Advaes

◼ Buk we yumi seremaot long manis Maj: Seremaot niufala buk ya, ?Wanem Samting We Baebol i Rili Tijim? Traehad blong statem ol Baebol stadi. Eprel Mo Mei: Wajtaoa mo Wekap! magasin. Taem yumi gobak blong luk olgeta we oli intres, wetem olgeta ya tu we oli no joen oltaem long kongregesen be oli kam long Memoriol mo ol narafala spesel miting, yumi mas traehad blong seremaot niufala buk ya ?Wanem Samting We Baebol i Rili Tijim? Mak blong yumi i blong statem ol Baebol stadi long buk ya. Jun: Seremaot buk ya Spesel Rod Blong Mekem Famle i Hapi. Sipos no, yumi save seremaot Save buk.

◼ I gud blong mekem wok blong haftaem paenia long manis Eprel, from i gat faef wiken long hem.

◼ Memoriol bambae i stap long Wenesde, Eprel 12, 2006. Sipos kongregesen blong yufala i holem miting long evri Wenesde, yufala i mas jenisim miting ya i go long wan narafala dei blong wik we Haos Kingdom blong yufala i fri. Sipos i no gat wan dei we Haos Kingdom i fri nao i no gat rod blong mekem Miting Blong Kingdom Wok, yufala i mas jusum ol haf we oli rili laenap wetem kongregesen blong yufala, mo mekem ol haf ya long wan narafala Miting Blong Kingdom Wok.

◼ Kongregesen i mas givimaot kwiktaem ol niufala Wajtaoa mo Wekap! Long rod ya, ol pablisa bambae oli gat taem blong ridim ol magasin ya bifo we oli seremaot long wok blong prij. Oli mas givimaot kwiktaem ol niufala Kingdom Wok Blong Yumi tu long ol pablisa. Oli save givimaot long taem blong Buk Stadi blong kongregesen.

◼ Long Mei, bambae yumi tokbaot video kaset ya, Noah​—He Walked With God, long Miting Blong Kingdom Wok. Sipos yufala i nidim kaset ya, askem kwiktaem long ol brata we oli lukaot long ol buk long kongregesen.

◼ Branj ofis i no stap fulumap oda blong ol buk blong ol wanwan pablisa. Presiden elda i mas meksua se oli talemaot long kongregesen evri manis wetaem bambae oli sanem oda blong ol buk blong kongregesen i go long branj ofis. Olsem nao, olgeta we oli wantem kasem wan buk blong olgeta nomo, oli save putum oda wetem ol brata we oli lukaot long ol buk. Plis, no fogetem weswan buk we oli spesel oda.