Ol Miting Blong Kingdom Wok

Wik We i Stat Long Jun 13

Singsing 198

10 minit: Lokol mesej. Jusum sam Advaes long Kingdom Wok Blong Yumi. Yusum ol fastok long pej 6 (sipos oli stret long ples blong yufala) blong mekem pleplei blong seremaot Wajtaoa blong Jun 15 mo Wekap! blong Eprel/Jun. Sipos i no gat tufala magasin ya, yusum tufala laswan magasin we kongregesen i kasem. Oli save yusum sam narafala fastok we oli wok gud. Long wan pleplei, pablisa i tekem janis blong seremaot magasin.

15 minit: Halpem Narafala Blong i Kam Pablisa We i No Baptaes. Elda i mekem tok ya wetem kwestin mo ansa we i stanap long buk ya Organized to Do Jehovah’s Will, pages 79-81 (long Franis Organisés pour faire la volonté de Jéhovah). Tokbaot wanem samting ol elda oli mas mekem blong luksave sipos wan studen i kasem ol mak we Baebol i putum, blong hem i save joen long wok blong prij wetem kongregesen. Nekis wik bambae yumi tokbaot olsem wanem yumi save trenem ol Baebol studen we oli kam pablisa we i no baptaes, blong oli stat blong prij long ol haos wanwan.

20 minit: “Wok Blong Prij i Givhan Long Yumi Blong Stanap Strong Longtaem.”a Sipos i gat taem, askem kongregesen blong oli tokbaot ol vas we i stap.

Singsing 149 mo laswan prea.

Wik We i Stat Long Jun 20

Singsing 206

10 minit: Lokol mesej. Tingtingbak long ol bigfala poen long Kingdom Wok Blong Yumi blong Julae 2003, pej 6. Eksplenem olsem wanem ol pablisa oli save kasem ol buk we i stap long ol narafala lanwis. Tokbaot olsem wanem advaes ya i stret long ples blong yufala. Sipos ol pablisa oli wantem kasem wan buk long narafala lanwis, oli mas go luk brata we i lukaot long ol buk, blong oli save kasem ol buk ya kwiktaem. Oli mas folem rod ya, nating sipos oli jes wantem wan buk nomo.

15 minit: Tok Blong God i Gat Paoa. (Hib. 4⁠:12) Tok ya i stanap long Wajtaoa blong Novemba 15, 2003, pej 11, haf 13-17. Tokbaot ol stori we oli soemaot olsem wanem ol tijing blong Baebol oli save pusum ol man blong oli jenisim fasin blong laef blong olgeta. (w00 1/1 pej 3-5) Leftemap tingting blong evriwan blong oli yusumgud Baebol long evri haf blong wok blong prij.

20 minit: “Givhan Long Ol Baebol Stadi Blong Oli Gohed Gud​—⁠Haf 10.”b Mekem wan pleplei we i soem wan pablisa wetem studen blong hem. Tufala i stap mekem wan pleplei long haos blong trenem studen ya long wok blong prij. Taem studen ya i stap toktok, pablisa we i stap olsem man blong haos long pleplei ya, i talem wan tok we ol man long teritori oli stap talem oltaem blong blokem yumi. Taem studen ya i no moa save se bambae hem i talem wanem, pablisa ya i eksplenem long hem olsem wanem hem i save ansa. Mo tu, askem wan no tu long kongregesen we oli mekem rere fastaem, blong oli tokbaot trening we oli bin kasem taem oli stat blong prij long ol haos wanwan.

Singsing 208 mo laswan prea.

Wik We i Stat Long Jun 27

Singsing 113

10 minit: Lokol mesej. Talem long ol pablisa blong oli givim ripot blong prij blong Jun. Ridim ripot blong ol kaon mo talem tangkiu from ol presen mane. Yusum ol fastok long pej 6 (sipos oli stret long ples blong yufala), blong mekem pleplei blong seremaot Wajtaoa blong Julae 1 no Wekap! blong Julae 8 (sipos no, tu laswan magasin we yufala i kasem). Oli save yusum sam narafala fastok we oli wokgud. Afta long plepei, tokbaot bakegen toktok we pablisa i yusum blong wekemap intres blong man.

15 minit: Lokol nid.

20 minit: Seremaot Ol Buklet Long Julae Mo Ogis. Kwestin mo ansa long pepa we i stap insaed long Kingdom Wok Blong Yumi. Eksplenem kwiktaem olsem wanem blong yusum pepa ya, tokbaot bokis long pej 3 wetem ol bigfala poen long Kingdom Wok Blong Yumi blong Jenuware 2005, pej 8. Tokbaot ol fastok we oli stret long teritori blong yufala, blong seremaot ol buklet long wok blong prij. Mekem tu no tri pleplei. Wan yangfala pablisa i mekem wan long ol pleplei ya.

Singsing 196 mo laswan prea.

Wik We i Stat Long Julae 4

Singsing 70

10 minit: Lokol mesej.

15 minit: ?Yu Yu Gat Wan Program Blong Famle? Tingtingbak long ol advaes we i stap long pepa we i joen wetem Kingdom Wok Blong Yumi long Mei 2005. Askem long kongregesen blong oli tokbaot traehad blong olgeta blong mekem advaes ya i wok, mo gudfala frut we oli kasem taem oli mekem olsem.

20 minit: “Prij Gud Long Ol Pablik Ples.”c Mekem tok ya i laenap wetem teritori blong yufala. Talem long ol pablisa blong oli yusum pepa ya Please Follow Up (S-43) taem i stret blong mekem olsem.​—⁠Lukluk Kingdom Wok Blong Yumi blong Februari 2005, pej 6.

Singsing 120 mo laswan prea.

[Ol futnot]