Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Eprel 25, 2005. Brata we i lukaot long skul bambae i mekem haf ya blong 30 minit. Bambae yumi lukluk bakegen long ol samting we yumi bin tokbaot, stat long Maj 7 kasem Eprel 25, 2005. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Taem yumi mekem rere wan tok, olsem wanem yumi save yusumgud ol save we program blong Tiokratik skul i talem, mo from wanem fasin ya i impoten? [be pej 234 haf 1-3, tufala bokis]
2. ?Taem yumi mekem wan tok, yumi mas yusum hamas save? [be pej 234 haf 4–pej 235 haf 1]
3. ?Taem yumi prij, olsem wanem yumi save yusum ol kwestin blong pulum ol man blong oli toktok? (Wok 8:30) [be pej 236 haf 2-5]
4. ?Olsem wanem yumi save yusum ol kwestin blong halpem ol Baebol studen blong oli yusum ‘tingting blong olgeta’? (Rom 12:1, NW) [be pej 238 haf 1]
5. ?From wanem tufala man ya we tufala i raetem Rom 8:31, 32, (NW) mo Aesea 14:27 (NW), tufala i yusum ol kwestin we oli stap? [be pej 239 haf 1-2]
TOK N. 1
6. ?Taem yumi tijim ol man blong oli kam disaepol, olsem wanem yumi ‘putum Jisas Kraes olsem fandesen’? (1 Kor. 3:11) [be pej 278 haf 1-2]
7. Long 1914, Jeova i givim ful paoa blong rul long Pikinini blong hem. ?Taswe, wanem i stap long tingting blong yumi taem yumi prea se, “Letem Kingdom blong yu i kam”? (Mat. 6:9, 10, NW) [be pej 279 haf 4]
8. ?From wanem olgeta Kristin oli mas wantem kam naf blong ridgud, mo olsem wanem Jisas i soemaot eksampol long saed ya? [w03 3/15 pej 10 haf 5; pej 12 haf 2]
9. ?Olsem wanem eksampol blong Josaea mo Jisas i save givhan long ol yangfala blong oli gohed long saed blong spirit? [w03 4/1 pej 8 haf 3-4; pej 10 haf 2]
10. ?From wanem yumi save trastem God? (Prov. 3:5, 6) [w03 11/1 pej 4 haf 6-7]
BAEBOL RIDING BLONG WIK
11. ?From wanem Hana i prea long Jeova blong i “givim paoa long king ya we hem i jusumaot,” nating se long taem ya ol man Isrel oli no gat king blong olgeta yet? (1 Saml. 2:10)
12. Nating se bokis blong kontrak i stap wetem ol man Isrel, be olgeta oli lus long faet. ?Yumi lanem wanem from? (1 Saml. 4:3, 4, 10)
13. ?From wanem 1 Kronikel 2:13-15 i talem se Deved i namba seven pikinini boe blong Jese, be 1 Samuel 16:10, 11 i talem se hem i namba eit pikinini boe?
14. ?Wanem ya ‘nogud spirit’ we i kam blong mekem Sol i harem nogud? (1 Saml. 16:14, NW)
15. ?Rabis spirit we i tekem bodi olsem bodi blong Samuel, mo i tok tru long woman kleva ya long Endoro, i talem ol tok we i tru no nogat? (1 Saml. 28:16-19)