Ol Miting Blong Kingdom Wok

Wik We i Stat Long Novemba 13

Singsing 152

10 minit: Lokol mesej. Yusum ol fastok long pej 8, no ol narafala fastok we oli wokgud long ples blong yufala, blong mekem tu pleplei blong soem olsem wanem blong seremaot Wajtaoa blong Novemba 1 mo Wekap! blong Okt./Dis. Sipos tufala magasin ya i no gat, yusum tu laswan magasin we kongregesen i kasem. Long wan pleplei, pablisa i soem olsem wanem blong ansa long tok ya, “Mi mi save finis wok blong yufala.”—Lukluk smol buk ya Statem Wan Storian, pej 16.

20 minit: Ol Man Blong Talemaot Gud Nius. Wan tok wetem kwestin mo ansa we i stanap long buk ya Ogenaesesen We i Mekem Wok Blong Jeova, long pej 77 kasem smol stamba tok long pej 83.

15 minit: “Yumi No Fraet Blong Toktok, Be Yumi Holem Pis Tu.”a Yusum sam haf blong buk ya Ministry School pej 252-253, aninit long smol stamba tok ya “When to Yield” (“Quand se montrer conciliant”).

Singsing 39 mo laswan prea.

Wik We i Stat Long Novemba 20

Singsing 132

10 minit: Lokol mesej. Jusum sam Advaes long Kingdom Wok Blong Yumi.

15 minit: Lokol nid.

20 minit: Long Disemba, seremaot buk ya Man We i Hae Moa Long Olgeta Man. Kwestin mo ansa. Askem long kongregesen blong oli talem wanem samting oli laekem long buk ya Man We i Hae Moa, mo blong oli tokbaot gudfala frut we oli bin kasem taem oli seremaot buk ya. Lukluk bakegen ol fastok long pepa we i joen wetem Kingdom Wok Blong Yumi blong Jenuware 2005. Yusum wan long ol fastok ya, no wan we i wokgud long ples blong yufala, blong mekem wan pleplei.

Singsing 203 mo laswan prea.

Wik We i Stat Long Novemba 27

Singsing 111

5 minit: Lokol mesej. Ridim ripot blong ol kaon mo talem tangkiu from ol presen mane.

10 minit: Joengud Blong Bildim Ol Haos We Oli Presem God. Wan elda i mekem tok ya we i stanap long Wajtaoa blong Novemba 1, 2006 (Franis/Inglis) pej 17-21.

15 minit: “?Olsem Wanem Blong Rerem Wan Fastok Blong Seremaot Magasin?”b Mekem wan pleplei blong tri minit we tu pablisa, maet wan hasban wetem waef blong hem, tufala i jusum wan fastok long pej 8 long saed blong ol magasin blong Disemba, mo tufala i tokbaot olsem wanem bambae tufala i yusum fastok ya, mo talem long prapa tok blong tufala. Biaen, tufala i yusum ol advaes long haf ya we yumi jes mekem kwestin mo ansa long hem, blong rerem mo mekem pleplei long wan narafala haf blong magasin we tufala i luk se i stret long ol man long ples blong tufala.

15 minit: “?Bambae Mi Mekem Wanem Desisen Sipos Dokta i Wantem Givim Meresin Long Mi We i Gat Smol Blad Insaed Long Hem, No i Wantem Yusum Blad Blong Mi Bakegen?”* Kwestin mo ansa mo wan pleplei. Elda we i mekem tok ya i mas folemgud plan blong tok we branj ofis i givim.

Singsing 120 mo laswan prea.

Wik We i Stat Long Disemba 4

Singsing 155

10 minit: Lokol mesej. Talem long ol pablisa blong givim ripot blong prij blong Novemba.

15 minit: “Revelesen—Kolosap I Kasem Nambawan En Blong Hem!”c Leftemap tingting blong kongregesen blong oli yusum gud ol spesel haf blong buk ya, olsem ol bokis mo ol pija. Long en blong wanwan stadi, oli mas yusum Baebol blong mekem tingtingbak.

20 minit: Yusum Baebol Taem Yu Givim Ansa. Kwestin mo ansa we i stanap long Wajtaoa blong Ogis 15, 2002, pej 17-18, aninit long smol stamba tok ya “Lavem Ol Trutok We Yumi Tijim.” Askem long kongregesen blong givim ansa long ol wanwan kwestin. Mekem wan pleplei we pablisa i yusum Reasoning buk blong givim ansa blong Baebol long wan man we i wok wetem hem, we i askem kwestin ya se, “?From wanem yufala i no mekem lafet blong Krismas?”

Singsing 168 mo laswan prea.

[Ol futnot]