Ol Miting Blong Kingdom Wok

Wik We i Stat Long Februari 13

Singsing 121

10 minit: Lokol mesej. Yusum ol fastok long pej 8, no ol narafala fastok we oli stret long ples blong yufala, blong mekem pleplei blong soemaot olsem wanem blong seremaot Wajtaoa blong Februari 1 mo Wekap! blong Februari (Franis/Inglis). Sipos tufala magasin ya i no gat, yusum tu laswan magasin we kongregesen i kasem. Long wan pleplei, pablisa i prij long pablik ples.

10 minit: ?Yu Yu Stap Gohed Wetem Ogenaesesen Blong Jeova? Wan tok we i stanap long buk ya Organized to Do Jehovah’s Will, pej 7-10.

25 minit: “Pulum Tingting i Go Long ‘Laet Blong Ol Man Long Wol.’”a Elda we i lukaot long wok blong prij i mekem tok ya. Talemaot nem blong olgeta we oli mekem wok blong haftaem paenia. Talemaot plan blong mekem sam moa miting blong prij antap long olgeta we oli stap finis. Tokbaot ol program blong haftaem paenia long pej 5 long pepa we i joen wetem Kingdom Wok Blong Yumi blong Februari 2005.

Singsing 224 mo laswan prea.

Wik We i Stat Long Februari 20

Singsing 89

10 minit: Lokol mesej. Jusum sam Advaes long Kingdom Wok Blong Yumi.

15 minit: “Faenem Rod Blong Prij.”b Askem long wan pablisa we i bin fesem ol traem, blong i tokbaot olsem wanem hem i faenem rod blong hem i save prij.

20 minit: “Yumi Rere Blong Givhan.”c Wan elda i mekem haf ya. Tokbaot kwiktaem sam poen long haf ya “Ansa Long Wan Kwestin,” long Kingdom Wok Blong Yumi blong Novemba 1998 mo Novemba 2000.

Singsing 1 mo laswan prea.

Wik We i Stat Long Februari 27

Singsing 20

10 minit: Lokol mesej. Ridim ripot blong ol kaon mo talem tangkiu from ol presen mane. Talem long ol pablisa blong oli givim ripot blong Februari. Yusum ol fastok long pej 8, no sam narafala fastok we oli wokgud long ples blong yufala, blong mekem pleplei blong soemaot olsem wanem blong seremaot Wajtaoa blong Maj 1, sipos no Wekap! blong Jen./Maj. (Bislama). Sipos tufala magasin ya i no gat, yusum tu laswan magasin we kongregesen i kasem.

10 minit: Lokol nid.

25 minit: Olsem Wanem Blong Seremaot Buk Ya, Baebol i Tijim. Long Maj, bambae yumi seremaot niufala buk ya. Tingtingbak long sam fastok long pepa we i joen wetem Kingdom Wok Blong Yumi blong Jenuware 2006, pej 3-6, mo mekem pleplei long sam we oli stret long ples blong yufala. Askem long kongregesen blong oli tokbaot gudfala frut we oli kasem taem oli yusum niufala buk ya, antap moa sipos oli statem niufala Baebol stadi.

Singsing 148 mo laswan prea.

Wik We i Stat Long Maj 6

Singsing 51

10 minit: Lokol mesej. Ol traket oli naes mo i isi blong karem olgeta. Taswe i gud sipos yumi yusum olgeta blong statem storian taem yumi prij long ol haos wanwan, taem yumi prij long ol pablik ples, mo taem yumi tekem janis blong prij. Yusum niufala traket ya, !Klosap Nao Fasin Safa Bambae i Finis! mo mekem pleplei blong soemaot olsem wanem blong statem wan storian. Tokbaot wan long ol vas we i stap long pej 2 long traket ya.

15 minit: “Soem Intres Long Ol Man—Taem Yumi Reregud.”d Mekem wan smol pleplei blong tu pablisa we tufala i stap rerem wan fastok blong seremaot buk ya, Baebol i Tijim. Tufala i jusum wan fastok long pepa we i joen wetem Kingdom Wok Blong Yumi blong Jenuware 2006, mo tufala i tokbaot olsem wanem tufala i save talem fastok ya long prapa tok blong tufala mo mekem i laenap wetem ol man long ples blong tufala. Long en blong pleplei ya, tufala i rere blong mekem pleplei folem fastok ya we tufala i jusum.

20 minit: “Tijim Man Wetem Ol Gudfala Tul We Hem i Save Lukluk.”e Taem yu tokbaot ol wanwan vidio kaset long haf ya, soemaot kava blong ol vidio kaset ya mo ridim smol tok we i tokbaot wanem samting we vidio kaset ya i soemaot. Askem long kongregesen blong oli tokbaot ekspiriens blong olgeta taem oli yusum ol vidio kaset long wok blong prij.—Lukluk 1997 Yearbook, pej 54, mo 1995 Yearbook, pej 50-51.

Singsing 68 mo laswan prea.

[Ol futnot]