Ol Miting Blong Kingdom Wok

Wik We i Stat Long Mei 9

Singsing 217

10 minit: Lokol mesej. Jusum sam Advaes long Kingdom Wok Blong Yumi. Yusum ol fastok long pej 8 (sipos oli stret long ples blong yufala) blong mekem tu pleplei blong seremaot Wajtaoa blong Mei 15 mo Wekap! blong Eprel/Jun. Sipos i no gat tufala magasin ya, yusum ol laswan magasin we yufala i bin kasem. Oli save yusum sam narafala fastok we oli wokgud. Long wan pleplei, pablisa i tekem janis blong seremaot magasin long bas no taxi.

15 minit: Yusum Tok Blong God Blong Kasem Hat Blong Man. Wan tok we i stanap long Wajtaoa blong Februari 1, 2005, pej 28-31. Tokbaot olsem wanem Jisas i yusum Baebol blong givhan long Pita. Soemaot olsem wanem yumi save folem eksampol blong hem, taem i nidim blong yumi stretem tingting mo filing blong ol pikinini blong yumi, ol Baebol studen, mo blong yumi wan.

20 minit: “Mekem Wan Program Blong Famle We i Save Wokgud.” Long fastok we i no bitim tu minit, tokbaot from wanem i gud blong raetem wan program mo olsem wanem blong fulumap ol klia spes we oli stap long program long pej 6. Biaen, yusum haf ya “Program Blong Famle​—⁠Ol Miting Blong Kongregesen” blong mekem kwestin mo ansa. Askem long olgeta we oli lesin blong oli tokbaot olsem wanem oli lukaotgud blong no letem ol narafala wok i blokem olgeta blong joen long ol miting blong kongregesen. Long ol wik we bambae i kam, bambae yumi tokbaot ol narafala haf blong program blong famle.

Singsing 176 mo laswan prea.

Wik We i Stat Long Mei 16

Singsing 201

10 minit: Lokol mesej.

15 minit: “Program Blong Famle​—⁠Famle i Prij.”a Askem long olgeta we oli lesin blong oli tokbaot ol gudfala samting we i kamaot taem famle i joen tugeta oltaem long wok blong prij.

20 minit: “Givhan Long Ol Baebol Stadi Blong Oli Gohed Gud​—⁠Haf 9.”b Long haf 2, tokbaot wan no tu poen long Kingdom Wok Blong Yumi blong Disemba 2004, pej 6. Mekem wan smol pleplei blong soemaot wan Baebol stadi. Afta we pablisa i finisim stadi long lesen 2 blong buklet Wanem, hem i askem long studen se: “?Olsem wanem bambae yu yu eksplenem nem blong God long wan fren blong yu?” Studen ya i eksplenem olsem wanem bambae hem i yusum Ol Sam 83⁠:​18, long New World Translation no King James Version, no i yusum futnot blong Eksodas 23⁠:14 long Baebol Long Bislama. Pablisa i talem ol gudfala toktok long hem from.

Singsing 134 mo laswan prea.

Wik We i Stat Long Mei 23

Singsing 194

12 minit: Lokol mesej. Ridim ripot blong ol kaon mo talem tangkiu from ol presen mane. Yusum ol fastok long pej 8 (sipos oli stret long ples blong yufala), blong mekem tu pleplei blong seremaot Wajtaoa blong Jun 1 mo Wekap! blong Jun 8. Sipos i no gat tufala magasin ya, yusum ol laswan magasin we yufala i bin kasem. Oli save yusum sam narafala fastok we oli wokgud.

18 minit: “Dei Blong Jeova i Klosap.”c Blong rere haf ya, lukluk buk ya Daniel’s Prophecy, pej 59, haf 28.

15 minit: “Program Blong Famle​—⁠Famle Stadi.”d Wan no tu brata sista long kongregesen, we oli rere fastaem, oli tokbaot olsem wanem oli mekem program blong famle stadi blong olgeta, mo olsem wanem oli mas traehad blong no mestem wan wik blong mekem stadi ya.

Singsing 152 mo laswan prea.

Wik We i Stat Long Mei 30

Singsing 190

10 minit: Lokol mesej. Talem long ol pablisa blong oli givim ripot blong manis Mei. Tokbaot buk we yumi seremaot long Jun. Jusum wan no tu fastok long pepa we i stap insaed long Kingdom Wok Blong Yumi blong Jenuware 2005 (sipos oli wokgud long ples blong yufala), blong mekem pleplei blong seremaot buk ya. Oli save yusum sam narafala fastok tu we oli wokgud.

20 minit: “Program Blong Famle​—⁠Vas Blong Dei.”e Askem long kongregesen blong oli tokbaot olsem wanem vas blong dei i givhan long famle blong olgeta, taem oli sidaon wanples blong ridim tugeta, mo wanem program nao oli luk se i moagud long saed ya.

15 minit: Tokbaot ol gudfala stori blong wok blong prij long manis Maj, Eprel, mo Mei, no mekem pleplei long olgeta. Askem wan no tu long kongregesen we oli mekem reregud fastaem, blong oli tokbaot ol traehad we oli mekem blong prij moa long ol manis bifo mo afta long Memoriol, mo ol blesing we oli kasem from.

Singsing 115 mo laswan prea.

Wik We i Stat Long Jun 6

Singsing 155

10 minit: Lokol mesej.

15 minit: “?Yu Luk Wan We i Gat Nid?”f Tokbaot kwiktaem ol mak we ol elda oli traem blong kasem long wok blong olgeta blong lukaot long ol sipsip. Eksplenem samting we yumi wanwan i save mekem blong givhan.

20 minit: “Wokem Rod Magasin Blong Mekem Intres Blong Man i Gru.”g Long haf 3, pulum tingting i go long Save Buk, pej 9 mo 10. Yumi save yusum tufala pej ya blong mekem rere sam storian long saed blong ol samting we bambae Kingdom blong God i mekem, mo yumi yusum wan vas insaed long storian ya. Mekem wan pleplei we i soemaot olsem wanem wan pablisa i storian mo i ridim wan vas blong Baebol long wan rod magasin blong hem. Pablisa i mas yusum pijatok mo eksplenem smoltaem vas ya long man blong haos, blong givhan long hem blong i kasem save vas ya, mo blong hem i kasem save olsem wanem vas ya i save givhan long laef blong hem.

Singsing 107 mo laswan prea.

[Ol futnot]