Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Disemba 26, 2005. Brata we i lukaot long skul bambae i mekem haf ya blong 30 minit. Bambae yumi lukluk bakegen long ol samting we yumi bin tokbaot, stat long Novemba 7 kasem Disemba 26, 2005. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Olsem wanem yumi save toktok wetem lav blong pulum narafala blong tekem aksen? (Flm. 9, NW ) [be pej 266]
2. ?Olsem wanem yumi save “tijim ol man long ol stret tok”? (Taet. 1:9) [be pej 267 haf 1-2]
3. ?From wanem i impoten blong mekem ol tok we yumi givim long platfom oli leftemap tingting blong ol narafala, mo olsem wanem yumi save mekem olsem? [be pej 268 haf 1-3, bokis]
4. ?Taem yumi givhan long ol narafala blong oli tingbaot ol samting we Jeova i mekem finis long ol man blong hem, olsem Moses i bin mekem, olsem wanem samting ya i save mekem tingting blong olgeta i kam strong? (Dut. 3:28; 31:1-8) [be pej 268 haf 5–pej 269 haf 2]
5. ?From wanem yumi save leftemap tingting blong olgeta we oli stap lesin long yumi, taem yumi glad blong tokbaot ol samting we Jeova i stap mekem naoia mo samting we bambae hem i mekem long fiuja? [be pej 270-271]
TOK N. 1
6. ?Wanem ya Septuagint, mo from wanem ol Kristin oli intres long hem? [si pej 307 haf 12–pej 310 haf 14]
7. ?Hu ya ol Masoret, mo wanem gudfala wok we oli mekem we i givhan long ol man blong tanem Baebol i go long narafala lanwis? [si pej 310 haf 18; pej 311 haf 20-21]
8. ?Hibru haf blong New World Translation long Inglis i stanap long wanem hanraet, mo from wanem Baebol ya i gat paoa mo yumi save trastem? [si pej 312 haf 28, 30]
9. ?Olsem wanem ol faswan Kristin oli soemaot se oli wantem tumas blong raetemdaon Tok blong God? [si pej 315 haf 1-5]
10. ?Taem yumi stadigud long ol olfala kopi blong Baebol we oli stap yet tede, oli soemaot wanem long saed blong Baebol? [si pej 320 haf 32]
BAEBOL RIDING BLONG WIK
11. ?Taem Jeova i no letem Deved i bildim haos tempol, hemia i soemaot se Jeova i no agri long ol faet we Deved i bin mekem? (1 Kron. 22:6-10)
12. ?Long prea we Solomon i mekem taem oli dediketem haos tempol, olsem wanem hem i soemaot se Jeova i lukaot gud long ol man blong hem olsem wan grup, mo tu, long ol wanwan man blong hem we oli onagud long hem? (2 Kron. 6:29, 30)
13. ?Wanem ya “ol devel we oli olsem man nani” we 2 Kronikel 11:15 i tokbaot?
14. ?From we rul blong Bahasa i stat ‘long namba tri yia blong King Asa’ mo hem i rul blong 24 yia, olsem wanem Bahasa i “kam long Juda blong mekem faet long olgeta” long ‘namba toti sikis yia blong rul blong King Asa’? (1 King 15:33; 2 Kron. 16:1)
15. ?Olsem wanem 2 Kronikel 20:22, 23 i soemaot klia, samting we bambae i hapen long wol ya blong Setan?