Advaes

◼ Buk we yumi seremaot long manis Februari: Revelesen​—Kolosap i Kasem Nambawan En Blong Hem! Sipos no, Save Blong Lidim Yu Long Laef We i No Save Finis. Maj: Seremaot niufala buk ya, ?Wanem Samting We Baebol i Rili Tijim? Traehad blong statem ol Baebol stadi. Eprel mo Mei: Wajtaoa mo Wekap! Taem yumi visitim bakegen ol man we oli intres, wetem olgeta tu we oli stap kam long ol Memoriol mo long ol narafala spesel miting be oli no joen oltaem wetem kongregesen, yumi mas traehad blong givimaot niufala buk ya, ?Wanem Samting We Baebol i Rili Tijim? long olgeta. Mak blong yumi i blong yusum niufala buk ya blong statem wan Baebol stadi wetem olgeta.

◼ I gud blong mekem wok blong haftaem paenia long manis Eprel, from we i gat faef wiken long hem.

◼ Nem blong spesel pablik tok we i joen wetem Memoriol blong 2006, hemia “?God i Gat Paoa Yet Antap Long Evri Samting?” Lukluk advaes long saed ya long Kingdom Wok Blong Yumi blong Septemba 2005.

◼ Long Miting blong Kingdom Wok long wik blong Mei 22, bambae yumi tokbaot haf ya long pej 6, “Glad Blong Stadi Long Buk Ya ?Wanem Samting We Baebol i Rili Tijim?” Plis kipimgud haf ya, wetem program blong Buk Stadi tu.

◼ Presiden elda no wan brata we hem i jusumaot, bambae i jekem ol kaon blong kongregesen long Maj 1 no kwiktaem biaen. Sipos kongregesen i gat wan akaon long bang, maet blong pem ol samting blong riperem no bildim Haos Kingdom, oli mas jekem akaon ya tu. Taem wok ya i finis, talemaot long kongregesen afta we yufala i ridimaot nekis ripot blong ol kaon.

◼ Sekretari mo elda we i lukaot long wok blong prij, tufala i mas lukluk long wok blong ol fultaem paenia. Sipos samfala oli faenem i had blong kasem ol aoa blong olgeta, tufala elda ya i mas mekem plan blong givhan long olgeta. Blong kasem advaes long saed ya, ridim bakegen leta S-201 we Sosaeti i sanemaot evri yia.