Ol Miting Blong Kingdom Wok

Wik We i Stat Long Jun 12

Singsing 218

10 minit: Lokol mesej. Yusum ol fastok long pej 4, no sam narafala fastok we oli wokgud long ples blong yufala, blong mekem tu pleplei blong soemaot olsem wanem blong seremaot Wajtaoa blong Jun 1 mo Wekap! blong Jun (Franis/Inglis). Sipos i no gat tufala magasin ya, yusum tu laswan magasin we kongregesen i kasem. Long wan pleplei, pablisa i seremaot magasin taem hem i tekem janis blong prij.

20 minit: “Prij​—Wan Wok We i Soem Se Yumi Gat Sore.”a Sipos i gat taem, askem long kongregesen blong oli tokbaot ol vas we oli stap.

15 minit: Trastem “Slef Ya We i Stret Mo Waes.” Tok wetem kwestin mo ansa we i stanap long japta 3 blong buk ya Organized to Do Jehovah’s Will.

Singsing 47 mo laswan prea.

Wik We i Stat Long Jun 19

Singsing 21

10 minit: Lokol mesej. Jusum sam Advaes long Kingdom Wok Blong Yumi.

20 minit: !Tok We Man i Talem Long Stret Taem Blong Hem, Hem i Gud We i Gud Tumas! Tok wetem kwestin mo ansa, we i stanap long Wajtaoa blong Jenuware 1, 2006, pej 17-19. Long fastok, soemaot ol fofala gudfala samting we oli save kamaot taem yumi talem ol gudfala tok long ol narafala from ol traehad we oli mekem. Fofala samting ya oli stap aninit long smol stamba tok ya “Ol Gudfala Frut.” Biaen, askem ol kwestin ya long kongregesen: ?Hu i mas faswan blong kasem ol gudfala tok blong presem hem? ?From wanem ol Kristin brata sista blong yumi oli nidim blong yumi talem ol gudfala tok blong leftemap olgeta? ?Wanem ol janis we yumi gat blong talem ol gudfala tok long kongregesen? ?From wanem i gud blong talem ol gudfala tok long ol memba blong famle blong yumi, mo olsem wanem yumi save mekem olsem? ?Taem ol narafala oli talem ol gudfala tok long yu, olsem wanem samting ya i leftemap tingting blong yu mo i givim paoa long yu?

15 minit: “Soem Intres Long Ol Man​—Talem Ol Gudfala Tok From Traehad Blong Olgeta.”b Mekem wan smol pleplei blong wan pablisa we i lesin gud taem man blong haos i talem tingting blong hem. Pablisa ya i talem gudfala toktok we i kamaot long hat blong hem, mo i yusum wan vas blong Baebol long saed blong samting we man ya i talem.

Singsing 96 mo laswan prea.

Wik We i Stat Long Jun 26

Singsing 63

15 minit: Lokol mesej. Ridim ripot blong ol kaon mo talem tangkiu from ol presen mane. Yusum ol fastok long pej 4, no sam narafala fastok we oli wokgud long ples blong yufala, blong mekem tu pleplei blong soemaot olsem wanem blong seremaot Wajtaoa blong Julae 1 mo Wekap! blong Jul./Sept. (Bislama). Sipos i no gat tufala magasin ya, yusum tu laswan magasin we kongregesen i kasem. Long en blong wanwan pleplei, pablisa i askem wan kwestin we man blong haos i save tingting long hem, mo long nekis visit bambae oli yusum buk ya Baebol Tijim blong luk ansa blong kwestin ya.

15 minit: Wok Wetem Wan Kongregesen We i Toktok Narafala Lanwis. Tok we i stanap long Wajtaoa (Franis/Inglis), Maj 15, 2006, pej 17-20. Yusum sam haf blong buk ya Organized, pej 112, haf 2. Mekem tok ya i laenap wetem ol man long ples blong yufala. Maet yufala i save askem kwestin long wan no tu pablisa long kongregesen we oli stap lanem wan narafala lanwis blong oli save mekem moa long wok blong prij.

15 minit: Talemaot Gud Nius Long Manis Julae. ?Wanem samting we ol man long ples blong yufala oli intres moa long hem? Askem kwestin long wan no tu pablisa we oli bin seremaot buk ya Baebol Tijim mo we maet oli bin statem wan Baebol stadi. Biaen mekem wan pleplei blong wan pablisa we i prij long ol haos wanwan, nao i seremaot buk taem i yusum wan fastok we i wokgud long ples blong yufala.​—Lukluk Kingdom Wok Blong Yumi blong Jenuware, 2005, pej 8, haf 5.

Singsing 208 mo laswan prea.

Wik We i Stat Long Julae 3

Singsing 111

10 minit: Lokol mesej. Talem long ol pablisa blong oli givim ripot blong prij blong manis Jun.

15 minit: Lokol nid.

20 minit: “?Olsem Wanem Blong Kasem Ol Mak We Yu Putumap Long Kristin Laef Blong Yu?”c Askem long ol yangfala blong kongregesen blong oli tokbaot ol mak blong olgeta mo wanem samting oli stap mekem blong kasem ol mak ya. Askem kwestin long wan no tu yangfala we oli rere finis.

Singsing 30 mo laswan prea.

[Ol futnot]