Ol Miting Blong Kingdom Wok

Wik We i Stat Long Jenuware 9

Singsing 10

10 minit: Lokol mesej. Yusum ol fastok long pej 8 no sam narafala fastok we oli stret long ples blong yufala, blong mekem tu pleplei blong soem olsem wanem blong seremaot Wajtaoa blong Jenuware 1 mo Wekap! blong Jen./Maj. Sipos no, yusum tu laswan magasin we kongregesen i kasem. Long wan pleplei, pablisa i prij long stoa no ofis.

15 minit: “?Wanem Samting We Baebol i Rili Tijim?​—Faswan Buk We Yumi Yusum Blong Mekem Baebol Stadi.”a Pulum ol man blong oli wantem statem Baebol stadi long niufala buk ya.

20 minit: “Statem Baebol Stadi Long Buk Ya, ?Wanem Samting We Baebol i Rili Tijim?” Kwestin mo ansa, mo sam pleplei folem ol fastok long pej 3 blong pepa we i joen wetem Kingdom Wok ya. Yumi save stat naoia blong yusum buk ya Baebol i Tijim mo statem Baebol stadi wetem olgeta we oli intres. Mekem tri pleplei we oli soemaot olsem wanem blong yusum (1) pej 4-5, (2) pej 6, mo (3) faswan haf long pej 7 blong statem Baebol stadi taem yumi gobak blong luk wan man. Bifo long ol wanwan pleplei ya, tokbaot ol bigfala poen blong olgeta, mo afta long ol pleplei, tingtingbak long olgeta. Long ol pleplei, oli save toktok smoltaem nomo long ol haf long buk ya Baebol i Tijim. Long en blong ol pleplei ya, pablisa i mekem plan blong gobak.

Singsing 125 mo laswan prea.

Wik We i Stat Long Jenuware 16

Singsing 178

10 minit: Lokol mesej. Jusum sam Advaes long Kingdom Wok Blong Yumi. Leftemap tingting blong evriwan blong oli lukluk vidio kaset ya Transfusion-Alternative Health Care​—Meeting Patient Needs and Rights blong oli save tokbaot afta nekis wik, long Miting Blong Kingdom Wok.

15 minit: Plan Gud Blong Mekem Wil Blong Jeova. Wan tok wetem kwestin mo ansa we i stanap long pej 4-7 blong buk ya Organized to Do Jehovah’s Will. (Franis/Inglis) Fastok we i stanap long pej 4 i no mas bitim tri minit, mo biaen, askem kwestin long pej 5 kasem smol stamba tok long pej 7. Long sam narafala Miting Blong Kingdom Wok, bambae yumi tokbaot sam narafala haf blong buk ya Organized.

20 minit: “Ol Yangfala We Oli Saenaot Olsem Ol Laet.”b Askem long ol yangfala blong oli tokbaot olsem wanem oli bin prij long skul. Wan no tu yangfala oli save givim ansa we oli mekem rere fastaem.

Singsing 107 mo laswan prea.

Wik We i Stat Long Jenuware 23

Singsing 60

10 minit: Lokol mesej. Ridim ripot blong ol kaon mo talem tangkiu from ol presen mane. Yusum ol fastok long pej 8 no sam narafala fastok we oli stret long ples blong yufala, blong mekem tu pleplei blong soem olsem wanem blong seremaot Wajtaoa blong Februari 1 mo Wekap! blong Februari (Franis/Inglis). Sipos yufala i no gat tufala magasin ya, yusum tu laswan magasin we kongregesen i kasem. Wan yangfala i save mekem wan long tufala pleplei ya.

15 minit: Lokol nid.

20 minit: “Soem Intres Long Ol Man​—Askem Kwestin Mo Lesingud.”c Long haf 2, askem long kongregesen blong oli talem wanem kwestin oli luk se i gud blong statem wan storian. Mekem wan pleplei blong soem olsem wanem yumi save pulum man blong talemaot tingting blong hem taem yumi askem kwestin wetem kaen fasin mo taem yumi lesingud.

Singsing 205 mo laswan prea.

Wik We i Stat Long Jenuware 30

Singsing 197

10 minit: Lokol mesej. Talem long ol pablisa blong oli givim ripot blong Jenuware. Talemaot buk we bambae yumi seremaot long Februari, mo mekem wan pleplei blong soemaot olsem wanem blong seremaot buk ya.

15 minit: Plan Blong Givhan Long Yumi, We i Kamaot From Lav. Wan elda i mekem tok ya. Ridim leta blong Jenuware 3, 2006, we branj ofis i sanem i go long olgeta kongregesen, mo tokbaot ol rod blong kasem help from wok blong Komiti we i Toktok wetem ol Dokta (HLC) mo Grup we i Visitim Sikman (PVG).

20 minit: “Vidio Kaset We i Eksplenem Sam Niufala Rod We Ol Dokta Oli Save Yusum.” Ridim Ol Wok 15:​28, 29, mo tekem sot taem blong tokbaot impoten risen from wanem ol Kristin oli no tekem blad, hemia from we oli obei long loa blong God se blad i tabu. Biaen, yusum ol kwestin we oli stap long haf ya blong tokbaot vidio kaset ya Patient Needs and Rights. Ridim laswan haf blong finisim tok ya.

Singsing 45 mo laswan prea.

Wik We i Stat Long Februari 6

Singsing 74

10 minit: Lokol mesej.

25 minit: Kasem Save Long Niufala Tul Ya Blong Tijim Ol Man. Tok wetem kwestin mo ansa. Askem long kongregesen blong oli tokbaot sam samting we oli laekem long buk ya Baebol i Tijim, olsem ol faswan kwestin long stat blong ol japta mo bokis blong tingtingbak long ol impoten poen long ol wanwan japta (pej 106, 114), ol pija (pej 122-123, 147, 198), mo diksonari (pej 197, haf 1-2). Buk ya i tijim ol man long fasin we i kaen mo i pulum olgeta (pej 12, haf 12). Hem i eksplenem ol samting long fasin we i klia mo i isi (pej 58, haf 5) mo i yusum ol pijatok we oli stret gud (pej 159, haf 12). Fastok blong buk ya i blong halpem yumi blong statem ol Baebol stadi (pej 3-7). Mekem pleplei blong soemaot olsem wanem blong yusum bokis long pej 7 wetem wan niufala Baebol studen. Samfala oli save storian long sam gudfala frut we i kamaot taem oli yusum niufala buk ya.

10 minit: Haftaem Paenia i Karem Blesing. (Prov. 10:22) Askem long olgeta we oli mekem wok blong haftaem paenia long ol laswan manis, blong oli tokbaot olsem wanem oli bin mekem plan blong oli save paenia mo wanem glad mo blesing oli bin kasem. Leftemap tingting blong evriwan blong oli prea mo tingbaot sipos oli save mekem wok blong haftaem paenia long Maj, Eprel, mo Mei.

Singsing 16 mo laswan prea.

[Ol futnot]