Ol Miting Blong Kingdom Wok

Wik We i Stat Long Novemba 14

Singsing 220

10 minit: Lokol mesej. Jusum sam Advaes long Kingdom Wok Blong Yumi. Yusum ol fastok long pej 4 (sipos oli stret long ples blong yufala) blong mekem tu pleplei blong soem olsem wanem blong seremaot Wajtaoa blong Novemba 15 mo Wekap! blong Novemba 22. Sipos tufala magasin ya i no gat, yusum tu laswan magasin we kongregesen i kasem. Oli save yusum sam narafala fastok we oli wokgud. Long tufala pleplei ya, soemaot tu defren rod blong ansa long tok ya: “Mi mi no intres long ol skul.”​—Lukluk buklet ya Statem Wan Storian, pej 12.

15 minit: Ol Presen We Oli Mekem God i Glad. Wan elda i mekem tok ya we i stanap long Wajtaoa blong Novemba 1, 2005, pej 26-30.

20 minit: “Yumi Presem Jeova.”a Long haf 4, askem long kongregesen blong oli tokbaot sam sot stori we oli soemaot olsem wanem gudfala fasin blong yumi i save openem rod blong yumi prij long ol narafala.

Singsing 24 mo laswan prea.

Wik We i Stat Long Novemba 21

Singsing 40

10 minit: Lokol mesej. Tokbaot spesel plan blong prij long Novemba 29.

20 minit: Mekem Jeova i Kam God Blong Yu. Wan elda i mekem tok ya we i stanap long Wajtaoa blong Eprel 1, 2005, pej 25-28. Soem olsem wanem blong folem eksampol blong Ebraham, Deved, mo Elaeja, long laef blong yumi.

15 minit: “Soem Intres Long Ol Man​—Luksave Nid Blong Olgeta.”b Mekem wan pleplei tu. Pablisa i luk wan samting we i givhan long hem blong luksave intres blong man blong haos, nao hem i mekem storian blong hem i laenap wetem samting ya.

Singsing 67 mo laswan prea.

Wik We i Stat Long Novemba 28

Singsing 7

12 minit: Lokol mesej. Ridim ripot blong ol kaon mo talem tangkiu from ol presen mane. Talem long ol pablisa blong oli givim ripot blong prij blong Novemba. Yusum ol fastok long pej 4 (sipos oli stret long ples blong yufala), blong mekem tu pleplei blong soem olsem wanem blong seremaot Wajtaoa blong Disemba 1 mo Wekap! blong Okt./Dis. Sipos tufala magasin ya i no gat, yusum tu laswan magasin we kongregesen i kasem. Oli save yusum sam narafala fastok we i wokgud. Talem plan blong yumi long saed blong presen mane.

15 minit: “?Olsem Wanem Yumi Save Givhan?” Wan tok. Talem sam stori blong ol man blong Jeova we oli givhan long ol narafala Kristin long taem blong trabol. (Lukluk Wekap! blong Jenuware-Maj, 2004, pej 10-15; Novemba 22, 2002, pej 19-24 Franis/Inglis; mo Oktoba 22, 2001, pej 23-27 Franis/Inglis. Yufala i save yusum ol narafala haf tu.) Biaen, tokbaot ol impoten poen long haf blong Kingdom Wok Blong Yumi long pej 3. Makem klia se sipos samfala oli wantem givim presen mane blong givhan long olgeta we oli kasem trabol from wan disasta, i moagud we oli joenem wetem presen mane blong sapotem wok blong prij long fulwol.

18 minit: Talemaot Gud Nius Long Disemba. Wan tok wetem kwestin mo ansa. Long fastok blong faef minit, tingtingbak kwiktaem long ol poen long haf ya, “?Olsem Wanem Blong Yusum Ol Fastok Long Kingdom Wok?” long pej 8 blong Kingdom Wok Blong Yumi blong Jenuware 2005: (1) Sipos yumi yusum prapa tok blong yumi, bambae samting we yumi stap talem i gat moa paoa. (2) Yumi mas gat fasin luksave mo jenisim toktok blong yumi blong mekem i laenap wetem laef blong ol man long ples blong yumi. (3) Yumi mas tingbaot ol man se oli gruap long wanem kaen famle, mo wanem tingting blong olgeta. (4) Yumi mas ridim gud japta we yumi wantem tokbaot, mo yumi mas lukaotem ol poen we oli save pulum intres blong man. (5) Yumi save yusum fastok we oli no raetem daon long Kingdom Wok. Biaen, tokbaot olsem wanem blong mekem ol advaes ya i wok taem yumi givimaot buk long Disemba. Yumi save yusum ol fastok long pepa we i stap long medel blong Kingdom Wok Blong Yumi blong Jenuware 2005, no sam narafala fastok we oli wokgud long ples blong yumi. Mekem pleplei blong soemaot wan no tu fastok.

Singsing 123 mo laswan prea.

Wik We i Stat Long Disemba 5

Singsing 38

10 minit: Lokol mesej.

15 minit: Lokol nid.

20 minit: “Samting We Wok Blong Prij i Mekem.”c Long haf 5, tokbaot sam poen we oli kamaot long Wajtaoa blong Februari 15, 2004, pej 32.

Singsing 26 mo laswan prea.

[Ol futnot]