Stadi Long Smol Buk Ya !Lukaot Gud!
Bambae ol kongregesen oli stadi long smol buk ya !Lukaot Gud! long Baebol Stadi Blong Kongregesen, stat long wik blong Jun 15 go kasem wik blong Ogis 31, 2009. Plis yusum ol kwestin ya blong rerem stadi blong yufala mo blong lidim miting ya. Long stadi ya, bambae yufala i ridim ol paragraf, mo sipos i gat taem, yufala i save ridim ol vas we oli no raetem fulwan long paragraf.
Wik Blong Jun 15
◼ Pej 3-4: ?Weswan long ol samting we tufala pej ya i tokbaot i gat paoa moa long laef blong yu? ?Wanem i soem long yu se ol samting ya oli stap hapen long evri ples, i no long sam ples nomo?
◼ Pej 5: ?Wanem i mekem yu yu luksave se God i rili kea long yumi? ?Wanem i save soemaot se yumi rili wantem we plan blong God i kamtru?
◼ Pej 6: (Kasem haf 5.) ?Matiu 24:1-8, 14 i talem se ol trabol long wol oli soemaot wanem?
Wik Blong Jun 22
◼ Pej 6-8: (Stat long haf 6.) ?Seken Timoti 3:1-5 i soem se yumi stap laef long wanem taem? ?Hemia ol las dei blong wanem? ?Wanem i mekem yu yu bilif se Baebol i rili Tok blong God? ?Wanem ya Kingdom we yumi talemaot long ol man?
◼ Pej 9-10: ?From wanem yumi mas tingting gud long ol jus we yumi mekem evri dei mo long samting we yumi ting se i moa impoten? (Rom 2:6; Gal. 6:7) ?Taem yu ridim ol kwestin long pej 10, wanem ol vas we oli kam long tingting blong yu mo we oli mas gat paoa long samting we yu mekem?
Wik Blong Jun 29
◼ Pej 11: ?From wanem yumi wanwan i mas tingting dip long ol kwestin long pej ya? (1 Kor. 10:12; Efes. 6:10-18) ?Sipos yumi tinghevi long advaes blong Jisas long Matiu 24:44, bambae yumi givim wanem ansa long ol kwestin ya?
◼ Pej 12: (Kasem haf 5.) ?Wanem ya ‘aoa blong jajem ol man’ we Revelesen 14:6, 7 (NW) i tokbaot? ?Olsem wanem man i ‘fraet long God mo leftemap nem blong hem’?
Wik Blong Julae 6
◼ Pej 12-14: (Stat long haf 6.) ?Wanem ya Bigfala Babilon? ?Wanem bambae i hapen long hem? ?Wanem samting we yu mas mekem naoia long saed blong Bigfala Babilon? ?Wanem narafala samting bambae i hapen long aoa blong jajmen? ?From we yumi no save ‘dei mo aoa’ blong jajmen blong God, samting ya i mas mekem wanem long yumi? (Mat. 25:13)
Wik Blong Julae 13
◼ Pej 15: ?Wanem bigfala kwestin i stanap long saed blong fasin blong rul? ?From wanem kwestin ya i impoten long yumi wanwan?
◼ Pej 16-19: ?Wanem ya “niufala heven mo niufala wol”? (2 Pita 3:13, NW) ?Hu i mekem promes ya? ?Niufala heven mo niufala wol bambae i mekem wanem jenis i kamaot? ?Bambae yumi wanwan i kasem blesing from ol jenis ya?
Wik Blong Julae 20
◼ Pej 20-21: ?Ol man blong Jisas long faswan handred yia, oli mas lesin long wanem woning blong hem blong ronwe? (Luk 21:20, 21) ?Long wanem taem oli gat janis blong ronwe? ?From wanem oli mas aot kwik? (Mat. 24:16-18, 21) ?From wanem plante man oli no lesin long ol woning? ?Wanem gudfala samting i kamaot long plante taosen man long Jaena mo Filipin we oli obei long woning we i tru? ?From wanem i impoten moa blong obei long woning blong Baebol long saed blong en blong rabis fasin blong wol ya? ?From we i impoten blong tekem aksen kwiktaem, yumi gat wanem wok blong mekem? (Prov. 24:11, 12)
Wik Blong Julae 27
◼ Pej 22-23: ?From wanem plante man Ostrelia long 1974, mo plante man Kolombia long 1985, oli no obei long woning blong disasta? ?Wanem i hapen long olgeta? ?Sipos yu yu bin harem ol woning ya, bambae yu mekem wanem, mo from wanem? ?Wanem i save soemaot sipos bambae yu obei long woning long taem blong Noa, sipos yu bin stap? ?From wanem plante man bifo oli wantem laef long Sodom mo ol ples raonabaot long hem? ?Sipos yumi tingting dip long wanem we i hapen long Sodom, olsem wanem samting ya i save halpem yumi?
Wik Blong Ogis 3
◼ Pej 24-25: (Haf 1-8) Yusum “Ol Kwestin Blong Stadi” long pej 27.
Wik Blong Ogis 10
◼ Pej 25-27: (Haf 9-20) Yusum “Ol Kwestin Blong Stadi” long pej 27.
Wik Blong Ogis 17
◼ Pej 28-29: (Haf 1-8) Yusum “Ol Kwestin Blong Stadi” long pej 31.
Wik Blong Ogis 24
◼ Pej 29-31: (Haf 9-20) Yusum “Ol Kwestin Blong Stadi” long pej 31.
Stadi blong yumi long smol buk ya bambae i halpem yumi blong “lukaot gud” mo rere oltaem. I gud we fasin blong yumi blong wok strong blong prij, i soemaot long evriwan se i impoten we yumi obei long tok blong enjel ya, se: “Yufala i mas fraet long God, mo yufala i mas leftemap nem blong hem, from we aoa i kam finis blong hem i jajem olgeta man.”−Mat. 24:42, 44; Rev. 14:7, NW.