriwan se i gud oli wajem DVD ya David​—He Trusted in God blong rere from Miting Blong Kingdom Wok long wik we i stat long Epril 4. Yusum ol fastok long pej 4 (sipos oli stret long ples blong yufala) blong mekem tu pleplei we i soemaot olsem wanem blong seremaot Wajtaoa blong Maj 15 mo Wekap! blong Jen./Maj, sipos i no gat tufala magasin ya, yusum ol laswan magasin we yufala i bin kasem. Oli save yusum sam narafala fastok we oli wokgud. Long wan long tufala pleplei ya, pablisa i go long rod magasin. Long pleplei ya, hem i yusum laswan pej blong Wajtaoa blong Maj 15 blong mekem man blong haos i tingbaot Memoriol we i klosap.

20 minit: “!Pulum Tingting i Go Moa Long Baebol!”a

15 minit: Wan Tul Blong Mekem Yumi Kam Strong. Fastok i no mas bitim wan minit, mo biaen mekem wan tok wetem kwestin mo ansa long Yearbook blong 2005. Taem yumi tingting dip long ol nambawan wok we Jeova i stap mekem tede, samting ya i pulum yumi i kam klosap moa long hem mo long ol brata blong yumi long fulwol. (Sam 77:​12-14) Fasin ya i mekem yumi kam strong moa blong agensem Setan, mo blong yumi “stanap strong long bilif.” (1 Pita 5:​8, 9) Hem i halpem ol niuwan blong oli kasem save long ogenaesesen blong Jeova mo oli gat tangkiu from. Askem long kongregesen blong oli tokbaot ol haf we oli intres long hem taem oli ridim 2005 Yearbook. Askem long wan no tu long kongregesen we oli reregud finis, blong oli tokbaot olsem wanem oli makemaot taem blong oli ridim Yearbook blong olgeta.

Singsing 137 mo laswan prea.

Wik We i Stat Long Maj 21

Singsing 140

10 minit: Lokol mesej. Tokbaot spesel plan blong prij long Maj 25 mo Maj 28.

15 minit: “Givhan Long Ol Baebol Stadi Blong Oli Gohed Gud​—Haf 7.”b Taem brata i mekem rere haf ya, hem i save lukluk Wajtaoa blong Julae 15, 2002, pej 27, haf 5-6.

20 minit: ?Wanem ya Amagedon? Wan elda i mekem tok ya wetem kwestin mo ansa long Reasoning buk, pej 44-49 (Franis, pej 181-186). Yusum ol vas we oli stap, nao askem long kongregesen blong oli tokbaot sam long ol kwestin we i stap long blak raeting. Soemaot olsem wanem yumi save yusum ol save ya long wok blong prij​—Lukluk Save buk, pej 182.

Singsing 109 mo laswan prea.

Wik We i Stat Long Maj 28

Singsing 144

10 minit: Lokol mesej. Ridim ripot blong ol kaon mo talem tangkiu from ol presen mane. Talem long evriwan se i gud oli wajem DVD ya David​—He Trusted in God blong rere from Miting Blong Kingdom Wok blong nekis wik. Leftemap tingting blong evriwan blong oli singaotem olgeta we oli intres, blong oli kam lesin long spesel pablik tok long Epril 10. Talemaot buk we yumi seremaot long Epril mo Mei.

15 minit: Lokol nid.

20 minit: Seremaot Wajtaoa mo Wekap! Lukluk bakegen Kingdom Wok Blong Yumi blong manis Februari 2005, pej 8, blong luk ol fastok we oli givhan long yumi blong seremaot plante moa magasin. Tokbaot ol bigfala poen blong ol laswan magasin. Yusum ol fastok long pej 4 (sipos oli stret long ples blong yufala), mo mekem tu pleplei we oli soemaot olsem wanem blong seremaot Wajtaoa blong Epril 1 mo Wekap! blong Epril 8, sipos i no gat tufala magasin ya, yusum ol laswan magasin we yufala i bin kasem. Oli save yusum sam narafala fastok we oli wokgud. Long wanwan pleplei ya, oli mas eksplenem olsem wanem yumi kasem mane we i givhan long wok blong yumi long fulwol.​—Lukluk Wajtaoa, pej 2, no Wekap! pej 5.

Singsing 116 mo laswan prea.

Wik We i Stat Long Epril 4

Singsing 119

5 minit: Lokol mesej.

15 minit: Yufala i Mas Lavlavem Yufala. (Jon 13:35) Wan elda i mekem tok ya we i kamaot long Wajtaoa blong Februari 1, 2003, pej 15-18, haf 10-21. Advaes we i tokbaot buk we yumi seremaot long Epril mo Mei, i leftemap tingting blong yumi blong traem statem ol Baebol stadi wetem olgeta we oli stadi finis long Save buk mo buklet Wanem. Talemaot olsem wanem ol pablisa oli save wokgud wetem ol elda blong givhan long olgeta we oli slak.

25 minit: “Wan DVD We i Givhan Oltaem.” Ridim Ol Sam 91:2 mo 31:​14, talem wan smol tok long saed blong tufala vas ya. Kwiktaem nomo, go long ol kwestin long saed blong DVD ya David, yusum ol kwestin long haf 2 wetem kwestin we i stap long haf 3. Biaen, askem ol famle blong oli tokbaot olsem wanem ol “Wok We Yumi Save Mekem Blong Kasem Moa Save” long saed blong DVD ya i givhan long olgeta. Blong finisim tok ya, ridim Ol Sam 56:11.

Singsing 36 mo laswan prea.

[Ol futnot]