Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Februari 27, 2006. Brata we i lukaot long skul bambae i mekem haf ya blong 30 minit. Bambae yumi lukluk bakegen long ol samting we yumi bin tokbaot, stat long Jenuware 2 kasem Februari 27, 2006. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Olsem wanem Tiokratik Skul i save givhan long yumi blong ‘leftemap nem blong God olsem sakrefaes long hem, mo talemaot nem blong Jisas long fes blong ol man’? (Hib. 13:15) [be pej 5 haf 3–pej 6 haf 1]
2. ?From wanem yumi mas traehad blong no mestem sam wod long riding blong yumi? [be pej 83 haf 1-5]
3. ?Taem yumi stap toktok mo tij, from wanem i impoten blong talem ol tok oli kliagud? [be pej 86 haf 1-6]
4. ?From wanem i impoten blong talemgud ol wod, mo wanem sam poen we yumi mas tingbaot? [be pej 89 haf 1–pej 90 haf 2, bokis]
5. ?Wanem sam advaes we oli save givhan long yumi blong mekem toktok mo riding blong yumi i rongud? [be pej 94 haf 4-5, bokis]
TOK N. 1
6. ?Olsem wanem 2 Kronikel 36:17-23 i pruvum se profet tok blong God i tru? [si pej 84 haf 35]
7. ?Wanem ol samting we i hapen we i mekem se ol man Jiu oli save gobak long ples blong olgeta long 537 B.K.T. blong bildim haos blong Jeova bakegen? [si pej 85 haf 1-3]
8. ?Olsem wanem buk blong Esra i soemaot se Jeova i trufala God mo i pulum yumi blong trastem hem? [si pej 87 haf 14, 18]
9. ?From wanem “namba twanti yia blong rul blong King Ataksekses” i impoten blong givhan blong makem sam narafala yia we Baebol i tokbaot? (Neh. 2:1, 5, 6, 11, 17, 18, NW) [si pej 88 haf 2, 5]
10. ?Olsem wanem Nehemaea i wan gudfala eksampol long ol man blong God tede? [si pej 90 haf 16-17]
BAEBOL RIDING BLONG WIK
11. ?Taem ol man Isrel oli kambak long Jerusalem, oli gohed yet blong yusum Yurim mo Tumim blong faenemaot tingting blong God? (Esra 2:61-63)
12. ?From wanem plante man Jiu long Babilon oli no wantem blong folem Esra blong gobak long Jerusalem? (Esra 7:28–8:20)
13. ?Olsem wanem ol man oli save wokem stonwol long wan han nomo? (Neh. 4:17, 18)
14. Long taem bifo, taem man i sanem ol impoten leta oli mas fasem no putum long wan spesel bag. ?Ale, from wanem Sanbalat i sanem wan ‘leta we i no fasem’ i go long Nehemaea? (Neh. 6:5)
15. Nehemaea i “tok strong” long ol man Jiu we oli moa mekem samting we God i askem, be wanem narafala samting tu we hem i mekem? (Neh. 13:25, 28)