Ol Miting Blong Kingdom Wok

Wik We i Stat Long Disemba 12

Singsing 32

10 minit: Lokol mesej. Jusum sam Advaes long Kingdom Wok Blong Yumi. Yusum ol fastok long pej 8 (sipos oli stret long ples blong yufala) blong mekem tu pleplei blong soemaot olsem wanem blong seremaot Wajtaoa blong Disemba 15 mo Wekap! blong Okt./Dis. Sipos i no gat, yusum tufala laswan magasin we kongregesen i kasem. Oli save yusum sam narafala fastok we oli wokgud. Afta long wanwan pleplei, tokbaot olsem wanem i isi blong yusum wan vas wetem fastok ya.

15 minit: “Skul We i Givhan Long Yumi Blong Wokem Ol Save We Yumi Lanem.” Elda we i lukaot long Tiokratik Skul i mekem tok ya. Yusum pepa we i stap insaed long Kingdom Wok Blong Yumi blong Oktoba 2005.

20 minit: “Edukesen We i Lidim Man i Go Long Laef.”a Askem long wan no tu long kongregesen we oli reregud fastaem, blong oli tokbaot olsem wanem tijing blong God i bin givhan long olgeta.

Singsing 101 mo laswan prea.

Wik We i Stat Long Disemba 19

Singsing 160

5 minit: Lokol mesej. Talemaot spesel plan blong prij long Disemba 25 mo Jenuware 1. Talem bakegen long evriwan blong oli karem Wekap! blong Jenuware 2006 (Franis/Inglis) long Miting Blong Kingdom Wok blong nekis wik.

15 minit: “Soem Intres Long Ol Man​—⁠Jenisim Toktok Blong Yu.”b Mekem wan smol pleplei we i soemaot olsem wanem wan pablisa i save jenisim toktok blong hem folem samting we man blong haos i talem.

25 minit: “?Pikinini Blong Yu i Naf Blong Tekem Wan Impoten Desisen?”c Wan elda i mekem tok ya. Wan brata we i save ridgud i ridim ol wanwan haf. Tokbaot ol vas we oli stap. Long en blong haf 2, skelem stori blong tufala yangfala we i stap long Wajtaoa blong Jun 15, 1991, (Franis/Inglis) pej 16-17, haf 16-17 mo long bokis. Long en blong tok, leftemap tingting blong ol papa mama blong oli ridim bakegen fulwan haf blong Wajtaoa ya. Kwiktaem biaen, oli mas storian wetem pikinini blong olgeta mo mekem pleplei long saed blong oda ya blong Baebol blong no tekem blad. Samting ya i save mekem oli rere blong talemaot bilif blong olgeta wetem strong tingting. Ol hed blong famle oli mas meksua se wanwan pikinini blong olgeta we oli baptaes, oli holem kad ya Medical Directive (Instructions medicales), mo wanwan long olgeta we oli no baptaes yet oli gat wan Identity Card (Document d’identité médical). Sipos wan i slip long hospital mo i fesem traem ya long saed blong blad, ol elda oli mas askem help long Komiti we i Toktok wetem ol Dokta.

Singsing 56 mo laswan prea.

Wik We i Stat Long Disemba 26

Singsing 85

10 minit: Lokol mesej. Ridim ripot blong ol kaon mo talem tangkiu from ol presen mane. Talem long ol pablisa blong oli givim ripot blong Disemba. Sipos kongregesen blong yufala i jenisim dei mo taem blong miting long niufala yia, talemaot ol niufala taem ya. Tokbaot buk we bambae yumi seremaot long Jenuware, mo talemaot weples yumi save faenem ol fastok.

15 minit: Lokol nid.

20 minit: Ol Niufala Samting Long Wekap! Wan tok wetem kwestin mo ansa. Tokbaot jenis we bambae i kamaot long Wekap! long Franis mo Inglis, olsem Kingdom Wok Blong Yumi blong Maj 2005 i tokbaot, long pej 1, haf 5-6. Tokbaot haf ya “To Our Readers” (“Tok We i Go Long Ol Man Blong Ridim Wekap!”) long Wekap! blong Jenuware 2006, pej 3-4. Soemaot sam eksampol olsem wanem magasin ya i pulum man i go stret long Baebol. Askem long kongregesen blong oli tokbaot niufala haf we i stap long pej 31. Bambae yumi gohed blong seremaot tugeta Wajtaoa mo Wekap! long Franis mo Inglis, taem yumi mitim man long wok blong prij. Bambae yumi seremaot wan Wekap! nomo evri manis long ol rod magasin blong yumi mo long ol narafala we oli tekem magasin oltaem. Yusum ol fastok long pej 8 (sipos oli stret long ples blong yufala), blong mekem tu pleplei blong soemaot olsem wanem blong seremaot Wajtaoa blong Jenuware 1 mo Wekap! blong Jenuware. Sipos tufala magasin ya oli no gat, yusum tufala laswan magasin we kongregesen i kasem. Oli save yusum sam narafala fastok we oli wokgud. Kingdom Wok Blong Yumi blong Jenuware bambae i tokbaot wan defren fastok blong Wekap! blong Jenuware, we i yusum wan narafala haf blong magasin ya. Yufala i save yusum tufala fastok ya long ful manis. Long saed blong Wekap! blong Jenuware-Maj long Bislama, yufala i save yusum olgeta fastok we oli stap, blong trifala manis ya Jenuware, Februari, mo Maj.

Singsing 222 mo laswan prea.

Wik We i Stat Long Jenuware 2

Singsing 5

10 minit: Lokol mesej.

20 minit: “Yusum Ol Buk We Oli Tokbaot Baebol Long Waes Fasin.”d Yusum Kingdom Wok Blong Yumi blong Septemba 2002, pej 1.

15 minit: Lokol nid.

Singsing 48 mo laswan prea.

[Ol futnot]