Advaes

◼ Ol buk we yumi seremaot long manis Eprel Mo Mei: Seremaot ol Wajtaoa mo Wekap! magasin. Taem yumi gobak blong luk olgeta we oli intres, wetem olgeta ya tu we oli no joen oltaem long kongregesen be oli kam long Memoriol mo ol narafala spesel miting, yumi mas traehad blong seremaot buk ya Wosipim God. Mak blong yumi i blong statem ol Baebol stadi, antap moa wetem olgeta ya we oli bin stadi finis long Save buk mo long buklet Wanem. Jun: Man We i Hae Moa Long Olgeta Man. Sipos no, yumi save yusum buklet Wanem. Taem yumi yusum buklet, yumi mas traehad blong statem Baebol stadi. Julae: !Yu Save Kam Fren Blong God! Sipos no, yu save yusum eniwan long ol buklet ya we oli gat 32-pej blong olgeta: ?God i Rili Kea Long Yumi?, !Yu Yu Save Haremgud Blong Olwe Long Wol!, “Look! I Am Making All Things New,” Should You Believe in the Trinity?, The Divine Name That Will Endure Forever, Gavman Ya We Bambae i Mekem Paradaes, ?Wanem Bambae i Hapen Long Yumi Taem Yumi Ded?, What Is the Purpose of Life​—How Can You Find It? mo Taem Wan We Yu Laekem Hem Tumas i Ded.

◼ Stat long Julae, Sosaeti bambae i sanem ol baj blong Distrik Asembli 2005 i kam wetem ol buk. Yumi no nid blong oda long olgeta, nomo sipos i gat wan grup long kongregesen blong yumi we oli nidim baj ya long narafala lanwis. Bambae Sosaeti i sanem ol baj ya long ol bandel we i gat 25 long wan bandel, folem saes blong kongregesen. Sipos kongregesen i nidim moa, yumi save makem long pepa ya Mifala i Odarem Ol Buk (S-14). Sipos samfala long kongregesen oli nidim plastik blong baj ya, yumi mas oda long olgeta.

◼ Branj ofis i mas kipim wan lis blong ol telefon namba mo adres blong ol presiden elda mo ol sekretari. Sipos i gat jenis long kongregesen blong yumi, Sevis Komiti i mas fulumap, saenem, mo sanem kwiktaem, pepa ya Adres Blong Presiden Elda/Sekretari i Jenis (S-29). I gud tu blong mekem olsem, sipos i gat sam jenis long namba blong telefon.

◼ Sekretari long kongregesen i mas meksua se i gat plante long ol Pepa Blong Mekem Wok Blong Fultaem Paenia (S-205) mo Pepa Blong Mekem Wok Blong Haftaem Paenia (S-205b). Yumi save sanem oda blong olgeta long pepa ya Mifala i Odarem Ol Buk (S-14). I gud blong holem naf blong wan yia. Jekem ol pepa blong kam fultaem paenia blong meksua se oli fulumap gud.