Ol Miting Blong Kingdom Wok

Makemgud: Long Kingdom Wok Blong Yumi blong manis Ogis, bambae i gat wan Miting Blong Kingdom Wok long evri wik. Ol kongregesen oli save mekem sam jenis long program ya blong oli save joen long Distrik Asembli ya “Obei Long God.” Sipos i stret, yusum 15 minit blong laswan Miting Blong Kingdom Wok bifo long asembli, blong talem bakegen ol advaes we oli stret long ples blong yufala, we i stap long pepa we i joen wetem Kingdom Wok ya. Wan no tu manis afta long asembli, makemaot 15 no 20 minit long Miting Blong Kingdom Wok (maet haf blong lokol nid) blong lukluk bakegen ol bigfala poen blong asembli, we ol pablisa oli luk se i givhan long olgeta long wok blong prij. Spesel haf ya blong Miting Blong Kingdom Wok, bambae i givim janis long yumi blong eksplenem olsem wanem yumi stap yusum ol save we yumi lanem long asembli, mo olsem wanem save ya i givhan long yumi blong yumi prij moagud.

Wik We i Stat Long Julae 11

Singsing 49

8 minit: Lokol mesej. Yusum ol fastok long pej 4 (sipos oli stret long ples blong yufala) blong mekem tu pleplei blong seremaot Wajtaoa blong Julae 15 mo Wekap! blong Jul./Sept. Sipos tufala magasin ya i no gat, oli save yusum ol laswan magasin we kongregesen i kasem. Oli save yusum sam narafala fastok we oli wokgud. Long tufala pleplei ya, soem tu defren rod blong ansa long tok ya we man i save sakem blong blokem yumi, “Mi mi bisi.”​—⁠Lukluk smol buk ya Storian Long Baebol, pej 14 mo 15.

20 minit: “Presem Jeova Long Medel Blong Bigfala Kongregesen.”a Sekretari i mekem tok ya. Tokbaot asembli we kongregesen bambae i joen long hem. Mekem kwestin mo ansa long ol haf olsem we yumi mekem long Wajtaoa stadi. Tokbaot bokis ya “Ol Samting Blong Tingbaot Long Taem Blong Distrik Asembli.”

17 minit: “Talemaot Gud Nius Long Plante Moa Man.”b Long haf 5, lukluk bakegen ol fastok long Kingdom Wok Blong Yumi blong Ogis 2005, we oli stret long ples blong yufala.

Singsing 88 mo laswan prea.

Wik We i Stat Long Julae 18

Singsing 173

10 minit: Lokol mesej. Jusum sam Advaes long Kingdom Wok Blong Yumi.

15 minit: “Givhan Long Ol Baebol Stadi Blong Oli Gohed Gud​—⁠Haf 11.”c Mekem wan smol pleplei we i soemaot wan pablisa wetem studen blong hem we i jes kam pablisa. Tufala i stap mekem rere wan visit. Tufala i tingtingbak long ol poen we niufala pablisa i bin tokbaot taem hem i prij long man blong haos, mo tufala i jusum stret poen we bambae hem i tokbaot long nekis visit. Tufala i mekem rere wan isi fastok tu, mo wan kwestin we bambae niufala pablisa i askem long en blong visit. Tufala i finis jes bifo we tufala i mekem pleplei blong lanem storian ya we tufala i rere long hem.

20 minit: Halpem Ol Narafala Blong Oli Laekem Baebol. Kwestin mo ansa we i stanap long Wosipim Trufala God buk, pej 23-25, haf 3-6. Yusum ol kwestin we oli stap long buk. Yusum sam tok we i stap long buklet ya A Book for All People, pej 32.

Singsing 10 mo laswan prea.

Wik We i Stat Long Julae 25

Singsing 138

15 minit: Lokol mesej. Ridim ripot blong ol kaon mo talem tangkiu from ol presen mane. Yusum ol fastok long pej 4 (sipos oli stret long ples blong yufala), blong mekem tu pleplei blong seremaot Wajtaoa blong Ogis 1 mo Wekap! blong Ogis 8. Sipos tufala magasin ya i no gat, yusum ol laswan magasin we kongregesen i kasem. Oli save yusum sam narafala fastok we oli wokgud. Long wan pleplei, pablisa i tekem janis blong seremaot magasin long ples blong maket no long wan narafala pablik ples. Tokbaot spesel plan blong prij long Ogis 1.

10 minit: Putum Trutok i Go Long Hat Blong Pikinini Blong Yu. (Dut. 6⁠:⁠7) Wan elda i mekem tok ya we i stanap long Wajtaoa blong Ogis 15, 2002, pej 30-31. Tokbaot ol stamba rul blong Baebol we oli save lidim wan Kristin papa no mama we hasban no waef blong hem i no bilif, blong i tijimgud pikinini blong hem.

20 minit: “Wan Kaon We Yumi Gat Long Ol Narafala.”d Yusum Wajtaoa blong Julae 1, 2000, pej 11, haf 13.

Singsing 82 mo laswan prea.

Wik We i Stat Long Ogis 1

Singsing 187

15 minit: Lokol mesej. Talem long ol pablisa blong oli givim ripot blong Julae. Askem long kongregesen blong oli openem Ministri School buk blong olgeta long pej 70, mo askem kwestin long haf 1-2 mo bokis ya “How to Comment at Meetings” (“Olsem Wanem Blong Ansa Long Ol Miting”).

15 minit: “Halpem Ol Pikinini Blong Yu Blong Oli Gohed Gud Long Wok Blong Prij.” Wan tok wetem ol kwestin mo ansa. Mekem wan pleplei we i soemaot wan papa no wan mama wetem pikinini blong hem we i stap yusum wan isi storian blong prij. Papa no mama ya i finisim storian ya taem hem i eksplenem kwiktaem, plan long saed blong presen mane.

15 minit: ?Yu Yu Traem Blong Jenisim Fastok Blong Yu Blong Mekem i Stret Long Ol Defren Man? Wan tok wetem sam kwestin mo ansa, we i stanap long Kingdom Wok Blong Yumi blong Jenuware 2005, pej 6. Lukluk bakegen ol fastok we oli stap, mo soemaot olsem wanem yumi save jenisim fastok blong yumi blong mekem i stret long buk we yumi seremaot long Ogis. Mekem wan no tu pleplei.

Singsing 218 mo laswan prea.

[Ol futnot]